Methyu 22:16 - Kriol Baibul

¹⁶ en deibin jandim sambala wekinmen blanga olabat en sambala wekinmen blanga det gabman bos neim Herod, en detlot wekinmen bin go langa Jisas, en deibin tok, “Titja, melabat sabi yu oldei tok det trubala wed streidat langa enibodi, en yu nomo teiknodis wanim enibodi jinggabat. Nomeda det men im jidan haibala. Bat stil yu oldei dalim im streidat blanga wanim God wandim im blanga dum.

Methyu 22:16 Iomraidhean Croise

Fes Kings 22:14

Bat Maikaiya bin tok, “Trubala ai dalim yu. Ai garra oni dalim yumob wanim YAWEI dalim mi.”

Ola Saam 12:2

Detlot nogudbala pipul dalim gija laiya. En wen dei tok gija blanga enijing dei bilib gija du.

Ola Saam 5:9

Dei oldei tok laiyawan wed. Insaid langa olabat hat dei oldei jinggabat blanga binijimap pipul. Wen dei opinim olabat mawus en tok detlot wed, dei tok trikibalawei wulijim detlot pipul gitkil.

Ola Saam 55:21

Imbin swit tok, bat im hat bin abum det nogudwan filing blanga heidimbat. Ebri wed blanga im bin jis laik oil, bat insaidwei detlot wed bin ardim jis laik shapwan naif.

Prabebs 29:5

Enibodi hu oldei preisimbat sambodi laiyinbalawei garra trepam im ronselp.

Melakai 2:6

Deibin titjimbat detlot pipul ola lowa main brabliwei. Dei nomo bin titjimbat najalot wed. Deibin jidan garram mi gudbinjiwei en deibin dum ola raitwan ting. Deibin album detlot najalot pipul hubin dumbat ola nogud ting blanga tenbek en bulurrum mi.

Melakai 2:9

Yumob nomo teiknodis langa wanim aibin dalim yumob, en yumob titjim main lowa langa sambala pipul brabliwei en yumob titjim najalot rongwei wulijim dei gin gudbinji langa yumob. Wal ai garra meiksho detlot pipul sabi wotkain serramonimen yumob wulijim dei kaan abum eni rispek blanga yumob en yumob garra sheim miselp.” Lagijat na YAWEI det haibala bos bin tok.

Methyu 22:24

en deibin askim Jisas kwestjan blanga tharran, dumaji deibin wandi trai en trikim im. Deibin tok, “Titja, Mosis bin gibit melabat wan lowa weya im tok if eni men dai en im waif nomo bin abum biginini, wal det dedbala men braja garra gajim det gel en merrit langa im wulijim im garra abum biginini hu garra jidan jis laik im bigininimob.

Methyu 22:26

Afta na det sekanwan braja blanga im bin merrit langa det seimwan gel. Bat imbin dai du, en im nomo bin abum eni biginini du. Lagijat na imbin hepin langa ol detlot najalot faibala braja blanga dubala. Deibin ol merrit langa det seimwan gel, en wen deibin ol dai, dei nomo bin libum eni biginini.

Methyu 26:18

Wal Jisas bin tok, “Yumob go lida langa det taun, en deya na yumob garra faindim wan olmen, en yumob garra dalim im, ‘Det titja bin tok det taim blanga im bin kaman na, en im wandi abum det Pasoba Serramoni sapa garram im wekinmen olabat langa yu haus.’ ”

Methyu 26:49

Wal wen Judas bin kamat deya, streidawei imbin go langa Jisas, en imbin tok, “Gudei, Titja.” En imbin kis langa im.

Mak Bin Dalim Ola Stori Blanga Jisas 10:17

Afta na Jisas en im wekinmen olabat bin gowei, en wan men bin ran langa im, en imbin baudan lida langa im, en imbin askim im, “Gudbala Titja, wanim ai garra dum blanga abum det olagijawan laif?”

Mak Bin Dalim Ola Stori Blanga Jisas 12:13

Afta na sambala serramonimen gulum Ferasi en sambala wekinmen blanga det gabman bos neim Herod bin kaman langa Jisas blanga trai en trikim im,

Mak Bin Dalim Ola Stori Blanga Jisas 12:14

en deibin tok, “Titja, melabat sabi yu oldei tok det trubala wed streidat langa enibodi, en yu nomo teiknodis wanim olabat jinggabat. Nomeda hau hai det men im jidan, bat stil yu oldei dalim im streidat blanga wanim God wandim im blanga dum. Wal yu dalim melabat na. Yu reken im rait det haibala gabman bos gin meigim melabat peiyim teks mani langa im? Melabat garra peiyim det mani o najing?”

Mak Bin Dalim Ola Stori Blanga Jisas 3:6

Wal detlot serramonimen gulum Ferasi bin gowei brom det Miting Pleis, en streidawei deibin go langa sambala wekinmen blanga det gabman bos neim Herod, en deibin ol dalim miselp, “Hau wi garra kilim Jisas ded?”

Mak Bin Dalim Ola Stori Blanga Jisas 8:15

en Jisas bin dalim olabat, “Yumob garra wotjim miselp blanga detlot serramonimen gulum Ferasi en blanga King Herod. Yumob garra meiksho det raising blanga olabat kaan deigidawei yumob.”

Luk Bin Dalim Ola Stori Blanga Jisas Langa Wan Jintail Men 20:21

en deibin askim Jisas, “Titja, melabat sabi yu oldei tok en titjimbat ebribodi trubalawei, en yu nomo teiknodis langa wanim olabat jinggabat. Nomeda hau hai det men im jidan, bat stil yu oldei dalim im streidat blanga wanim God wandim im blanga dum.

Luk Bin Dalim Ola Stori Blanga Jisas Langa Wan Jintail Men 7:40

Wal Jisas bin tok langa det serramonimen na, “Saiman, ai garra dalim yu samting.” En det serramonimen bin tok, “Wanim yu wandi dalim mi, titja?”

Jon Bin Dalim Det Gudnyus Blanga Jisas Det San Blanga God 14:6

Wal Jisas bin dalim im, “Mi na det wei, dumaji mi det trubalawan weya gibit laif. En nobodi kaan go langa main Dedi. Oni detlot pipul hu sabi mi gin go langa main Dedi.” Lagijat na Jisas bin tok langa Tamas.

Jon Bin Dalim Det Gudnyus Blanga Jisas Det San Blanga God 18:37

Wal Pailat bin tok, “Ai sabi na yu king.” Wal Jisas bin tok, “Trubala tharran weya yubin tok mi king. Bat ai nomo bin kaman langa dijan wel blanga jidan king. Aibin kaman blanga dalimbat pipul blanga det trubala wed. En enibodi hu bulurrum det trubala wed oldei lisin langa mi.”

Jon Bin Dalim Det Gudnyus Blanga Jisas Det San Blanga God 7:18

“Yumob sabi? If mi toktok garram main ronwan wed, wal mi meigim miselp haibala. Bat if mi wek blanga meigim God haibala, wal mi nomo dalimbat laiya. Mi tok trubalawei.

Sekan Karinthiyans 2:17

Yumob sabi? Loda pipul yusum det wed blanga God jis laik detlot enijing weya dei selim langa shop blanga meigimbat mani. Bat dei nomo garram det pawa blanga spredimat det gudnyus. Bat mi nomo seim laik olabat, dumaji God na bin jandim mi. En mi oldei tok trubalawei lida langa im, dumaji mi wekinmen blanga Jisas Krais.

Sekan Karinthiyans 4:2

En melabat bin gibit bekboun langa ol detlot nogudbala ting weya pipul oldei dumbat snikinwei. En melabat nomo tenimran det wed blanga God en dalimbat laiya en trikimbat pipul. Nomo. Melabat dalimbat olabat det trubala wed blanga God streidat, en lagijat na lida langa God mi tok blanga det filing blanga ebribodi. En tharran na meigim olabat sabi brabliwei melabat mishanri.

Sekan Karinthiyans 5:16

Wal basdam wen wi nomo bin bilib langa Jisas Krais, wibin oldei jinggabat im eniwei. Bat wi nomo jinggabat im nogudbalawei na, dumaji wi bilib langa im na, en wi sabi hu im. En seimwei wi kaan jinggabat enibodi eniwei.

Galeishans 1:10

Wal wanim yumob reken? Mi tok lagijat blanga meigim pipul tok gudbinjiwei blanga mi? Nomo. Mi tok lagijat blanga meigim God gudbinji langa mi, dumaji if mi trai en meigim pipul gudbinji langa mi, wal ai kaan jidan wekinmen blanga Jisas Krais.

Galeishans 2:6

Wal nomeda sambala pipul bin reken ol detlot lidamob olabat haibala, bat stil olabat nomo enijing langa mi, dumaji God nomo luk langa wi atsaidwei. Yumob sabi? Detlot lidamob nomo bin lenim mi enijing blanga det gudnyus.

Dyudaranami 33:9

Olabat bin brabli gudbala langa yu, YAWEI, en olabat bin pudum yu lida langa olabat mami en dedi en braja en sista. Olabat ol bin teiknodis en duwit langa yu wed, en olabat bin bilib brabliwei langa yu brabli strongwan pramis.

Fes Thesaloniyans 2:4

Melabat bin oldei tok wanim God wandim melabat blanga tok, dumaji im na bin pikimat melabat en gibit melabat det Gudnyus blanga dalimbat ebribodi, en melabat nomo dumbat enijing jis blanga meigim pipul gudbinji langa melabat. Melabat oldei dum ebrijing blanga meigim God gudbinji, dumaji im na oldei luk insaid langa melabat hat if melabat jidan trubalawei langa im.

Jeims 3:17

Wal nomo enijing rong langa det klebabalawei brom hebin, en detlot pipul hu bulurrum det klebabalawei brom hebin kaan meigimbat eni trabul, dumaji dei garra kain langa enibodi, en dei garra laigim olabat, en dei garra fil sori blanga olabat, en dei garra dumbat gudbala ting blanga olabat du. Dei kaan toktok dubalawei en kadimatbat pipul jis fo najing.

Fes Jon 5:20

En wi sabi det San blanga God bin kaman, en imbin meigim wi sabi wulijim wi garra sabi det trubala God. En wi jidan joinap garram det trubala God. Yumob sabi na? Wi jidan joinap garram Jisas Krais det San blanga God. Im na det trubala God. En im det olagijawan laif du.