Methyu 26:3 - Kriol Baibul

³ Afta na ola haibala serramonimen en ola boswan olmen bin majurrumap miselp langa det haus blanga det boswan haibala serramonimen neim Kaiyafas,

Methyu 26:3 Iomraidhean Croise

Ola Saam 56:6

Olabat oldei blandim miselp langa ola sigridwan pleis, en lukinatbat ebrijing mi dumbat, dumaji olabat wandi kilim mi ded.

Jeramaiya 11:19

Aibin jidan jis laik det lilwan ship weya im jidan brabli kwaitwan langa im bos, en im nomo sabi det bos bin redi blanga deigimwei im blanga kilim im, en ai nomo bin sabi olabat bin meigimbat nogudwan plen blanga ardim mi. Olabat bin toktok, “Wi lafta kadimdan det tri wen im stil gudwan. Wi lafta kilim im wulijim nobodi kaan jinggabat langa im enimo.”

Jeramaiya 17:27

Bat olabat garra teiknodis langa mi en olabat garra kipum det Sebathdei seikridwan. Olabat kaan garrimap enijing thru langa detlot geit blanga Jerusalem langa det dei. If olabat garra dum lagijat, wal ai garra barnimap ol detlot geit blanga Jerusalem garram faiya. Det faiya garra barnimap ol detlot speshalwan haus blanga det king langa Jerusalem, en nobodi kaan pudumat det faiya.”

Methyu 26:69

Wal wen Pida bin deya atsaid langa det boswan haibala serramonimen kemp, wan wekingel blanga det serramonimen bin kaman langa Pida, en imbin tok, “Yubin deya du garram Jisas brom Gelali.”

Methyu 27:27

Brom deya detlot solja blanga Pailat bin deigim Jisas langa det boswan gabman kemp, en bigmob solja bin jandap raidaran langa Jisas, en deibin mokimbat im na.

Mak Bin Dalim Ola Stori Blanga Jisas 14:54

Wal Pida bin bulurrumbat olabat biyain raidap deibin kamat langa det boswan serramonimen haus, en imbin jidan atsaid garram detlot blijiman blanga det kemp, en imbin womimbat miselp langa olabat faiya.

Mak Bin Dalim Ola Stori Blanga Jisas 14:66

Wal wen Pida bin deya atsaid langa det haus blanga det boswan serramonimen, wan wekingel blanga det serramonimen bin wokpas,

Mak Bin Dalim Ola Stori Blanga Jisas 15:16

Brom deya detlot solja bin deigim Jisas langa det boswan gabman kemp, en deibin majurrumap ola najalot solja, en deibin ol mokimbat im na.

Luk Bin Dalim Ola Stori Blanga Jisas Langa Wan Jintail Men 22:55

Wal sambala pipul deya bin meigim faiya atsaid langa det boswan haibala serramonimen haus, en Pida bin go en jidan garram olabat wansaid langa det faiya.

Luk Bin Dalim Ola Stori Blanga Jisas Langa Wan Jintail Men 3:2

en det dubala men neim Enas en Kaiyafas bin jidan boswan haibala serramonimen langa Jerusalem. Wal det taim na wen ol detlot men na bin jidan bos, God bin tok langa det san blanga Sekaraiya neim Jon deya langa det bush kantri,

Jon Bin Dalim Det Gudnyus Blanga Jisas Det San Blanga God 11:57

Detlot haibala serramonimen en detlot najalot serramonimen gulum Ferasi bin dalim ola pipul, “If enibodi sabi weya Jisas jidan, wal im garra kaman en dalim melabat.” Lagijat na deibin dalim ola pipul, dumaji deibin wandi gajulum Jisas en lokimap im.

Jon Bin Dalim Det Gudnyus Blanga Jisas Det San Blanga God 18:24

Wal Jisas bin stil taidap, en Enas bin jandim im langa det boswan haibala serramonimen neim Kaiyafas.

Jon Bin Dalim Det Gudnyus Blanga Jisas Det San Blanga God 18:28

Ailibala neks dei na deibin deigidawei Jisas brom det kemp blanga Kaiyafas, en deibin deigim im langa det kemp blanga det gabman bos neim Pailat, en wen deibin kamat langa det kemp, detlot Juwish kaunsalamob nomo bin wandi gowin insaid langa det haus, dumaji Pailat bin Jintail men, en detlot Juwish men nomo bin wandi meigim miselp nomo klinbala blanga serramoni, dumaji deibin wandi dagat det Pasoba Serramoni daga det neksdei.