Methyu 21:6 - Kriol Baibul

⁶ Wal det dubala wekinmen bin dum wanim Jisas bin dalim dubala.

Methyu 21:6 Iomraidhean Croise

Jenasis 12:4

Wal Eibram bin gowei brom det pleis gulum Heran jis laik weya YAWEI bin dalim im blanga dum. Nomeda imbin olmen 75 yiya ol, bat stil imbin go trebulin olawei raidap langa det kantri gulum Keinan,

Jenasis 6:22

Wal Nowa bin duwit langa God, en imbin dum ebrijing weya God bin dalim im blanga dum.

Eksadas 39:43

en Mosis bin tjekap ol detlot ting weya deibin dumbat, en imbin luk olabat bin dum ebrijing raitwei jis laik weya YAWEI bin dalim im blanga dum, en imbin tok gudbalawei langa detlot wekinmen blanga tharran.

Eksadas 40:16

Brom deya Mosis bin dum ebrijing wanim YAWEI bin dalim im blanga dum.

Isikiyel 12:7

Wal aibin dum wanim YAWEI bin dalim mi blanga dum, en aibin pekimap main beig jis laik detlot prisana hu gowei langa najawan kantri. Wen det san bin godan na, aibin grajim hol thru langa det wol garram main dubala bingga en aibin go thru langa det hol wen imbin dakbala na. Aibin pudum main beig langa main bekboun en aibin gowei.

Methyu 21:5

Imbin tok, “Olabat! Yumob garra jingat langa ola pipul deya langa det taun gulum Saiyan. Yumob garra tok, ‘Yumob luk! Det king blanga yumob im kaminap na. Imbin meigim miselp lobala, en im raidimbat lilwan dongki.’ ”

Methyu 21:7

Dubala bin go, en dubala bin bringimap det dubala dongki langa Jisas, en dubala bin deigimat dubala kout, en dubala bin pudum dubala kout langa det dubala dongki bekboun, en Jisas bin raidim det wanbala dongki na.

Jon Bin Dalim Det Gudnyus Blanga Jisas Det San Blanga God 15:14

En if yumob dum wanim aibin dalim yumob blanga dum, wal yumob na main fren olabat.

Fes Semyul 15:11

“Mi brabli nogudbinji na, dumaji aibin meigim Sol jidan king. Bat imbin gibit mi bekboun, en im nomo bin duwit wanim aibin dalim im blanga dum.” Wal Semyul bin brabli apset, en olnait imbin askimbat YAWEI nomo blanga nogudbinji langa King Sol.