Methyu 22:4 - Kriol Baibul

⁴ “Wal det king bin jandim najalot wekinmen langa olabat, en detlot wekinmen bin dalim olabat, ‘Det padi im redi na. Deibin kilim ola gudwan buligi, en deibin gugum det bifpat, en ebrijing redi. Wal yumob kaman langa det padi na.’

Methyu 22:4 Iomraidhean Croise

Niyamaiya 9:17

Dei nomo bin laigim dumbat wanim yubin dalim olabat, en deibin fogedabat ol detlot ting yubin dumbat blanga album olabat. Deibin gibit bekboun langa yu. En deibin pikimat wanbala men blanga deigimbek olabat langa Ijip en jidan jis laiga prisana en dumbat ola adwek. Bat yu na det God hu oldei larramgo pipul fri brom olabat nogudbalawei. Yu kain en gudbinji langa pipul. Yu nomo gitwail kwikbala. Yu laigim pipul detmatj. Yu nomo bin gowei en libum melabat grengrenfatha olabat.

Ola Saam 86:5

Bos, yu oldei gud langa melabat en oldei larramgo melabat fri. En langa ol detlot hu oldei jingat langa yu, yu laigim olabat olagijawan.

Prabebs 15:17

Im mobeda yu dagadagat difrinwan daga garram detlot pipul hu laigim yu den blanga dagat bif garram detlot pipul hu nomo laigim yu.

Brabli Gudwan Song 5:1

Main pramis, aibin kaman langa main gadin na. Mi gajimbat lilbit gudsmelwan medisin. Mi dagadagatbat main switwan shugabeig. Mi dringgimbat main wain en milk. Yunmi laigim gija. Yu gin dagadagatbat en dringgimbat raidap yu brabli bulap, dumaji yunmi laigim gija detmatj.

Methyu 21:36

Wal wanmo det boswan bin jandim sambala wekinmen blanga im. Bigmob imbin jandim. En detlot fama bin tridim olabat nogudwei seimwei laik deibin tridim detlot najalot wekinmen.

Methyu 22:5

Bat detlot pipul nomo bin lisin langa detlot wekinmen. Deibin jis kipgon dumbat olabat ron enijing. Wan men bin go langa im fam, en najawan men bin go langa im shop.

Methyu 22:8

Afta na det king bin jingat langa ola najalot wekinmen blanga im, en imbin dalim olabat, ‘Det padi im redi na. Bat detlot pipul weya aibin dalim blanga kaman kaan kaman na, dumaji dei nomo bin teiknodis langa mi.

Luk Bin Dalim Ola Stori Blanga Jisas Langa Wan Jintail Men 14:17

en wen imbin taim blanga det padi, imbin jandim im wekinmen blanga go en dalim detlot pipul. “Wal det wekinmen bin go, en imbin tok, ‘Yumob kaman na! Ebrijing redi!’

Eks Hau Det Gudnyus Blanga Jisas Krais Bin Spredat Ebriweya 1:8

Bat ai dalim yumob. Wen im jandim det Holi Spirit langa yumob, det Holi Spirit garra gibit yumob pawa, en yumob garra dalimbat ola pipul ebriweya blanga mi. Yumob garra dalimbat ola pipul iya langa dijan taun Jerusalem en langa dijan kantri Judiya en langa det kantri gulum Sameriya en langa ebri kantri.”

Eks Hau Det Gudnyus Blanga Jisas Krais Bin Spredat Ebriweya 13:46

Wal Pol en Banabas bin tok mowa strongbalawei langa detlot Juwish pipul. Imbin tok, “Minbala bin lafta dalim det wed blanga God langa yumob basdam. Bat yumob bin tjakidawei det wed. Yumob reken yumob gudbala, en yumob nomo wandim det olagijawan laif weya God bin wandi gibit langa yumob.

Romans 8:32

Yu si? God nomo bin holdimbek im San. Imbin gibit im blanga dai blanga wi. En im garra gibit wi olkain gudbala ting friwan jis laik imbin gibit im ron San langa wi.