Methyu 22:19 - Kriol Baibul

¹⁹ Yumob shoum mi wotkain mani yumob yusum blanga pei det teks.” Wal deibin bringimap wanbala mani langa im,

Methyu 22:19 Iomraidhean Croise

Methyu 17:25

Wal Pida bin tok, “Yuwai, im oldei pei.” Afta na wen Pida bin gowin langa det haus weya Jisas bin jidan, Jisas bin askim Pida, “Saiman, wanim yu reken? Hu oldei pei det teks mani langa det king langa eni kantri? Det king oldei meigim im ron pipul pei o im meigim ola najalot pipul pei?”

Methyu 18:28

“Wal det wekinmen bin gowei brom deya, en imbin faindim najawan wekinmen hubin owim im lilbit mani, en imbin grebum im langa throut, en imbin tok, ‘Yu gibit mi det mani weya yu owim mi!’

Methyu 20:2

En imbin faindim sambala men, en imbin tok blanga peiyim olabat wanbala bigwan mani blanga det dei, en imbin jandim olabat blanga wek langa im gadin.

Methyu 22:18

Wal Jisas bin sabi deibin wandi trai en trikim im, en imbin tok, “Yumob tufeis pipul. Yumob kaan trikim mi.

Methyu 22:20

en imbin askim olabat, “Blanga hu pitja en neim jidan langa dijan mani?”

Mak Bin Dalim Ola Stori Blanga Jisas 12:16

Wal deibin bringimap wanbala mani, en imbin askim olabat, “Blanga hu pitja en neim langa dijan mani?” En deibin tok, “Blanga det haibala gabman bos neim Sisa.”

Rebaleishan 6:6

en aibin lisin nois bin kamat brom detlot fobala najakain enimul. Det nois bin jis laik sambodi bin tok, “Yu garra meigim ola sid daga blanga olabat ranat, en yu garra pudumap det prais blanga daga brabli haibala. Dei garra binijimap olabat weijis ebridei wen dei baiyim flauwa blanga meigim wanbala damba, en dei garra binijimap olabat weijis ebridei wen dei baiyim porij blanga wan dei. Bat yu nomo kilimbat detlot daga brom detlot olibtri en greiptri. Yu libum detlot tri.” Lagijat na det sambodi bin tok langa det raida langa det blekwan hos.