Methyu 21:41 - Kriol Baibul

⁴¹ Wal deibin tok, “Im garra kaman en kilim detlot nogudbala men ded, en im garra gibit det fam langa najalot fama hu garra gibit im det daga brom det fam wen im det rait taim blanga gajimbat daga.”

Methyu 21:41 Iomraidhean Croise

Ola Saam 2:9

Yu garra jidan adbala bos blanga ol yu enami olabat. Yu garra beldim olabat garram det aiyanwan wadi. Yu garra tjakamdan olabat en breikimap olabat jis laik wen sambodi tjakamdan botul en im bitsap.’ ”

Aisaiya 65:15

Mi na YAWEI det boswan God, bin meigim dijan pramis en yumob garra gitkil en detlot wekinmen blanga main garra yusumbat yumob neim nogudbalawei. Bat ai garra gibit main wekinmenmob nyubala neim na.

Denyul 9:26

En wen det taim garra binij det lida weya God bin pikimat garra gitkil, dumaji dei nomo bin gibit im feyago. En wanbala brabli strongwan bos en im amimob garra kaman en binijimap det Serramoni Pleis en Jerusalem. Det taim na garra kaman jis laiga fladwoda, en im garra jidan brabli nogudbala taim. Pipul garra faitfait en ebrijing garra binij. Dumaji God na bin meigim dijan plen.

Sekaraiya 12:12

Ola pipul langa det kantri garra krai, en ola femili garra krai miselpmiselp. Detlot pipul blanga det femili lain blanga Deibid garra krai, en detlot pipul blanga det femili lain blanga Neithan garra krai, en detlot brom det femili lain blanga Libai en brom det femili lain blanga Shimiyai. Langa ola femili ola men garra krai miselp en ola wuman garra krai miselp du.” Wal lagijat na YAWEI bin tok.

Sekaraiya 13:8

Langa Juda bigmob pipul garra dai, en oni lilbit garra stil jidan laibala.

Methyu 21:34

Bambai na wen imbin taim blanga detlot fama blanga gibit det boswan sambala daga brom det fam, det boswan bin jandim sambala wekinmen blanga im blanga askim detlot fama blanga det daga.

Methyu 21:40

Wal Jisas bin askim detlot serramonimen en lowamen na, “Wal wen det boswan blanga det fam garra kaman, wanim yumob reken im garra dum langa detlot fama?”

Methyu 21:43

En ai dalim yumob trubala dijan. God garra libum yumob, dumaji yumob nomo wandi bulurrum det Nyubalawei blanga im, en im garra gajim najalot pipul hu garra duwit langa im.

Methyu 3:12

En im redi blanga kaman jis laiga fama wen im kadimat ola gudwan daga brom det nogudwan pat. Im garra hipimap ola gudwan, en im garra barnimap ola nogudwan langa det olagijawan faiya.” Lagijat na Jon Beptis bin tok langa detlot serramonimen.

Luk Bin Dalim Ola Stori Blanga Jisas Langa Wan Jintail Men 20:16

Ai dalim yumob. Im garra kaman en kilim detlot fama ded, en im garra gibit det gadin langa najalot fama.” Wal wen detlot pipul bin irrim Jisas tok lagijat, deibin tok, “Det boswan kaan dum lagijat!”

Eks Hau Det Gudnyus Blanga Jisas Krais Bin Spredat Ebriweya 15:7

en afta wen deibin toktok longtaim, Pida bin dalim olabat, “Main braja olabat, yumob sabi longtaim God bin pikimat mi brom yumob blanga dalimbat det gudnyus langa ola Jintail pipul wulijim dei garra irrim en bilib.

Eks Hau Det Gudnyus Blanga Jisas Krais Bin Spredat Ebriweya 18:6

Afta na detlot Juwish pipul nomo bin agri langa Pol, en wen deibin tok nogudbalawei langa im, imbin sheikim ola das brom im klos blanga gibit olabat woning, en imbin tok strongbalawei langa olabat. Imbin tok, “If yumob garra go langa det helfaiya, wal im nomo main folt tharran. Im blanga yumob ron folt. En brom tudei na ai garra go langa ola Jintail pipul.”

Eks Hau Det Gudnyus Blanga Jisas Krais Bin Spredat Ebriweya 28:28

en imbin kipgon dalim olabat. “Wal yumob garra sabi na. God bin jandim det wed blanga im langa ola Jintail pipul, en im garra seibum olabat du, dumaji wen dei garra irrim det wed, dei garra bilib langa im.” Lagijat na Pol bin tok langa olabat,

Eks Hau Det Gudnyus Blanga Jisas Krais Bin Spredat Ebriweya 28:8

Wal det dedi blanga det boswan bin brabli sik. Imbin barnbarn bodi en imbin gatseik. Wal Pol bin go langa im, en imbin prei blanga im, en imbin pudum bingga langa im, en imbin meigim im gudwan,

Fes Thesaloniyans 2:16

en deibin trai en stapam melabat brom dalimbat det Gudnyus langa ola Jintail pipul. Dei nomo bin wandim melabat blanga dalim olabat det gudnyus weya garra seibum olabat. Wal detlot Juwish pipul bin kipgon dumbat det nogudbala ting raidap God bin nokap langa olabat, en imbin gitwail langa olabat brabliwei na.

Hibrus 12:25

Wal yumob garra meiksho yumob nomo jadimap miselp irriwol langa God wen im tok langa yumob. Longtaim wen imbin gibit ol detlot Isreil pipul woning iya langa dijan kantri, imbin oldei panishim olabat wen deibin oldei jadimap miselp irriwol langa im. En if imbin lagijat langa olabat, wal wanim garra hepin langa wi if wi tenim miselp brom im wen imbin gibit wi woning brom hebin?

Hibrus 2:3

Bat imbin gibit det wed langa wi garram det san blanga im, en dei garra panishim wi du if wi nomo teiknodis langa det wed weya im dalim wi hau God garra seibum wi. Wal det Bos blanga wi bin dalimbat im wekinmen olabat det gudnyus basdam, en afta detlot wekinmen bin dalimbat wi det gudnyus.