Methyu 26:29 - Kriol Baibul

²⁹ Ai dalim yumob. Ai kaan dringgim dijan wain garram yumob enimo. Bat wen main Dedi jandimbek mi, en ai jidan boswan brabliwei, det taim na ai garra dringgim det wain nyubalawei.”

Methyu 26:29 Iomraidhean Croise

Ola Saam 104:15

en meigim wain blanga meigim melabat jidan hepiwan, en oliboil blanga meigim melabat luk gudwan, en daga blanga meigim melabat strongbala.

Ola Saam 4:7

Bat yu na bin meigim mi gudbinji brabliwei. Ola pipul garram loda daga en wain en olabat jidan gudbinji, bat oni blanga lilbit taim. Yu na meigim mi gudbinji olataim!

Ola Saam 40:3

Imbin gibit mi nyubala song blanga sing. Ai preisim im garram det song dumaji imbin seibum mi lagijat. Loda pipul garra irrim hau imbin seibum mi garram pawa. Dei garra hatjamp en bradin langa im, en dei garra trastim YAWEI.

Brabli Gudwan Song 5:1

Main pramis, aibin kaman langa main gadin na. Mi gajimbat lilbit gudsmelwan medisin. Mi dagadagatbat main switwan shugabeig. Mi dringgimbat main wain en milk. Yunmi laigim gija. Yu gin dagadagatbat en dringgimbat raidap yu brabli bulap, dumaji yunmi laigim gija detmatj.

Aisaiya 25:6

Wal aibin tok na, “Deya langa Jerusalem YAWEI det boswan God garra abum brabli gudwan padi blanga ebribodi langa dijan wel. Det padi garra abum brabli gudwan daga en bif en wain.

Aisaiya 53:11

Afta det wekinmen abum ol detlot pein langa im laif, im garra jidan gudbinjiwei. Nomeda im nomo bin dum enijing rong, bat im garra deigim det panishmen blanga ola nogudbalawei blanga ola pipul, wulijim im garra larramgo olabat fri brom olabat nogudbalawei en olabat garra jidan nomo giltiwan.

Sefanaiya 3:17

YAWEI, yumob God, im jidan garram yumob. En im na garram det pawa blanga bidim ol yumob enami olabat. En im garra gudbinji garram yumob brabliwei. Im laigim yumob detmatj en im gudbinji blanga jidan garram yumob. Im garra sing adbala, dumaji im brabli gudbinji garram yumob.’ ”

Sekaraiya 9:17

Luk! Im kantri jidan gudwan en purdiwan! Detlot sid daga garra gro gudwei en detlot greip daga garra gro gudwei. Detlot yangmen garra gro strong wen dei dagat detlot sid daga. Detlot yangwan gel garra gro strongbala du wen dei dringgim det wain.”

Methyu 13:43

en afta ol detlot pipul hu bulurrum God garra jidan langa det nyubala hebin en nyubala kantri weya olabat Dedi garra meigim, en dei garra shain brabliwei jis laik det san. “Wal yumob irrim mi na if yumob garram irriwol.

Methyu 16:28

Mi na det Speshalwan Men en ai dalim yumob trubala dijan. Sambala yumob iya, bifo yumob dai yumob garra luk mi kambek blanga jidan Bos brabli.” Lagijat na Jisas bin tok.

Methyu 25:34

Afta ai garra tok langa detlot gudbala pipul langa main raidensaid, ‘Yumob kaman na, dumaji God im gudbinji langa yumob. Yumob garra gedim samting gudwan weya God bin meigim redi blanga yumob longtaim wen imbin meigim ola kantri.

Methyu 26:28

en imbin tok, “Dijan wain yumob dringgim im main blad. Ai garra spilim main blad blanga ebribodi blanga opinimap det nyubalawei blanga God. Ai garra spilim main blad blanga deigidawei ola nogudbala ting brom loda pipul.

Methyu 26:30

Brom deya Jisas en im wekinmen olabat bin sing det laswan song blanga det Pasoba Serramoni, en deibin gowei brom det haus, en deibin go langa det hil gulum Olib.

Methyu 28:20

Yumob garra shoumbat olabat blanga dum ebrijing weya aibin shoumbat yumob. En ai kaan libum yumob. Nomeda wujei yumob go, bat stil mi garra oldei jidan deya garram yumob olataim.” Lagijat na Jisas bin tok. Binij na.

Mak Bin Dalim Ola Stori Blanga Jisas 14:25

Trubala ai dalim yumob. Ai kaan dringgim dijan wain garram yumob enimo. Bat wen main Dedi jandimbek mi, en ai jidan Boswan brabliwei, det taim na ai garra dringgim det wain Nyubalawei.”

Luk Bin Dalim Ola Stori Blanga Jisas Langa Wan Jintail Men 12:32

“Main fren olabat, yumob nomo wandi bradin, dumaji yumob Dedi langa top bin gudbinji blanga yumob, en im garra larram yumob jidan garram im.

Luk Bin Dalim Ola Stori Blanga Jisas Langa Wan Jintail Men 15:32

Bat wi garra abum padi en gudbinji, dumaji yu lilwan braja bin dedbala. Bat im laibala na. Imbin gitbush. Bat wibin faindim im.’ ” Lagijat na Jisas bin dalimbat stori langa detlot pipul.

Jon Bin Dalim Det Gudnyus Blanga Jisas Det San Blanga God 15:11

“Wal aibin dalim yumob tharran, dumaji mi brabli gudbinji, en ai garra meigim yumob gudbinji wulijim yumob garra jidan brabli gudbinjiwei.

Jon Bin Dalim Det Gudnyus Blanga Jisas Det San Blanga God 17:13

“Wal ai garra kaman langa yu na, en ai garra tok ol dislot wed bifo mi gowei brom dijan wel wulijim ai garra meigim detlot wekinmen main weya yubin gibit mi jidan brabli gudbinji seimwei laik mi oldei jidan gudbinji.

Eks Hau Det Gudnyus Blanga Jisas Krais Bin Spredat Ebriweya 10:41

Im nomo bin shoum miselp langa ebribodi. Imbin oni shoum miselp langa detlot pipul weya God bin pikimat, en melabat bin dagadagat daga en dringgimbat garram im afta wen imbin gidap brom dedbala,

Hibrus 12:2

en wi garra kipgon lukinatbat oni langa Jisas, dumaji im na bin meigim wi bilib basdam, en im na meigim wi bilib olagijawan du. Wi garra bulurrum im, dumaji im nomo bin gibap wen imbin luk det trabul langa det kros, en im nomo bin sheim blanga dai deya, dumaji imbin sabi im garra gudbinji wen im binij det reis, en tudei im jidan langa raidensaid langa det speshalwan tjeya blanga God.

Rebaleishan 14:3

Wal det nois bin kamat brom det bigmob pipul, brom det 144,000 pipul. Detlot pipul bin jandap lida langa det speshal boswan tjeya, en deibin jandap lida langa detlot fobala najakain enimul en langa detlot 24 olmen. Detlot pipul bin jandap deya, en deibin sing nyubala song. Nobodi bin sabi det song. Oni olabat na, dumaji olabat na detlot pipul hu God bin baiyim brom ola trabul langa dijan kantri.

Rebaleishan 7:17

Im garra deigim olabat langa gudbala kantri weya blendibala springwoda oldei jidan. En God kaan larram eni trabul meigim olabat kraikrai. Olabat garra jidan gudbinjiwei olagija na.” Lagijat na det olmen bin tok.