Methyu 21:22 - Kriol Baibul

²² If yu bilib brabliwei langa God, wen yu prei en askim im blanga enijing, im garra gibit yu.”

Methyu 21:22 Iomraidhean Croise

Methyu 18:19

“Ai dalim yumob. If dubala pipul agri gija wen dei prei blanga enijing, main Dedi langa hebin garra ensim det preya blanga dubala. Dumaji wen dubala o thribala majurrap blanga prei garram main neim, mi oldei deya garram olabat.” Lagijat na Jisas bin tok.

Methyu 7:11

Yu sabi na? Nomeda yu nogudbala, bat stil yu sabi blanga gibit gudbala ting langa yumob biginini olabat. En wi sabi wi Dedi langa hebin im gudbala, en im oldei gibit gudbala ting langa detlot pipul hu askim im.

Methyu 7:7

“Wal yumob jinggabat na. Yu garra askim God blanga ebrijing, en yu garra gedim detlot ting, dumaji enibodi hu askim God blanga enijing garra gedim det ting. En yu garra lukabat det wei blanga God, en yu garra faindim det wei blanga im, dumaji enibodi hu lukabat det wei blanga im garra faindim det wei. Im jis laik yu garra nok langa det dowa blanga im, en det dowa garra opin blanga yu, dumaji God garra opinimap det dowa blanga enibodi hu nok langa det dowa.

Mak Bin Dalim Ola Stori Blanga Jisas 11:24

Yumob irrim mi na. Wen yumob prei en askim God blanga enijing, yumob garra bilib brabliwei imbin dum det ting blanga yumob olredi, en yumob gin abum det ting na.

Jon Bin Dalim Det Gudnyus Blanga Jisas Det San Blanga God 14:13

en ai garra dum ebrijing weya yumob askim langa main neim wulijim ai garra shoum ola pipul God im brabli haibala.

Jon Bin Dalim Det Gudnyus Blanga Jisas Det San Blanga God 15:7

“Wal if yumob kipgon jidan joinap garram mi, en if main wed kipgon jidan insaid langa yumob, wal yumob gin askim mi blanga enijing yumob wandim, en ai garra gibit yumob detlot enijing.

Jon Bin Dalim Det Gudnyus Blanga Jisas Det San Blanga God 16:24

Yumob nomo bin askim im enijing langa main neim. Bat yumob garra askim im na. En yumob garra gedim wanim yumob askim im wulijim yumob garra jidan brabli gudbinjiwei.”

Jeims 5:16

Wal yumob garra dalim miselp blanga eni nogudbala ting weya yumob bin dumbat, en yumob garra prei blanga yumob selp, en afta God garra meigim yumob gudbala, dumaji det preya blanga gudbala pipul im brabli strongbala.

Fes Jon 3:22

en im oldei gibit wi ol detlot enijing weya wi askim im, dumaji wi oldei duwit langa im wanim im dalim wi blanga dum, en wi oldei dum detlot ting weya meigim im gudbinji.