Methyu 21:5 - Kriol Baibul

⁵ Imbin tok, “Olabat! Yumob garra jingat langa ola pipul deya langa det taun gulum Saiyan. Yumob garra tok, ‘Yumob luk! Det king blanga yumob im kaminap na. Imbin meigim miselp lobala, en im raidimbat lilwan dongki.’ ”

Methyu 21:5 Iomraidhean Croise

Jenasis 49:10

Yu garra jidan bigbala bos, en ola biginini blanga yu garra jidan bigbala bos biyain langa yu du. En ola najalot pipul garra lukbek langa yu, en dei garra lisin langa yu du.

Sekan Semyul 16:2

Wal wen King Deibid bin luk Saiba garram ol detlot enijing, imbin askim im, “Wotfo yu bringimap ol dislot enijing?” Wal Saiba bin tok, “Aibin bringimap dislot dongki blanga yu en yu femili olabat blanga raidim, en aibin bringimap ol dislot daga blanga yu men olabat blanga dagadagat, en aibin bringimap dis wain blanga olabat blanga dringgimbat wen dei nokap langa det bush kantri.”

Fes Kings 1:33

imbin tok langa olabat, “Yumob garra deigim ola boswan wekinmen blanga main en yumob garra larram main san Salaman raidim main ronwan dongki. Yumob garra go en deigim im raidap langa det spring gulum Gihon.

Fes Kings 10:26

Wal King Salaman bin abum 1,400 bagi en 12,000 hosis blanga ola faiting men. Sambala imbin kipum langa Jerusalem en najalot imbin pudum langa ola difrinwan taun.

Ola Saam 9:14

wulijim ai gin jandap en dalim ola pipul brom Jerusalem blanga ola brabli gudbala ting yubin dum. Ai garra densdensbat en sing song dumaji yubin seibum mi.

Aisaiya 12:6

Singim song yumob brom Saiyan, en preisim YAWEI det brabli holiwan God blanga Isreil pipul. God im jidan iya blanga album im pipul olabat.”

Aisaiya 40:9

Dijan brabli gudbala nyus blanga det taun gulum Jerusalem. Yumob jingat brabli adbala brom det brabli haibala hil. Nomo bradin blanga jinginat langa detlot taun blanga Juda, “Melabat God im iya na.”

Aisaiya 62:11

En dijan na YAWEI bin tok wulijim ola pipul langa dijan wel garra lisin, ‘Ai garra kaman dregli blanga seibum yumob pipul langa Saiyan deya langa Jerusalem, en ai garra gibit yumob gudbala ting.

Isikiyel 34:24

Im na garra jidan yumob lida en ai garra jidan blanga yumob God. Mi na YAWEI bin tok dijan.

Isikiyel 37:24

“ ‘Blanga olabat king garra kamat brom det femili lain blanga King Deibid en im garra oldei maindimbat olabat jis laik det stakmen. Detlot Isreil pipul garra jidan trubalawei langa main lowa. Olabat en olabat bigininimob garra jidan langa det kantri weya aibin gibit langa main wekinmen neim Jeikob, jis laik olabat grengrenfathamob bin dum.

Hoseiya 1:7

Bat ai garra laigim ola Juda pipul, en ai garra seibum olabat brom olabat enami. Bat wen dei garra fait, ai kaan larram olabat win miselp, dumaji ai kaan yusum detlot naif en bo en erro en hosis en solja blanga seibum olabat. Mi na YAWEI det trubala God blanga olabat, en ai garram main ronwei blanga seibum olabat.” Lagijat na YAWEI bin tok.

Maika 5:2

Wal YAWEI det trubala God bin kipgon tok na, “Bethlahem Efratha, nomeda yu det lilwan taun langa ola najalot taun deya langa Juda, bat stil brom yu na ai garra meigim kamat det boswan main jis laiga gel weya im abum beibi, en det beibi weya yu garra abum bin jidan laibala basdam bifo enijing bin jidan, en im garra jidan king blanga ola Isreil pipul.” Lagijat na YAWEI bin tok.

Nambas 24:19

Detlot Isreil pipul garra pudumbut langa olabat, en binijimap detlot laswan pipul.” Lagijat na Beilam bin tok.

Methyu 11:29

Yu kaman en bulurrum mi, dumaji det wei blanga mi im nomo adwan, en mi brabli kainbalawan en nomo meigim miselp haibala.

Methyu 2:2

en deibin askim ola pipul, “Weya det beibi bin bon hu garra jidan king blanga ola Juwish pipul? Melabat bin kaman brom longwei blanga weship im, dumaji melabat bin luk det sta blanga im bin kamat sanraiswei.”

Methyu 2:6

Imbin tok, ‘Nomeda Bethlahem im lilwan taun, bat stil im brabli speshalwan pleis langa Judiya, dumaji brom Bethlahem na det bos garra kamat, en im garra lidimbat ola pipul blanga God.’ ” Lagijat na detlot serramonimen en lowamen bin tok langa det king.

Methyu 21:6

Wal det dubala wekinmen bin dum wanim Jisas bin dalim dubala.

Luk Bin Dalim Ola Stori Blanga Jisas Langa Wan Jintail Men 24:27

Brom deya Jisas bin dalim dubala ebrijing wanim det oltestaman bin tok blanga im brom Jenasis raidap langa Melakai.

Jon Bin Dalim Det Gudnyus Blanga Jisas Det San Blanga God 1:49

Wal Nathenyul bin tok, “Titja, yu na det San blanga God! Yu na det King blanga ola Juwish pipul!”

Sekan Karinthiyans 10:1

Wal yumob irrim mi na, dumaji ai garra tok blanga main ronselp na. Sambala pipul reken wen mi deya garram yumob, mi brabli isiwan langa yumob, en dei reken wen mi longwei brom yumob, mi brabli ad langa yumob. Bat ai dalim yumob. Jisas Krais im kainbala, en im isiwan.

Dyudaranami 17:16

Det king na nomo lau blanga abum bigmob hosis blanga im ami en im kaan jandim enibodi blanga go langa Ijip blanga baiyim ola hosis, dumaji YAWEI bin tok im ronwan pipul kaan gobek langa det kantri.

Jadjis 12:14

en Ebdan bin abum 40 san en 30 grensan, en deibin oldei raidimbat 70 dongki ebriweya. Wal Ebdan bin jidan lida fo 8 yiya,

Jadjis 5:10

Ol yumob haibala pipul hu oldei raidim ola gudwan enimul, en ol yumob lobala pipul hu oldei futwok biyain langa olabat, holot yumob garra irrim en jinggabat wanim ola pipul tok.