Methyu 22:43 - Kriol Baibul

⁴³ Wal Jisas bin tok, “Wal wotfo det Holi Spirit bin dalim King Deibid blanga gulum im Bos?

Methyu 22:43 Iomraidhean Croise

Sekan Semyul 23:2

“Det Spirit blanga YAWEI bin tok thru langa mi. Imbin pudum det wed blanga im langa main ronwan mawus blanga tok.

Mak Bin Dalim Ola Stori Blanga Jisas 12:36

Det Holi Spirit bin dalim Deibid blanga raidimdan dijan wed langa oltestaman, ‘God bin dalim main Bos, Yu jidan langa main raidensaid raidap ai bidim ola enami blanga yu en meigim olabat jidan anda yu.’ Lagijat na God bin tok langa det Bos blanga Deibid gulum Masaiya.

Eks Hau Det Gudnyus Blanga Jisas Krais Bin Spredat Ebriweya 1:16

en imbin tok, “Main braja olabat, det wed weya im tok langa Saam bin hepin trubala. Yumob sabi? Longtaim det Holi Spirit bin dalim Deibid blanga raidimdan wanim garra hepin langa det men Judas. Det men bin wekinmen jis laik wi, dumaji Jisas bin pikimat im blanga wek garram wi. Bat imbin deigim detlot pipul langa Jisas blanga grebum im.” Lagijat na Pida bin tok.

Fes Karinthiyans 12:3

Wal im lagijat du wen det Holi Spirit blanga God jidan Bos blanga pipul. Im deigidawei olabat en meigim olabat bulurrum Jisas Krais brabliwei, en dei kaan tok nogudbalawei blanga Jisas en rabishimbat im, dumaji dei gulum im Bos. Bat if det Holi Spirit nomo jidan Bos blanga olabat, wal dei kaan tok trubala Jisas im Bos blanga olabat.

Hibrus 3:7

Wal det Holi Spirit im tok, “Wen yu irrim God tok langa yu tudei, yu garra lisin langa det wed en nomo jadimap miselp hat seimwei laik yu grengrenfatha olabat bin dum. Wen deibin deya langa det deset kantri, deibin tenim miselp brom God, en deibin testimbat im.

Sekan Pida 1:21

en nobodi kaan gajimap detlot mining blanga detlot wed miselp, dumaji ol detlot speshalwan wed nomo bin kamat brom men ronwan filing. God bin gibit detlot wed, en det Holi Spirit bin meigim detlot speshalwan mesinja tok detlot wed.

Rebaleishan 1:10

Wal wan Sandei det Spirit blanga God bin teikoba langa mi, en aibin lisin sambodi bin jingat adbala biyain langa main bekboun. Imbin jingat jis laiga bambu,

Rebaleishan 4:2

Wal streidawei det Spirit bin teikoba langa mi, en deya langa hebin aibin luk wan speshal boswan tjeya, en sambodi bin jidan ontop langa det speshalwan tjeya.