Methyu 24:6 - Kriol Baibul

⁶ “Wal wen yumob irrim nyus blanga wo, en yumob lisin olabat faitfait ebriweya, yumob kaan bradin, dumaji detkain ting garra hepin. Bat im nomo taim blanga God blanga binijimap dijan kantri yet.

Methyu 24:6 Iomraidhean Croise

Ola Saam 112:7

Dei nomo bradin blanga gedim bednyus. Olabat jidan strongwan langa YAWEI en trastim langa im.

Aisaiya 12:2

YAWEI main God, mi oldei trastimbat oni langa yu blanga seibum mi. Ai kaan neba bradin. Mi fil brabli strongbala brom det pawa blanga yu. Oni yu na bin seibum mi.

Aisaiya 7:4

Yu garra dalim King Eihes nomo blanga wori tumatj. Im kaan bradin blanga det dubala king neim King Resin en King Peka. Dubala brabli wail orait, bat dubala nomo enijing. Dubala jis laik det faiya weya barnbarn en binij.

Jeramaiya 47:6

Yumob jingat langa det bigwan naif, ‘Bigwan naif blanga YAWEI! Wotaim yu garra stap kilimbat? Gobek langa det speshalwan beig weya yu oldei jidan, en abum spel na.’

Isikiyel 21:28

Wal YAWEI bin kipgon tok, “Isikiyel, yu garra dalim detlot Emanait pipul wanim mi na YAWEI det boswan God tok, ‘Yumob bin rabishim main Isreil pipul. Det bigbala naif brabli shainiwan en im redi blanga binijimap yumob na. Im brabli shainiwan wulijim det laitining.’

Methyu 2:3

Wal wen King Herod bin irrim det nyus, imbin brabli nogudbinji, en loda pipul deya langa det taun bin nogudbinji du.

Methyu 24:14

Bat bifo det taim garra kaman blanga mi blanga kambek, main mesinja olabat garra go langa ola pipul langa ebri kantri, en dei garra dalimbat olabat det gudnyus blanga det Nyubalawei blanga God.” Lagijat na Jisas bin tok.

Methyu 26:54

Bat ai kaan jingat langa im lagijat, dumaji langa oltestaman im tok dei garra kilim mi ded.”

Luk Bin Dalim Ola Stori Blanga Jisas Langa Wan Jintail Men 21:19

En yumob kaan slekbek, dumaji if yumob bulurrum mi olawei, wal God garra seibum yumob.

Luk Bin Dalim Ola Stori Blanga Jisas Langa Wan Jintail Men 21:9

En wen yumob irrim eni nyus blanga faitfait ebriweya, yumob kaan bradin, dumaji detkain ting garra hepin basdam. Bat im nomo taim yet blanga God blanga binijimap dijan kantri.”

Luk Bin Dalim Ola Stori Blanga Jisas Langa Wan Jintail Men 22:37

Yumob garra dum lagijat dumaji langa oltestaman im tok dei garra tridim mi wulijim trabulmeika. En det ting garra hepin, dumaji ebrijing weya God bin tok langa oltestaman garra hepin trubala.”

Jon Bin Dalim Det Gudnyus Blanga Jisas Det San Blanga God 14:1

Wal Jisas bin dalim im wekinmen olabat na, “Yumob nomo wandi bradin en nogudbinji. Yumob garra trastim God,

Jon Bin Dalim Det Gudnyus Blanga Jisas Det San Blanga God 14:27

“Wen ai gowei, ai garra meigim yumob jidan gudbalawei, en yumob kaan bradin en nogudbinji, dumaji garram main ronwei ai garra meigim yumob jidan gudbalawei. Nomo garram det wei blanga dijan wel.

Sekan Thesaloniyans 2:2

If enibodi dalim yumob, Jisas Krais bin kambek olredi, yumob kaan bilib det wed. Yumob kaan nogudbinji streidawei. Maitbi dei reken det Holi Spirit bin gibit melabat det wed, o maitbi dei reken melabat bin toktok det wed, o maitbi dei reken melabat bin raidimdan det wed langa leda.

Rebaleishan 6:4

Wal najawan hos bin kamat na. Imbin redwan dijan, en det raida langa im bin abum pawa blanga meigim ola pipul langa ola kantri faitfait en trai en binijimap olabat selp, en aibin luk sambodi bin gibit det raida brabli bigwan naif.