Methyu 25:9 - Kriol Baibul

⁹ Wal detlot klebabalawan gel bin tok, ‘Nomo. Melabat nomo garra naf blanga gibit langa yumob. Yumob go langa shop en baiyim yumob ron oil.’

Methyu 25:9 Iomraidhean Croise

Jeramaiya 15:1

Wal YAWEI det trubala God bin tok langa mi na, “Nomeda if Mosis en Semyul bina iya askimbat mi, bat stil ai kaan shoum dislot pipul eni kainbala filing. Yu jandimwei detlot Juda pipul na. Ai nomo wandi luk olabat enimo.

Methyu 10:16

“Yumob irrim mi na. Ai garra jandim yumob langa deinjawan pleis. Im jis laik weya ship go langa det pleis weya ola wailwan dog jidan. Wal yumob garra wotjim miselp jis laiga klebabala sneik. Bat yumob kaan jidan jigibala. Yumob garra jidan kwaitbalawan jis laik det bard gulum dab.

Methyu 25:2

Wal faibala gel bin siliwan, en faibala gel bin klebabalawan.

Methyu 25:8

en detlot siliwan gel bin tok langa detlot klebabalawan gel, ‘Yumob garra gibit melabat sambala oil, dumaji melabat lemp gulijap ranat.’

Methyu 7:24

“Wal yumob irrim mi na. If enibodi kaman langa mi, en im lisin langa main wed, en im duwit langa det wed, wal im jis laik det men hubin bildimap im haus langa gudwan rokibala pleis brabli gudwei.

Eks Hau Det Gudnyus Blanga Jisas Krais Bin Spredat Ebriweya 8:22

Yu garra tenim miselp brom det nogudbalawei blanga yu, en yu garra askim God blanga larramgo yu fri brom det nogudbala ting weya yu jinggabat, dumaji ai sabi yu stil brabli nogud insaid, en detlot nogudbala ting insaid langa yu stil taiyimap yu.” Lagijat na Pida bin tok.