Methyu 21:12 - Kriol Baibul

¹² Brom deya Jisas en im wekinmen olabat bin go langa det Serramoni Pleis blanga ola Juwish pipul, en deya na Jisas bin luk loda pipul bin baiyimbat en selimbat olkain ting blanga yusum langa det serramoni. Wal Jisas bin gitwail, en imbin andimwei ol detlot pipul atsaid brom det pleis, en imbin tipimoba ola teibul blanga detlot pipul hubin hendulumbat ola mani, en imbin tjakidawei ola tjeya blanga detlot pipul hubin selimbat ola bard,

Methyu 21:12 Iomraidhean Croise

Eksadas 30:13

Yu garra kaundimap ebri men hu jidan 20 yiya ol en oba, en dei garra ol pei det raitwan mani. Dei garra gibit det mani langa mi blanga olabat ofring, en dei garra ol pei det seimwan mani.

Labidakas 1:14

“En if im gibit bard blanga ofring, im garra gibit dab o pijin.

Labidakas 12:6

“En wen det taim blanga meigim im fri garra binij, nomeda imbin abum boiwan o gelwan beibi, im garra bringimap ofring langa det serramonimen lidawei langa det dowawei langa det Seikridwan Tent. Im garra bringimap wanbala lilwan ship blanga barnapwan ofring, en wanbala pijin o dab blanga det ofring blanga nogudbalawei.

Labidakas 12:8

“If det gel nomo garram mani blanga baiyim lilwan ship, wal im gin bringimap dubala dab o dubala pijin, wanbala blanga barnapwan ofring en wanbala blanga im nogudbalawei, en det serramonimen garra gibit det ofring blanga deigidawei det nogudwan ting brom det gel, en afta im garra jidan klinbala blanga serramoni.” Lagijat na YAWEI bin tok.

Labidakas 14:22

En im garra bringimap dubala pijin o dab du, wanbala blanga det ofring blanga nogudbalawei, en wanbala blanga det barnapwan ofring.

Labidakas 14:30

En afta im garra deigim wanbala dab o pijin

Labidakas 15:14

Langa det namba 8 dei im garra deigim dubala dab o dubala pijin langa det dowawei langa det Seikridwan Tent weya mi oldei jidan, en gibit langa det serramonimen.

Labidakas 15:29

En langa det namba 8 dei det gel im garra deigim dubala dab o dubala pijin langa det serramonimen deya langa det dowawei blanga det Seikridwan Tent weya mi oldei jidan.

Labidakas 5:11

“En if det sambodi jidan powan en nomo garram dab o pijin, wal im garra lafta bringimap wan kilogrem flauwa blanga det ofring blanga det nogudbalawei. Wal im kaan pudum oliboil o gudsmelwan medisin langa det flauwa, dumaji im ofring blanga nogudbalawei en nomo det sid daga ofring.

Labidakas 5:7

“If enibodi kaan gibit det nenigout o ship, wal im garra lafta bringimap dubala dab o dubala pijin langa mi blanga pei blanga det nogudbalawei weya imbin dumbat. Wal det wanbala blanga im ofring blanga nogudbalawei, en det najawan blanga det barnapwan ofring.

Mak Bin Dalim Ola Stori Blanga Jisas 11:11

Bambai na Jisas bin kamat langa Jerusalem, en imbin go en lukaran det Serramoni Pleis blanga ola Juwish pipul. Bat imbin leitbala dijan, en imbin lafta gobek langa det lilwan taun gulum Bethani garram det twelbala wekinmen blanga im.

Luk Bin Dalim Ola Stori Blanga Jisas Langa Wan Jintail Men 2:24

en seimtaim dubala bin gibit dubala yangwan dab o pijin langa detlot serramonimen blanga kilim blanga meigim det lilboi mami fri.

Jon Bin Dalim Det Gudnyus Blanga Jisas Det San Blanga God 2:13

Bambai na imbin gulijap taim blanga ola Juwish pipul blanga abum det serramoni gulum Pasoba, en Jisas en im wekinmen olabat bin go langa Jerusalem.