Methyu 24:39 - Kriol Baibul

³⁹ Deibin abum woning. Bat dei nomo bin sabi wotaim det ting garra hepin raidap det fladwoda bin kaman en binijimap olabat. En wen ai garra kambek, loda pipul garra lagijat du.

Methyu 24:39 Iomraidhean Croise

Jenasis 7:23

Langa ebri kantri ola pipul en ola enimul bin binij. Nomo enijing bin jidan laibala. Najing na. Holot bin ded. Oni Nowa en detlot langa det bout bin jidan laibala.

Prabebs 23:35

Yu garra abum pein langa yu bodi ebriweya en yu kaan sabi wanim bin hepin langa yu. Olnait yu garra toktok miselp, “Wotaim im garra ailibala? Ai wandim dringgim mowa grog.”

Prabebs 24:12

Yu kaan tok, “Ai nomo sabi enijing blanga dijan.” God sabi wanim yu jinggabat langa yu main. Im oldei wotjimbat wi en im sabi wanim wi jinggabat en im garra peiyimbek wi blanga wanim wibin dumbat.

Prabebs 29:7

Ola gudbala pipul sabi hau blanga tridim detlot po pipul en gibit olabat feyago, bat detlot wikitwan pipul nomo sabi hau blanga albumbat po pipul raitwei.

Aisaiya 42:25

En imbin brabli wail, en imbin jandim wo langa olabat kantri en binijimap ebrijing garram faiya. Bat stil olabat nomo bin teiknodis. Olabat nomo bin wori wen det faiya bin barnbarn olaran langa olabat.

Methyu 16:27

Mi na det Speshalwan Men, en nomo longtaim na ai garra kambek garram det shainiwan lait main garram ola einjul garram detmatj pawa brom main Dedi, en ai garra peiyimbek ebribodi blanga ebrijing weya deibin dumbat.

Methyu 24:3

Brom deya deibin go langa det hil gulum Olib, en deibin jidan deya, en deibin lukinatbat det Serramoni Pleis na, en detlot wekinmen bin kaman miselp langa Jisas, en deibin askimbat im blanga detlot ston, “Yu dalim melabat wotaim dijan ting garra hepin, en hau melabat garra sabi im det rait taim.”

Methyu 24:30

Det taim na ebribodi garra luk det speshalwan mak blanga mi. Mi na det Speshalwan Men weya God bin jandim, en ebribodi garra luk main mak deya langa skai, en ola pipul langa ebri kantri garra sori miselp, en dei garra luk mi kambek garram klaud brom hebin, en ai garra shain detmatj garram main pawa.

Methyu 24:37

“Wal ai garra kambek jis laik det fladwoda bin kaman Nowataim.

Methyu 24:40

Dubala men garra wek langa pedik, en detlot einjul garra deigidawei wanbala en libum det najawan biyain.

Luk Bin Dalim Ola Stori Blanga Jisas Langa Wan Jintail Men 19:44

en dei garra binijimap yumob holot langa dijan taun, en dei garra nokamdan ebri haus. Lagijat na dei garra dum, dumaji yumob nomo bin sabi tudei na God bin wandi seibum yumob!”

Jon Bin Dalim Det Gudnyus Blanga Jisas Det San Blanga God 3:20

en ol detlot pipul hu dumbat nogudbala ting nomo laigim det lait, en dei kaan kaman langa det lait, dumaji dei nomo wandim ola nogudbala ting weya dei dumbat garra shoum miselp.

Romans 1:28

Wal detlot pipul nomo bin oldei wandim jinggabat det trubala wed blanga God, en blanga tharran na God bin hendimoba olabat blanga bulurrum det wei blanga olabat nogudbala main. Imbin hendimoba olabat lagijat wulijim dei garra dumbat ol detlot nogudbala ting weya dei nomo lau dum,

Sekan Pida 3:5

Wal detkain pipul sabi God bin meigim ebrijing garram im wed. Bat dei nomo wandi teiknodis langa det wed blanga im. Longtaim wen God bin meigim ebrijing, im nomo bin meigim ebrijing garram im bingga. Imbin meigim ebrijing garram im wed. Imbin tok en ola skai bin kamat, en afta imbin tok igin, en ola graun bin kamat brom det woda en kadimat det woda,

Jadjis 20:34

Deibin abum 10,000 brabli gudwan solja hubin blandim miselp deya, en deibin go insaid langa det taun en fait langa ola pipul deya. Wal nomeda ol detlot Benjamin solja bin reken dei garra bidim detlot Isreil solja, bat stil dei nomo bin sabi dei garra ol dai, en deibin abum bigiswan fait,