Methyu 23:22 - Kriol Baibul

²² En wen im yusum det neim blanga hebin blanga bekimap det wed blanga im, wal im yusum det neim blanga det speshalwan tjeya blanga God, en im yusum det neim blanga God du, dumaji God oldei jidanbat deya langa det speshalwan tjeya langa hebin.

Methyu 23:22 Iomraidhean Croise

Ola Saam 11:4

YAWEI, im jidan langa im seikridwan pleis. Im jidan bos langa hebin. Im wotjimbat pipul ebriweya en im sabi wanim olabat dumbat.

Aisaiya 66:1

Wal YAWEI bin tok, “Wal ai jidan langa hebin en ai pudum main fut langa dijan graun. Wotkainaba haus yu garra bildimap blanga main blanga jidan?

Methyu 5:34

“Wal tudei ai dalim yumob. Wen yu tok enijing o meigim pramis, yu nomo lau yusum God neim eniwei blanga bekimap miselp en meigim det wed blanga yu strongbala. En yu nomo lau yusum det neim blanga hebin du, dumaji im det pleis blanga God.

Eks Hau Det Gudnyus Blanga Jisas Krais Bin Spredat Ebriweya 7:49

‘God im jidan langa hebin, en im pudum im fut langa dijan graun. Wal wotkain haus men gin bildimap blanga im blanga jidan?