Methyu 23:8 - Kriol Baibul

⁸ “Wal yumob nomo wandim enibodi blanga gulum yumob ‘Titja’, dumaji yumob ol femili gija, en yumob garram oni wanbala Titja.

Methyu 23:8 Iomraidhean Croise

Methyu 10:25

Wal yumob nomo haibala langa yumob titja, en if pipul tridim yumob seimwei laik dei tridim yumob titja, wal yumob garra gudbinji. Wi ol wan femili, en if dei gulum mi det dibuldibul neim Belsibul, wal dei garra gulum yumob mowa nogudbala neim.

Methyu 17:5

Wal wen Pida bin stil toktok, wan bigwan klaud bin kamat langa olabat, en det shedo bin gaburrumap olabat, en deibin irrim God bin tok brom det klaud, “Dijan main San, en mi laigim im brabli, en yumob garra lisin langa im.”

Methyu 23:10

En nobodi kaan gulum yumob ‘Bos’, dumaji yumob garram oni wanbala Bos, en mi na det Bos, en dei gulum mi Masaiya.

Methyu 23:7

en wen dei go wokabat eniweya, dei oldei wandim ola pipul garra rispek langa olabat en gulum olabat ‘Titja’.

Methyu 26:25

Wal Judas Askeriyat bin tok na, “Titja, im nomo mi, indit?” En Jisas bin tok, “Yu yuselp bin tok.”

Methyu 26:49

Wal wen Judas bin kamat deya, streidawei imbin go langa Jisas, en imbin tok, “Gudei, Titja.” En imbin kis langa im.

Mak Bin Dalim Ola Stori Blanga Jisas 10:51

en Jisas bin askim im, “Wanim yu wandim mi garra dum blanga yu?” En det blain men bin tok, “Titja, ai wandi luk.”

Mak Bin Dalim Ola Stori Blanga Jisas 11:21

Wal Pida bin jinggabat na, en imbin dalim Jisas, “Titja, yu luk det tri weya yubin tok langa im yestadei. Imbin dai na.”

Mak Bin Dalim Ola Stori Blanga Jisas 14:45

Wal wen Judas bin kamat deya, streidawei imbin go langa Jisas, en imbin tok, “Titja!” En imbin kis langa im,

Mak Bin Dalim Ola Stori Blanga Jisas 9:5

Wal Pida bin tok na, “Titja, gudwei yubin bringimap melabat iya. Wal melabat garra meigim thribala hampi. Wanbala blanga yu en wanbala blanga Mosis en wanbala blanga Ilaija.”

Luk Bin Dalim Ola Stori Blanga Jisas Langa Wan Jintail Men 22:32

“Wal aibin prei blanga yu, Saiman, wulijim yu garra bilib brabliwei en nomo slekbek. Bat ai sabi yu garra slekbek. Bat afta yu garra kambek langa mi. En wen yu kambek, yu garra album yu braja olabat bilib brabliwei du.”

Jon Bin Dalim Det Gudnyus Blanga Jisas Det San Blanga God 1:38

en wen Jisas bin lukbek, imbin luk dubala bulurrumbat im, en imbin tok langa dubala, “Wanim yunbala wandim?” Wal dubala bin tok, “Rebai, weya yu oldei kemp?” Lagijat na garram dubala langgus dubala bin gulum im Rebai. Bat garram det Grik langgus det wed im tok Titja.

Jon Bin Dalim Det Gudnyus Blanga Jisas Det San Blanga God 1:49

Wal Nathenyul bin tok, “Titja, yu na det San blanga God! Yu na det King blanga ola Juwish pipul!”

Jon Bin Dalim Det Gudnyus Blanga Jisas Det San Blanga God 11:8

Wal detlot wekinmen bin tok, “Titja, nomo longtaim detlot pipul deya bin wandi stonim yu. Bat yu stil wandi gobek deya?”

Jon Bin Dalim Det Gudnyus Blanga Jisas Det San Blanga God 20:16

Wal Jisas bin dalim im na, “Meri.” En wen Meri bin irrim im tok lagijat, streidawei imbin luk langa im, en imbin tok garram im ron langgus, “Rebonai!” Det wed im tok Titja.

Jon Bin Dalim Det Gudnyus Blanga Jisas Det San Blanga God 3:2

en imbin kaman langa Jisas naitaim, en imbin dalim Jisas, “Bos, melabat sabi yu titja, en melabat sabi God bin jandim yu, dumaji nobodi kaan dum eni klebabala ting wulijim yu dumbat. Oni detlot pipul weya God jidan garram olabat garram pawa blanga dumbat klebabala ting lagijat.”

Jon Bin Dalim Det Gudnyus Blanga Jisas Det San Blanga God 3:26

en afta deibin go langa Jon, en deibin dalim im, “Titja, yu sabi det men neim Jisas hubin deya garram yu najasaid langa det Jodan Riba weya yubin dalimbat melabat blanga im? Wal im beptaisimbat pipul na, en loda pipul oldei go langa im.”

Jon Bin Dalim Det Gudnyus Blanga Jisas Det San Blanga God 4:31

Wal bifo detlot pipul bin kamat langa Jisas, detlot wekinmen blanga im bin dalim im blanga dagat det daga weya deibin baiyim, en deibin tok, “Titja, yu dagat na.”

Jon Bin Dalim Det Gudnyus Blanga Jisas Det San Blanga God 6:25

Wal wen detlot pipul bin kamat langa det taun, deibin faindim Jisas deya langa det Juwish Miting Pleis, en deibin askim im, “Titja, wotaim yubin kaman iya?”

Jon Bin Dalim Det Gudnyus Blanga Jisas Det San Blanga God 9:2

Wal detlot wekinmen bin askim Jisas, “Titja, hubin dumbat nogudbala ting blanga meigim det men abum det trabul? Det men gin o im mami en dedi?”

Sekan Karinthiyans 1:24

Wal mi nomo wandi fosim yumob en dalim yumob hau blanga bilib. Mi wandi wek mijamet garram yumob blanga meigim yumob gudbinji, dumaji mi sabi yumob bilib brabli strongbalawei.

Sekan Karinthiyans 4:5

En wen melabat toktok langa yumob, melabat nomo dalimbat yumob blanga melabat ronselp. Melabat dalimbat yumob blanga Jisas Krais, en melabat dalim yumob im na det Bos blanga ebribodi, en melabat jidan mishanri blanga im blanga album yumob.

Ifishans 3:15

en im na bin meigim wi im femili, dumaji im na det Dedi blanga ola bilibamob iya langa graun en deya langa hebin.

Failiman 1:16

Ai laigim im nomo lilbit. Bat yu garra laigim im mowa igin, dumaji im nomo oni wekinmen blanga yu. Im Kristjan braja blanga yu na.

Jeims 3:1

Wal main braja en sista olabat, yumob jinggabat detlot titja hu oldei titjimbat God wed langa ola pipul. God garra jadjim detlot titja brabli strongbalawei, en blanga tharran na oni sambala pipul garra jidan titja. Ebribodi oldei meigim misteik. If wi nomo tok eni nogudbala ting wi gin hendulum miselp brabli gudbalawei.

Fes Pida 5:3

Bat yumob kaan jidan jis laiga bos blanga detlot pipul en dalimbat olabat hau blanga jidan. Nomo. Yumob garra jidan jis laiga lida blanga olabat en shoum olabat hau blanga jidan.

Rebaleishan 1:9

Wal mi na, Jon, mi braja blanga yumob. Wi ol meit gija langa olkain trabul weya kaman langa wi, dumaji wi bilib langa Jisas Krais. Nomeda trabul kaman langa wi, bat stil wi garra go thru langa detlot trabul en nomo slekap, dumaji Jisas Krais im Bos blanga wi. Wal mi jidan prisana iya langa dijan lilwan ailin gulum Petmos. Deibin pudum mi iya, dumaji aibin oldei tokabat God wed en dalimbat ola pipul det gudnyus blanga Jisas Krais.

Rebaleishan 19:10

Wal wen det einjul bin tok langa mi lagijat, aibin buldan langa graun rait langa im fut blanga weship im. Bat imbin tok, “Yu nomo lagijat! Mi wekinmen jis laik yu en yu braja olabat, en jis laik ol detlot pipul hu bulurrum det gudnyus blanga Jisas Krais brabliwei. Yu garra baudan en weship oni God. Yu garra gibit theingks langa im, nomo langa mi, dumaji det Spirit blanga God na bin dalimbat ola speshalwan mesinja det gudnyus blanga Jisas.”

Rebaleishan 22:9

Bat imbin tok, “Yu nomo lagijat! Mi wekinmen jis laik yu en yu braja olabat. Mi wekinmen jis laik ol detlot speshalwan mesinja blanga God en ol detlot pipul hu teiknodis langa ola wed langa dijan buk. Yu garra weship oni God!”