Methyu 24:14 - Kriol Baibul

¹⁴ Bat bifo det taim garra kaman blanga mi blanga kambek, main mesinja olabat garra go langa ola pipul langa ebri kantri, en dei garra dalimbat olabat det gudnyus blanga det Nyubalawei blanga God.” Lagijat na Jisas bin tok.

Methyu 24:14 Iomraidhean Croise

Isikiyel 7:10

“Wal det brabli nogudbala taim im kaminap na blanga yumob, dumaji yumob nomo gibit feyago langa najalot pipul en yumob laigim miselp brabliwei.

Methyu 10:7

en yumob garra dalimbat olabat det gudnyus weya God wandim olabat blanga kaman langa im dumaji im bos blanga olabat.

Methyu 18:19

“Ai dalim yumob. If dubala pipul agri gija wen dei prei blanga enijing, main Dedi langa hebin garra ensim det preya blanga dubala. Dumaji wen dubala o thribala majurrap blanga prei garram main neim, mi oldei deya garram olabat.” Lagijat na Jisas bin tok.

Methyu 24:3

Brom deya deibin go langa det hil gulum Olib, en deibin jidan deya, en deibin lukinatbat det Serramoni Pleis na, en detlot wekinmen bin kaman miselp langa Jisas, en deibin askimbat im blanga detlot ston, “Yu dalim melabat wotaim dijan ting garra hepin, en hau melabat garra sabi im det rait taim.”

Methyu 24:6

“Wal wen yumob irrim nyus blanga wo, en yumob lisin olabat faitfait ebriweya, yumob kaan bradin, dumaji detkain ting garra hepin. Bat im nomo taim blanga God blanga binijimap dijan kantri yet.

Methyu 4:23

Brom deya Jisas bin go ebriweya langa Gelali, en imbin meigim olkain sikbala pipul gudbala, en imbin tok langa ola pipul langa ola Juwish Miting Pleis langa det kantri, en imbin dalimbat olabat det gudnyus blanga God weya imbin meigim wei blanga olabat blanga kaman langa im.

Methyu 9:35

Brom deya Jisas bin goran langa ola taun langa det kantri, en imbin meigim olkain sikbala pipul gudbala, en imbin tok langa ola pipul langa ola Juwish Miting Pleis langa det kantri, en imbin dalimbat olabat det gudnyus blanga God weya imbin meigim wei blanga olabat blanga kaman langa im.

Mak Bin Dalim Ola Stori Blanga Jisas 13:10

en det gudnyus garra spredat ebriweya langa ola kantri bifo det taim blanga God garra kaman.

Luk Bin Dalim Ola Stori Blanga Jisas Langa Wan Jintail Men 2:1

Wal deibin abum wan haibala gabman bos neim Agastas deya langa det taun gulum Rom, en seimtaim wan men neim Kwariniyas bin jidan bos langa det kantri gulum Siriya. Wal Agastas bin wandi kaundimap ola pipul langa ebri kantri, en ebribodi bin lafta go langa olabat ron kantri en gibit olabat neim langa detlot gabman wekinmen deya.

Luk Bin Dalim Ola Stori Blanga Jisas Langa Wan Jintail Men 24:47

“Wal mi na det Masaiya, en yumob bin luk dislot ting bin hepin garram yumob ron ai, en yumob garra dalimbat det gudnyus blanga mi langa ebri kantri. Yumob garra stat iya langa Jerusalem, en yumob garra dalim ola pipul blanga libum det nogudbalawei en bulurrum mi wulijim God garra larramgo olabat fri brom det nogudbalawei.

Luk Bin Dalim Ola Stori Blanga Jisas Langa Wan Jintail Men 4:5

Brom deya det dibuldibul bin deigim Jisas langa top, en imbin shoum im kwikbalawei ola kantri langa dijan wel, en imbin dalim im,

Eks Hau Det Gudnyus Blanga Jisas Krais Bin Spredat Ebriweya 1:2

Wal bifo Jisas bin dai, imbin pikimat twelbala speshalwan mishanri blanga jidan mishanri blanga im, en afta wen imbin gidap brom dedbala, imbin shoum miselp 40 deis langa detlot lebenbala speshalwan mishanri, en olabat ol witnis trubala im laibala, dumaji deibin luk im lodataim bifo imbin gowap langa hebin. Wal wen deibin oldei luk langa im, imbin oldei dalimbat olabat blanga God en hau im garra jidan Bos blanga olabat. Garram det pawa blanga det Holi Spirit imbin oldei titjimbat olabat.

Eks Hau Det Gudnyus Blanga Jisas Krais Bin Spredat Ebriweya 11:28

Wanbala mesinja bin neim Egabas, en det Holi Spirit bin dalim im wanim garra hepin bambai. Wal det mesinja bin go langa ola Kristjan pipul, en imbin jandap deya, en imbin dalim olabat blanga ola daga garra ranat, dumaji dei kaan abum eni rein, en trubala det ting bin hepin bambai wen det men neim Klaudiyas bin jidan king.

Eks Hau Det Gudnyus Blanga Jisas Krais Bin Spredat Ebriweya 17:31

en im garra gibit ebribodi feyago. Im na bin pikimat det taim blanga abum det kotkeis, en imbin pikimat det men hu garra jidan bos langa det kotkeis du, en imbin shoum wi imbin pikimat im, dumaji imbin meigim im gidap laibala brom dedbala.” Lagijat na Pol bin tok langa detlot haibala men.

Eks Hau Det Gudnyus Blanga Jisas Krais Bin Spredat Ebriweya 17:6

en deibin lafta grebum Jeisan en sambala najalot bilibamob, en deibin deigim olabat langa ola boswan blanga det taun, en deibin dalim olabat, “Det dubala men hubin meigimbat trabul ebriweya bin kaman iya langa wi taun na,

Eks Hau Det Gudnyus Blanga Jisas Krais Bin Spredat Ebriweya 19:27

En if im kipgon lagijat, wal ola pipul kaan teiknodis langa det wek blanga wi, en dei garra fogedabat det serramoni pleis blanga Atemis det haibala drimin blanga wi. Ebribodi langa dijan kantri en langa ebri kantri bulurrum det drimin. Bat if det men kipgon toktok lagijat, bambai nobodi kaan jinggabat Atemis na.” Lagijat na Damitriyas bin tok.

Eks Hau Det Gudnyus Blanga Jisas Krais Bin Spredat Ebriweya 20:25

En aibin go ebriweya langa yumob en dalimbat yumob blanga det nyubalawei blanga God en hau blanga bulurrum Jisas Krais brabliwei. “Wal ai garra gibit yumob woning na, dumaji ai sabi yumob kaan luk mi enimo.

Romans 10:18

Wal mi askim yumob na. Ol detlot Isreil pipul bin irrim det wed, indit? Yuwai. Deibin irrim, dumaji langa oltestaman im tok, “Det wed weya ol detlot mesinja bin tok bin go ebriweya langa ebri kantri.”

Kaloshans 1:23

Wal yumob garra kipgon bilib en jandap brabli strongbalawei, en yumob kaan larram enikain ting deigidawei yumob brom det pramis weya God bin gibit langa yumob wen yumob bin irrim det gudnyus. Wal det gudnyus weya yumob bin irrim bin spredatbat ebriweya langa ebribodi langa ebri kantri, en blanga det gudnyus na God bin meigim mi jidan wekinmen blanga im.

Kaloshans 1:6

en wen yumob bin irrim det gudnyus, yumob bin sabi hau God bin brabli kainbala langa wi, en brom det taim na raidap tudei det gudnyus bin wek langa yumob laif brabliwei, en det gudnyus kipgon spredatbat ebriweya langa ebri kantri.

Hibrus 1:6

En wi sabi det San blanga God im haibala langa ola einjul, dumaji wen God bin redi blanga jandim im langa dijan graun, imbin tok, “Ol main einjul olabat garra weship im.”

Hibrus 2:5

Wal God kaan meigim ola einjul jidan bos blanga det nyubala hebin en nyubala graun.

Rebaleishan 14:6

Brom deya aibin luk wanbala einjul bin flaiflai langa top. Imbin abum det gudnyus blanga dalimbat ola pipul langa dijan kantri. Det gudnyus kaan neba binij, najing. En det einjul garra dalimbat ola pipul langa ebri kantri en ebri traib en ebri langgus olabat.

Rebaleishan 16:14

Detlot thribala spirit bin brabli nogudwan. Deibin brabliwan dibuldibul, en dei garra dumbat olkain klebabala ting, en dei garra go ebriweya langa ebri kantri en majurrumap ola boswan blanga fait langa God. En wen det rait taim garra kaman, dei garra abum det laswan fait langa God.

Rebaleishan 3:10

Yubin lisin langa mi weya aibin dalim yu blanga kipgon bulurrum mi, en yu nomo bin slekap. Wal bambai wen ola trabul garra kaman langa dijan kantri blanga testimbat ola pipul, mi na garra lukaftumbat yu.