Methyu 23:39 - Kriol Baibul

³⁹ Trubala ai dalim yumob. Brom tudei na yumob kaan luk mi raidap det taim wen yumob garra tok, ‘Melabat askim God blanga album dijan iya Boswan hubin kaman brom im garram im neim.’ ”

Methyu 23:39 Iomraidhean Croise

Ola Saam 118:26

YAWEI, jidan kainbala langa det king hu kaman langa yu neim. Melabat preisim yu brom det Serramoni Pleis blanga yu.

Hoseiya 3:4

Wal lagijat du, ola Isreil pipul garra jidan longtaim nomo garram eni king en bos en nomo garram eni serramoni en serramoni pleis en nomo garram detlot speshalwan klos en drimin sheip du.

Sekaraiya 12:10

En YAWEI bin tok, “Ai garra meigim detlot pipul blanga det femili lain blanga Deibid en langa detlot Jerusalem pipul brabli nogudbinji, en ai garra meigim olabat prei langa mi wen dei garra luk det men weya dei kilim ded garram spiya en dei garra sori miselp dumaji deibin dum nogudbala ting. Dei garra krai adbala jis laik det mami en dedi weya abum oni wanbala biginini en dei lujim im, en laik detlot femili hu lujim olabat feswan san wen det feswan san dai.

Methyu 21:9

Afta na sambala pipul bin go lida langa Jisas, en sambala pipul bin bulurrum im biyain, en deibin ol jinginat adbala, “Melabat preisim dijan grengrensan blanga King Deibid! Melabat askim God blanga album im en meigim im brabli gudbinji, dumaji God bin jandim im. Melabat preisim God! Aleiluya!”

Luk Bin Dalim Ola Stori Blanga Jisas Langa Wan Jintail Men 17:22

Afta na Jisas bin tok langa ola wekinmen blanga im, “Mi na det Speshalwan Men, en det taim garra kaman wen yumob garra wandi luk mi garra kambek. Bat yumob kaan luk yet.

Jon Bin Dalim Det Gudnyus Blanga Jisas Det San Blanga God 14:19

Nomo longtaim na ebribodi langa dijan wel kaan luk mi enimo na. Bat yumob garra luk mi, en yumob garra jidan garram det brabliwan laif du, dumaji mi jidan laibala.

Jon Bin Dalim Det Gudnyus Blanga Jisas Det San Blanga God 14:9

Wal Jisas bin dalim im, “Filip, brom longtaim aibin jidan garram yumob. Bat stil yu nomo sabi mi brabliwei, dumaji yubin dalim mi blanga shoum yu main Dedi. Bat ai dalim yu. Ebribodi hubin luk mi bin luk main Dedi du.

Jon Bin Dalim Det Gudnyus Blanga Jisas Det San Blanga God 8:21

Bambai na Jisas bin tok igin langa detlot serramonimen gulum Ferasi, “Ai garra gowei, en yumob garra lukabat mi. Bat yumob garra dai, dumaji yumob bulurrum det nogudbalawei, en yumob kaan go langa det pleis weya ai garra go.”

Jon Bin Dalim Det Gudnyus Blanga Jisas Det San Blanga God 8:24

En blanga tharran na aibin tok, ‘Yumob garra dai, dumaji yumob bulurrum det nogudbalawei.’ “Wal Mi na Mi. En if yumob nomo bilib langa mi, wal yumob garra dai blanga ol detlot nogudbala ting weya yumob oldei dumbat.”

Jon Bin Dalim Det Gudnyus Blanga Jisas Det San Blanga God 8:56

En ai dalim yumob. Yumob grengrenfatha Eibrahem bin gudbinji wen imbin jinggabat det taim weya ai garra kaman. En imbin brabli gudbinji, dumaji imbin luk det taim.”

Romans 11:25

Wal main braja en sista olabat, ai wandim yumob garra sabi det plen blanga God weya imbin holdimbek en nomo oldei shoum langa enibodi. Bat imbin shoum wi det plen na, en yumob garra sabi det plen wulijim yumob kaan reken miselp haibala. Wal iya na det plen blanga God. Imbin meigim detlot Isreil pipul jidan admen. Bat im kaan meigim olabat jidan lagijat olagijawan. Dei garra jidan admen raidap ol detlot Jintail pipul hu garra bilib langa Jisas Krais bin kaman langa im.