Methyu 26:45 - Kriol Baibul

⁴⁵ Brom deya Jisas bin gobek langa detlot thribala wekinmen, en imbin weikimap olabat, en imbin tok, “Wojameda yumob kaan weik? Yumob tumatj silip. Wal det taim bin kaman na. Det men garra kaman en hendimoba mi langa detlot nogudbala pipul.

Methyu 26:45 Iomraidhean Croise

Fes Kings 18:27

Langa det taim na Ilaija bin stat tisimbat langa olabat. Imbin tok, “Yumob garra jingat adbala. Im god, indit? Maitbi im jinggabat blanga samting, o maitbi imbin go samweya o maitbi im trebulin olaran. Maitbi im silip. Wal yumob lafta weikimap im na.” Lagijat na Ilaija bin tok.

Aklisiyestis 11:9

Wal yu garra dum ola gudwan ting weya yu wandi dum wen yu stil jidan yangbala. Yu garra meigimbat miselp gudbinji, bat yu garra wotjim miselp en jinggabat God garra jadjim yu bambai blanga wanim yubin dumbat garram yu ronwan laif.

Methyu 26:18

Wal Jisas bin tok, “Yumob go lida langa det taun, en deya na yumob garra faindim wan olmen, en yumob garra dalim im, ‘Det titja bin tok det taim blanga im bin kaman na, en im wandi abum det Pasoba Serramoni sapa garram im wekinmen olabat langa yu haus.’ ”

Methyu 26:2

“Tudeistaim dei garra abum det Pasoba Serramoni, en dei garra hendimoba mi, en dei garra neilimap mi langa kros en larram mi dai deya.”

Methyu 26:44

En Jisas bin gobek, en imbin prei seimwei igin.

Methyu 26:46

Yumob gidap na. Wi garra go, dumaji iya na det men im kaminap blanga hendimoba mi.”

Mak Bin Dalim Ola Stori Blanga Jisas 14:35

Brom deya Jisas bin go nomo longwei brom detlot thribala wekinmen, en deya na imbin baudan garram im feis langa graun, en imbin prei langa God blanga deigidawei det trabul brom im.

Luk Bin Dalim Ola Stori Blanga Jisas Langa Wan Jintail Men 22:53

Aibin oldei jidanbat deya langa det Serramoni Pleis titjimbat ola pipul. Wotfo yumob nomo bin grebum mi deya? Ai dalim yumob wotfo. Dumaji det rait taim bin kaman blanga det boswan dibuldibul na, en yumob na garra dum det wek blanga im.”

Jon Bin Dalim Det Gudnyus Blanga Jisas Det San Blanga God 12:23

Wal Jisas bin dalim dubala, “Det rait taim bin kaman na weya God garra shoum ola pipul mi na det Speshalwan Men en mi brabli haibala.” Lagijat na Jisas bin tok.

Jon Bin Dalim Det Gudnyus Blanga Jisas Det San Blanga God 12:27

“Wal ai dalim yumob. Mi brabli nogudbinji na, dumaji det taim bin kaman blanga mi blanga dai. En wanim ai garra tok? Ai garra dalim main Dedi nomo blanga larram mi dai? Nomo. Ai kaan dalim main Dedi nomo blanga larram mi dai, dumaji blanga tharran na aibin kaman. En ai garra go thru langa det trabul.” Lagijat na Jisas bin tok. Afta na Jisas bin tok langa im Dedi,

Jon Bin Dalim Det Gudnyus Blanga Jisas Det San Blanga God 13:1

Wal wen imbin gulijap taim blanga abum det Pasoba Serramoni, Jisas bin sabi imbin taim blanga im blanga gowei brom dijan wel en gobek langa im Dedi langa hebin. Wal olawei Jisas bin laigim detlot wekinmen blanga im, en imbin shoum olabat brabliwei haumatj imbin laigim olabat.

Jon Bin Dalim Det Gudnyus Blanga Jisas Det San Blanga God 17:1

Wal wen Jisas bin binij toktok langa im wekinmen olabat, imbin lukap langa top, en imbin prei langa God, “Dedi, det rait taim blanga main bin kaman na. “Mi na yu san,