Methyu 26:27 - Kriol Baibul

²⁷ Afta na imbin gajim det kap ful garram wain, en imbin gibit theingks langa God, en imbin gibit det wain langa im wekinmen olabat,

Methyu 26:27 Iomraidhean Croise

Ola Saam 116:13

Ai garra bringim speshalwan ofring langa YAWEI blanga gibit theingks langa im dumaji imbin seibum mi.

Brabli Gudwan Song 5:1

Main pramis, aibin kaman langa main gadin na. Mi gajimbat lilbit gudsmelwan medisin. Mi dagadagatbat main switwan shugabeig. Mi dringgimbat main wain en milk. Yunmi laigim gija. Yu gin dagadagatbat en dringgimbat raidap yu brabli bulap, dumaji yunmi laigim gija detmatj.

Brabli Gudwan Song 7:9

Wen yu kiskisbat mi, yu teist laik det brabli gudwan wain. Larram det wain randan streit langa main olmen, en larram im teistim garram im mawus gudwei.

Aisaiya 25:6

Wal aibin tok na, “Deya langa Jerusalem YAWEI det boswan God garra abum brabli gudwan padi blanga ebribodi langa dijan wel. Det padi garra abum brabli gudwan daga en bif en wain.

Aisaiya 55:1

Wal YAWEI det trubala God bin kipgon tok, “Kaman yumob hu oldei jidanbat thestibala. Yumob kaman en dringgimbat woda. Kaman yumob hu nomo garram eni mani. Yumob kaman en dagat wanim yumob wandim. Yumob gin kaman en dringgim wain en milk, en yumob kaan gibit langa mi eni mani.

Methyu 15:36

en imbin gajim detlot 7 damba en detlot fish, en imbin gibit theingks langa God, en afta imbin breigim detlot daga en fish, en imbin gibit langa im wekinmen olabat blanga gibitat langa detlot pipul.

Methyu 26:26

Wal wen deibin stil dagadagat sapa, Jisas bin gajim det daga en imbin gibit theingks langa God, en afta imbin breigim det daga, en imbin gibit det daga langa im wekinmen olabat, en imbin tok, “Yumob dagat dijan daga na, dumaji dijan daga main bodi.”

Methyu 26:28

en imbin tok, “Dijan wain yumob dringgim im main blad. Ai garra spilim main blad blanga ebribodi blanga opinimap det nyubalawei blanga God. Ai garra spilim main blad blanga deigidawei ola nogudbala ting brom loda pipul.

Luk Bin Dalim Ola Stori Blanga Jisas Langa Wan Jintail Men 22:20

Brom deya wen olabat bin binij dagadagat sapa, Jisas bin gajim wanbala kap garram wain, en imbin pasimran det wain langa olabat, en imbin tok, “Dijan wain det nyubalawei blanga God. Ai garra spilim main ronwan blad blanga yumob blanga opinimap det nyubalawei blanga God.

Fes Karinthiyans 10:16

Wen wi abum det kamyunyan sebis, wi gibit theingks langa God blanga det speshalwan kap, en wen wi dringgim det wain brom det speshalwan kap, wi joinimap miselp langa det blad blanga Jisas Krais. En wen wi dagat det daga weya wi breigim langa det sebis, wi joinimap miselp langa det bodi blanga Jisas Krais.

Fes Karinthiyans 11:28

Wal ai dalim yumob. Ebribodi garra meiksho langa im ronselp bifo im dagat det daga en dringgim det wain, dumaji if im nomo jinggabat det daga en det wain dubala det bodi en det blad blanga Jisas Krais det Bos blanga wi, wal im reken det daga en det wain nomo enijing, en im garra meigim God panishim im, dumaji im dagat det daga en dringgim det wain nogudbalawei.