Methyu 26:39 - Kriol Baibul

³⁹ Brom deya Jisas bin go nomo longwei brom olabat, en imbin baudan garram im feis langa graun, en imbin prei brabliwei, “Main Dedi, if yu wandim, yu gin deigidawei dijan trabul brom mi. Bat yu nomo dum wanim mi wandim. Yu garra dum wanim yu wandim.”

Methyu 26:39 Iomraidhean Croise

Jenasis 17:3

Wal Eibram bin baudan langa graun blanga shoum rispek langa God,

Sekan Semyul 15:26

En if im nomo gudbinji langa mi, wal im garra dum wanim im wandi dum langa mi.”

Fes Kranakuls 21:16

Wal King Deibid bin luk det einjul garram det bigbala naif deya langa Jerusalem. Wen King Deibid en ola lidamob bin luk det einjul deibin werrimon sekbeigwan klos en deibin pudumdan olabat feis langa graun.

Aisaiya 50:5

YAWEI oldei meigim mi lisin gudwei en ai nomo ranawei en gibit im bekboun.

Aisaiya 53:12

En ai garra gibit im gudbala ting en meigim im jidan brabli haibala garram pawa, dumaji imbin gibit im laif. Sambala bin reken imbin dum nogudbala ting, bat imbin dai blanga ola nogudbalawei blanga ola pipul, en imbin prei blanga olabat blanga larramgo olabat fri brom olabat nogudbalawei.” Lagijat na YAWEI bin tok.

Isikiyel 1:28

Imbin luk jis laik detlot kala blanga det reinbo, en aibin sabi im na YAWEI. Wal wen aibin luk im, aibin pudumdan main feis langa graun en streidawei aibin irrim sambodi bin tok langa mi.

Nambas 14:5

Afta Mosis en Eran bin baudan langa graun lida langa detlot pipul.

Nambas 16:22

Bat Mosis en Eran bin pudumdan dubala feis langa graun en dubala bin tok, “God, oni yu na oldei gibitbat laif. Wen wanbala men dum nogudbala ting nomo wail langa ebribodi.”

Methyu 20:22

Wal Jisas bin tok langa det olgamen san dubala na, “Yunbala nomo sabi wanim yunbala askimbat mi. Yunbala reken yunbala gin go thru langa det trabul weya ai garra go thru?” En dubala bin tok, “Yuwai.”

Methyu 24:24

Bat yumob kaan bilib langa olabat wen dei garra tok lagijat, dumaji sambala pipul garra kaman en gulum miselp Krais, en sambala pipul garra kaman en gulum miselp speshalwan mesinja blanga God, en dei garra dumbat olkain klebabala ting, en loda pipul garra teiknodis langa olabat, en dei garra trai en meigim ola pipul hu bulurrum God tenawei brom im en bulurrum olabat.

Methyu 26:42

Brom deya Jisas bin libum olabat, en imbin gobek en prei igin, “Main Dedi, if yu kaan deigidawei dijan trabul brom mi, wal ai garra duwit, dumaji yu wandim mi garra duwit.”

Mak Bin Dalim Ola Stori Blanga Jisas 13:22

Bat yumob kaan bilib langa olabat wen dei garra tok lagijat, dumaji sambala pipul garra kaman en gulum miselp Krais, en sambala pipul garra kaman en gulum miselp speshalwan mesinja blanga God. En dei garra dumbat olkain klebabala ting, en loda pipul garra teiknodis langa olabat, en dei garra trai en meigim ola pipul hu bulurrum God tenawei brom im en bulurrum olabat.

Jon Bin Dalim Det Gudnyus Blanga Jisas Det San Blanga God 11:41

Wen Jisas bin tok lagijat, detlot pipul bin deigidawei det ston brom det dowa, en Jisas bin lukap langa top, en imbin tok langa God, “Dedi, ai gibit yu theingks, dumaji yu irrim mi.

Jon Bin Dalim Det Gudnyus Blanga Jisas Det San Blanga God 14:31

Bat stil ai garra dai, dumaji ebribodi langa dijan wel garra sabi ai laigim main Dedi. En blanga tharran na ai garra dum ebrijing weya main Dedi dalim mi blanga dum. “Wal kaman na. Wi gowei brom iya.” Lagijat na Jisas bin tok langa im wekinmen olabat.

Jon Bin Dalim Det Gudnyus Blanga Jisas Det San Blanga God 18:11

Wal Jisas bin dalim Saiman Pida, “Yu pudumbek det naif, dumaji ai garra go thru langa dijan trabul weya main Dedi bin gibit mi.”

Jon Bin Dalim Det Gudnyus Blanga Jisas Det San Blanga God 5:19

Wal Jisas bin gibit ensa langa detlot serramonimen hubin wandi kilim im ded. Imbin tok, “Trubala ai dalim yumob. Mi na det San blanga God, en ai kaan dum enijing miselp. Oni detlot ting weya mi luk main Dedi dumbat ai gin dum, dumaji mi oldei dum detlot ting weya main Dedi oldei dum.

Jon Bin Dalim Det Gudnyus Blanga Jisas Det San Blanga God 5:30

Wal Jisas bin kipgon tok langa detlot serramonimen hubin wandi kilim im ded, “Ai kaan dum enijing miselp. En wen mi jadjimbat pipul, mi oldei jadjimbat olabat hau main Dedi oldei dalim mi blanga jadjim olabat. En ai jadjim olabat gudwei, dumaji mi nomo dum wanim mi wandi dum. Mi oldei dum wanim main Dedi hubin jandim mi wandim mi blanga dum.

Jon Bin Dalim Det Gudnyus Blanga Jisas Det San Blanga God 6:38

en ai kaan andimwei enibodi hu kaman langa mi, dumaji ai nomo bin kamdan brom hebin blanga dum wanim mi wandi dum. Aibin kaman blanga dum wanim main Dedi hubin jandim mi wandim mi blanga dum,

Eks Hau Det Gudnyus Blanga Jisas Krais Bin Spredat Ebriweya 10:25

en wen Pida bin redi blanga gowin langa det haus, Koniliyas bin kamat atsaid, en imbin baudan lida langa im blanga weship langa im.

Falipiyans 2:8

Yu si? Imbin meigim miselp lobala, dumaji imbin meigim miselp laik wi, en imbin duwit langa God wanim God bin wandim im blanga dum raidap imbin dai langa det kros.

Hibrus 5:7

Wal wen Jisas bin jidan iya langa dijan graun, imbin oldei prei brabli adbala. Imbin kraikrai en jingat langa God, en God bin abum det pawa blanga deigidawei det trabul brom Jisas en nomo larram im dai, en God bin lisin langa Jisas, dumaji Jisas bin rispek God en imbin meigim miselp lobala.

Rebaleishan 19:10

Wal wen det einjul bin tok langa mi lagijat, aibin buldan langa graun rait langa im fut blanga weship im. Bat imbin tok, “Yu nomo lagijat! Mi wekinmen jis laik yu en yu braja olabat, en jis laik ol detlot pipul hu bulurrum det gudnyus blanga Jisas Krais brabliwei. Yu garra baudan en weship oni God. Yu garra gibit theingks langa im, nomo langa mi, dumaji det Spirit blanga God na bin dalimbat ola speshalwan mesinja det gudnyus blanga Jisas.”