Methyu 22:21 - Kriol Baibul

²¹ En deibin tok, “Blanga det brabli haibala gabman bos neim Sisa.” Wal Jisas bin tok, “Wal yumob garra gibitbek langa Sisa detlot enijing blanga im, en yumob garra gibitbek langa God detlot enijing blanga im du.”

Methyu 22:21 Iomraidhean Croise

Prabebs 24:21

Main biginini olabat, yumob garra abum rispek blanga YAWEI en det king brabliwei, en yumob kaan meigim fren garram detlot pipul hu gibit bekboun langa YAWEI en det king.

Methyu 22:20

en imbin askim olabat, “Blanga hu pitja en neim jidan langa dijan mani?”

Methyu 22:37

Wal Jisas bin tok, “ ‘Yu garra laigim God brabliwei. Yu garra gibit miselp laif langa im. Brabliwei yu garra gibit miselp langa im, en yu garra abum filing oni blanga im, en yu garra oldei jinggabat im langa yu main.’

Methyu 4:10

Wal Jisas bin tok, “Yu gowei brom mi, Seitin. Ai kaan dum wanim yu wandim, dumaji im tok langa oltestaman, ‘Yu garra weship langa God, dumaji oni im na Bos, en yu garra wek blanga im.’ ”

Mak Bin Dalim Ola Stori Blanga Jisas 12:17

Wal Jisas bin tok, “Wal yumob garra gibitbek langa Sisa detlot enijing blanga im, en yumob garra gibitbek langa God detlot enijing blanga im du.” Wal wen deibin irrim Jisas tok lagijat, deibin ol hatjamp brabliwei.

Luk Bin Dalim Ola Stori Blanga Jisas Langa Wan Jintail Men 20:25

Wal Jisas bin tok, “Yumob garra gibitbek langa Sisa detlot enijing blanga im, en yumob garra gibitbek langa God detlot enijing blanga im du.”

Luk Bin Dalim Ola Stori Blanga Jisas Langa Wan Jintail Men 23:2

en deibin meigimap yan, en deibin dalim Pailat, “Melabat bin luk dijan men bin trai en meigim rong langa ola pipul. Imbin dalim olabat nomo blanga gibit det teks mani langa det king blanga dijan kantri, en imbin dalim olabat im na garra jidan king, en imbin gulum miselp det Masaiya.”

Eks Hau Det Gudnyus Blanga Jisas Krais Bin Spredat Ebriweya 4:19

Wal dubala bin dalim olabat, “Wal yumob garra jinggabat na. Wanim God reken? Maitbi minbala garra lisin langa yumob? O maitbi minbala garra lisin langa God?

Eks Hau Det Gudnyus Blanga Jisas Krais Bin Spredat Ebriweya 5:29

Wal Pida en detlot najalot speshalwan mishanri bin ensim olabat na. Deibin tok, “Melabat kaan lisin langa enibodi. Oni langa det God weya melabat grengrenfatha olabat bin bulurrum.

Romans 13:7

En if yumob owim det gabman eni teks mani, wal yumob garra peiyim det mani. Nomeda wotkain teks mani yumob owim det gabman, bat stil yumob garra peiyim olabat blanga ebrijing. En yumob garra shoum rispek brabliwei langa ol detlot pipul hu jidan gabman bos, dumaji yumob owim olabat det rispek.