Methyu 26:47 - Kriol Baibul

⁴⁷ Wal wen Jisas bin stil toktok langa im wekinmen olabat, det najawan wekinmen blanga im neim Judas bin kamat deya langa olabat garram bigmob pipul. Detlot pipul bin garrimapbat longbala naif en stik, dumaji detlot serramonimen en lowamen en boswan olmen bin jandim olabat blanga grebum Jisas.

Methyu 26:47 Iomraidhean Croise

Methyu 26:14

Brom deya det wekinmen blanga Jisas neim Judas Askeriyat bin go langa detlot haibala serramonimen,

Methyu 26:46

Yumob gidap na. Wi garra go, dumaji iya na det men im kaminap blanga hendimoba mi.”

Methyu 26:48

Wal Judas bin tok langa detlot pipul bifo deibin kamat langa Jisas, “Det men weya ai garra kis, wal im na tharran weya yumob wandim, en yumob garra grebum im.”

Methyu 26:55

Brom deya Jisas bin tok langa det bigmob pipul, “Mi nomo trabulmeika. Wotfo yumob bin kaman garram naif en stik blanga grebum mi? Ebridei aibin oldei titjimbat ola pipul deya langa det Serramoni Pleis. Wotfo yumob nomo bin grebum mi deya?

Eks Hau Det Gudnyus Blanga Jisas Krais Bin Spredat Ebriweya 1:16

en imbin tok, “Main braja olabat, det wed weya im tok langa Saam bin hepin trubala. Yumob sabi? Longtaim det Holi Spirit bin dalim Deibid blanga raidimdan wanim garra hepin langa det men Judas. Det men bin wekinmen jis laik wi, dumaji Jisas bin pikimat im blanga wek garram wi. Bat imbin deigim detlot pipul langa Jisas blanga grebum im.” Lagijat na Pida bin tok.