Methyu 25:8 - Kriol Baibul

⁸ en detlot siliwan gel bin tok langa detlot klebabalawan gel, ‘Yumob garra gibit melabat sambala oil, dumaji melabat lemp gulijap ranat.’

Methyu 25:8 Iomraidhean Croise

Job Wotfo Gudbala Pipul Abum Trabul? 18:5

“Det laif blanga detlot nogudbala pipul im jis laik det lemp weya sambodi pudumat insaid langa tent en im jidan dakbala.

Job Wotfo Gudbala Pipul Abum Trabul? 21:17

“Haumeni taim God oldei gitwail en im oldei jandim nogudbala ting en dakbala blanga panishim ol detlot nogudbala pipul?

Ola Saam 49:7

Wi kaan meigim miselp fri, en wi kaan peiyim God blanga wi laif,

Prabebs 13:9

Detlot pipul hu oldei dumbat raitwan ting garra jidan jis laik det brabli braitwan lait, en detlot wikitwan pipul garra jidan jis laik det faiya weya barnbarn en binij.

Prabebs 20:20

Enibodi hu tok brabli nogudbalawei langa im dedi en mami garra binij jis laik lemp wen im stap barnbarn.

Methyu 25:1

Wal Jisas bin kipgon tok langa im wekinmen olabat, “Yumob jinggabat dijan najawan stori blanga det padi weya wan bosmen garra merrit. Deibin abum tenbala gel hubin gajim olabat lemp, en detlot gel bin go blanga weidabat blanga det bosmen blanga deigim olabat langa det padi.

Methyu 25:7

Wal detlot tenbala gel bin gidap, en deibin laidim olabat lemp,

Methyu 25:9

Wal detlot klebabalawan gel bin tok, ‘Nomo. Melabat nomo garra naf blanga gibit langa yumob. Yumob go langa shop en baiyim yumob ron oil.’

Methyu 3:9

Maitbi yumob reken God kaan panishim yumob dumaji yumob grengrensan blanga Eibrahem. Bat yumob rong. Ai dalim yumob. If God wandim, im gin binijimap ola pipul, en im gin gajim dislot ston iya en meigim nyuwan grengrensan blanga Eibrahem brom ston!

Luk Bin Dalim Ola Stori Blanga Jisas Langa Wan Jintail Men 12:35

Wal Jisas bin kipgon tok langa im wekinmen olabat, “Wal yumob garra meigim miselp redibala jis laik detlot wekinmen weya dei weit blanga olabat bos. Dei abum olabat lait redibala, en dei weidabat blanga det bos blanga kambek brom det weding padi. En wen det bos kambek en noknok langa det dowa, detlot wekinmen garra opinim det dowa streidawei.

Luk Bin Dalim Ola Stori Blanga Jisas Langa Wan Jintail Men 16:24

“Wal det ritjmen bin jingat langa Eibrahem, ‘Grengrenfatha, yu jinggabat mi en album mi. Yu dalim Lesaras blanga pudum im bingga langa woda, en yu jandim im iya langa mi wulijim im garra wetim main tang, dumaji mi ardimbat iya langa dijan faiya.’

Luk Bin Dalim Ola Stori Blanga Jisas Langa Wan Jintail Men 8:18

“Wal yumob garra jinggabat brabliwei ol dislot ting weya mi dalimbat yumob, dumaji if yumob garram det wed langa yumob laif, wal God garra meigim yumob sabi mowa. Bat if yumob irrim det wed, en yumob nomo duwit, wal God garra deigidawei det wed brom yumob.” Lagijat na Jisas bin tok.

Eks Hau Det Gudnyus Blanga Jisas Krais Bin Spredat Ebriweya 8:24

Wal det men bin dalim Pida en Jon, “Yunbala garra prei blanga mi, dumaji ai nomo wandim det nogudbala ting garra hepin langa mi.”

Hibrus 4:1

Bat det gudbala kantri weya God bin pramis nomo bin binij. Det kantri im stil opin blanga detlot pipul hu bilib langa God brabliwei, en wi garra wotjim miselp brabliwei en meiksho wi nomo misat blanga go langa det gudbala kantri, dumaji wibin irrim det gudnyus jis laik detlot pipul bin irrim.

Rebaleishan 3:9

“Yu lisin langa mi na. Sambala pipul deya reken miselp Juwish pipul. Bat dei nomo God pipul. Dei blanga Seitin. Wal ai garra meigim olabat kaman langa yu en baudan langa yu fut en rispek yu. Dei garra sabi mi na laigim yu.