Methyu 24:24 - Kriol Baibul

²⁴ Bat yumob kaan bilib langa olabat wen dei garra tok lagijat, dumaji sambala pipul garra kaman en gulum miselp Krais, en sambala pipul garra kaman en gulum miselp speshalwan mesinja blanga God, en dei garra dumbat olkain klebabala ting, en loda pipul garra teiknodis langa olabat, en dei garra trai en meigim ola pipul hu bulurrum God tenawei brom im en bulurrum olabat.

Methyu 24:24 Iomraidhean Croise

Methyu 22:14

Lagijat na Jisas bin dalim det stori, en wen imbin binij, imbin tok, “Yumob sabi wanim mi tok langa dijan stori? Loda pipul garra irrim det wed blanga God. Bat oni lilbit im garra pikimat blanga jidan garram im.”

Methyu 24:11

en loda laiyawan mesinja garra kamat en trikimbat olabat.

Methyu 24:22

Bat God garra stapam dijan trabul. If im nomo stapam dijan trabul, wal nobodi garra jidan laibala afta. Bat God bin olredi pikimat sambala ronwan pipul blanga im, en im garra stapam dijan trabul wulijim dei garra jidan laibala.

Methyu 24:25

“Wal yumob garra wotjim miselp, dumaji mi dalimbat yumob ebrijing bifo det taim garra kaman.

Methyu 24:31

God bin pikimat sambala pipul langa ebri kantri, en wen det longwan wisul garra jingat adbala, ai garra jandim main einjul olabat ebriweya langa ola kantri blanga gajimbat ol detlot pipul blanga God.

Methyu 24:5

en dei garra tok, ‘Mi na Jisas Krais det Masaiya.’ En dei garra deigidawei loda pipul brom det trubalawei.

Methyu 7:15

“Ai dalim yumob. Yu garra wotjim miselp, dumaji loda pipul garra kaman en reken miselp speshalwan mesinja blanga God, en dei garra tok laiyawei blanga meigim yu bilib langa olabat wei. En wen dei kaman langa yu, dei garra luk jis laik gudbala pipul. Bat insaidwei olabat brabli nogudbala.

Mak Bin Dalim Ola Stori Blanga Jisas 13:22

Bat yumob kaan bilib langa olabat wen dei garra tok lagijat, dumaji sambala pipul garra kaman en gulum miselp Krais, en sambala pipul garra kaman en gulum miselp speshalwan mesinja blanga God. En dei garra dumbat olkain klebabala ting, en loda pipul garra teiknodis langa olabat, en dei garra trai en meigim ola pipul hu bulurrum God tenawei brom im en bulurrum olabat.

Luk Bin Dalim Ola Stori Blanga Jisas Langa Wan Jintail Men 18:7

“En wotabat God? Yumob reken im garra album im ron pipul olabat wen dei kipgon askimbat im deitaim en naitaim?

Jon Bin Dalim Det Gudnyus Blanga Jisas Det San Blanga God 4:48

Wal Jisas bin dalim im, “Yumob kaan bilib langa mi if yumob nomo luk mi dum brabli klebabala ting.”

Jon Bin Dalim Det Gudnyus Blanga Jisas Det San Blanga God 6:37

Bat ol detlot pipul weya main Dedi bin gibit langa mi garra kaman langa mi,

Jon Bin Dalim Det Gudnyus Blanga Jisas Det San Blanga God 6:39

en im wandim mi nomo blanga lujim enibodi weya imbin gibit langa mi. Im wandim mi garra meigim olabat gidap laibala olagijawan langa det laswan dei weya im garra jadjim ebribodi.

Eks Hau Det Gudnyus Blanga Jisas Krais Bin Spredat Ebriweya 20:16

Wal Pol nomo bin wandi weistimbat taim langa det kantri gulum Eisha, en melabat bin gopas langa det taun gulum Efasas, dumaji imbin wandi kamat langa Jerusalem bifo det serramoni dei gulum Pentakos.

Romans 12:18

En yumob garra dum ebrijing yumob gin dum blanga jidan gudbalawei garram ebribodi.

Galeishans 4:15

Wal yumob bin brabli gudbinji basdam. Trubala ai dalim yumob. Yumob bin dum ebrijing blanga album mi, en if ai bina askim yumob blanga gibit mi yumob ai dubala, blanga album mi blanga luk, wal yumob bina deigimat dubala en gibit langa mi. Wal wanim bin hepin langa yumob na?

Dyudaranami 13:1

Wal Mosis bin kipgon tok, “Maitbi wanbala speshalwan mesinja o sambodi hu sabi blanga dalimbat mining blanga ola drim im mait pramisim yumob ola klebabala ting blanga meigim yumob weshipbat en bulurrum detlot drimin sheip weya yumob nomo bin sabi. Nomeda det klebabala ting weya imbin pramis bin hepin, yumob stil kaan teiknodis langa im. YAWEI det trubala God yusumbat im blanga testimbat yumob blanga faindat if yumob laigim im garram yumob filing holbit.

Sekan Timathi 2:19

Wal nomeda sambala pipul trai en deigidawei ola Kristjan pipul brom det trubalawei, bat stil nobodi kaan breigimdan det brabliwan tjetj weya God bin meigim, dumaji imbin pudum dislot wed na langa det tjetj. Imbin tok, “Jisas Krais det Bos im sabi ol detlot pipul blanga im.” En imbin tok, “Ebribodi hu reken im blanga Jisas Krais garra libum det nogudbalawei olagija.”

Fes Pida 1:5

Wi bilib langa Jisas Krais en blanga tharran na, det pawa blanga God garra maindimbat wi raidap det rait taim garra kaman weya im garra seibum wi brabliwei, en im jidanbat redi blanga seibum wi langa det laswan dei.

Sekan Pida 3:17

Wal main gudfren olabat, yumob sabi olredi ol dislot ting weya mi dalimbat yumob. Bat ai dalim yumob. Yumob garra oldei wotjimbat miselp, dumaji yumob nomo wandim detlot laiyawan wed blanga detlot nogudbala pipul blanga deigidawei yumob en meigim yumob gowei brom det trubalawei weya yumob bulurrum.

Fes Jon 2:18

Wal yumob jis laik main ronwan biginini olabat. En ai dalim yumob. Nomo longtaim na dijan wel garra binij. En yumob bin irrim det enami blanga Jisas Krais garra kaman. Bat ai dalim yumob. Loda enami blanga im bin kaman olredi, en blanga tharran na wi sabi im gulijap taim blanga dijan wel garra binij.

Fes Jon 2:22

Wal yumob dalim mi na. Hu det laiyinbala? If enibodi tok Jisas nomo det Boswan gulum Masaiya, wal im na det laiyinbala. En detkain pipul na enami blanga Jisas Krais, en dei gibit bekboun langa det Dedi langa top en langa det San blanga im.

Fes Jon 5:18

Wal wi sabi enibodi hu jidan biginini blanga God kaan oldei kipgon dumbat nogudbala ting, dumaji det San blanga God im oldei seibum wi, en det boswan dibuldibul kaan ardim wi.

Rebaleishan 19:20

Bat det raida en im solja olabat bin grebum det enimul, en deibin meigim im jidan prisana na, en deibin grebum det ofsaida blanga im du, det laiyawan mesinja hubin dumbat olkain klebabala ting wen det enimul bin jandap wansaid langa im. Det ofsaida na bin trikimbat ola pipul en meigim olabat abum det namba bren langa olabat forid en weshipbat det sheip blanga det enimul. Wal det raida en im solja olabat bin tjakam det enimul en im ofsaida laibwan insaid langa det bigbala faiya weya im barnbarn olagijawan,