Methyu 22:29 - Kriol Baibul

²⁹ Wal Jisas bin dalim olabat, “Yumob bin tok rongwei deya, dumaji yumob nomo sabi wanim im tok langa wed blanga God, en yumob nomo sabi det pawa blanga God du.

Methyu 22:29 Iomraidhean Croise

Jenasis 18:14

Yu dalim mi na. Yu reken enijing brabli ad blanga mi blanga dum? Neksyiya ai garra kambek igin en yunbala Sera garra abum boiwan beibi.”

Ola Saam 17:15

YAWEI, mi nomo gilti, en ai garra luk yu! Wen ai garra weikap, ai garra luk yu, en tharran na garra meigim mi gudbinji.

Aisaiya 25:8

YAWEI det boswan God garra binijimap det pawa blanga det greibyad, en im garra lukaftumbat enibodi hu kraikraibat. Im kaan larram enibodi tok nogudbalawei en mokimbat langa im pipul olabat.

Aisaiya 26:19

“Detlot pipul hu bulurrum yu God garra jidan laibala, en olabat bodi garra gidap laibala igin. Detlot dedbala pipul langa greibyad garra gidap en sing gudbinjiwei. YAWEI yu na det lait weya gibit laif, wulijim det dyu weya im wetim det graun ailibala. Yu gibit laif langa ola dedbala pipul.”

Jeramaiya 32:17

“YAWEI det boswan God, yu na bin meigim dijan graun en det skai garram yu haibala pawa. Nomo enijing im adwan blanga yu.

Hoseiya 13:14

“Wal ai kaan seibum yumob brom det pawa weya det greibyad garram, en ai kaan seibum yumob brom dedbala du. Det pawa blanga det greibyad garra kaman en grebum yumob, dumaji im taim blanga det trabul weya yumob garra dai, en ai kaan fil sori blanga yumob na.

Methyu 22:28

“Wal yu dalim melabat na. Wen det taim garra kaman weya ola dedbala pipul garra gidap laibala, hu waif im garra jidan? Dumaji imbin merrit langa ol detlot sebenbala braja gija.” Lagijat na detlot serramonimen bin askim Jisas.

Mak Bin Dalim Ola Stori Blanga Jisas 12:24

Wal Jisas bin tok, “Yumob bin tok rongwei deya, dumaji yumob nomo sabi det oltestaman, en yumob nomo sabi det pawa blanga God du.

Luk Bin Dalim Ola Stori Blanga Jisas Langa Wan Jintail Men 1:37

Bat imbin jidan femiliwei 6 mants na, dumaji God gin dum enijing.” Lagijat na det einjul bin tok.

Jon Bin Dalim Det Gudnyus Blanga Jisas Det San Blanga God 20:9

Bat stil dubala nomo bin sabi brabliwei det wed langa oltestaman weya tok Jisas garra gidap laibala brom dedbala.

Eks Hau Det Gudnyus Blanga Jisas Krais Bin Spredat Ebriweya 26:8

Wal wotfo ol yumob iya reken God kaan meigim dedbala men gidap laibala?

Romans 15:4

Wal ebrijing weya deibin raidimdan langa oltestaman longtaim im deya blanga lenim wi en blanga meigim wi jidan strongbalawei en nomo gibap, en detlot wed meigim wi sabi wi garra jidan garram det olagijawan laif.

Fes Karinthiyans 15:34

Wal yumob garra jinggabat gudbalawei na en libum det nogudbalawei blanga yumob. En aibin dalim yumob streidat lagijat, dumaji sambala yumob pipul deya nomo sabi God. En wen mi tok langa yumob lagijat, ai wandi meigim yumob sheim.

Falipiyans 3:21

en wen im garra kambek, im garra tjeinjim dijan wikwan bodi blanga wi, en im garra gibit wi najawan bodi jis laik im brabli shainiwan bodi. Im garra tjeinjim wi bodi garram det seimwan pawa weya im yusum blanga jidan Bos blanga ebrijing.