Methyu 21:11 - Kriol Baibul

¹¹ Wal detlot pipul bin tok, “Dijan im det speshalwan mesinja blanga God neim Jisas. Imbin kaman brom Nesareth deya langa Gelali.”

Methyu 21:11 Iomraidhean Croise

Methyu 2:23

en deya na deibin jidanbat langa Nesareth. Lagijat na imbin hepin, dumaji God bin tok im garra hepin lagijat. Longtaim wan speshalwan mesinja blanga God bin tok langa oltestaman blanga dijan ting. Imbin tok, “Dei garra gulum im Nesareth boi.”

Methyu 21:10

Wal wen Jisas en ol detlot pipul bin kamat langa Jerusalem, ola pipul langa det taun bin hatjamp, en deibin askimbat detlot pipul hubin kaman garram Jisas, “Hu dijan men?”

Methyu 21:26

Bat wi kaan dalim im, ‘Jon bin gedim det rait brom men,’ dumaji wi bradin blanga ol detlot pipul hu reken Jon bin speshalwan mesinja blanga God.”

Mak Bin Dalim Ola Stori Blanga Jisas 6:15

Bat najalot pipul bin tok, “Nomo. Im det speshalwan mesinja blanga God hubin jidan longtaim neim Ilaija.” En najalot pipul bin tok, “Nomo. Im speshalwan mesinja jis laik ol detlot najalot mesinja hubin wokaran iya bifo.”

Luk Bin Dalim Ola Stori Blanga Jisas Langa Wan Jintail Men 13:33

Lagijat na yumob garra tok. Bat nomo oni tudei en tumorro en det neksdei. Ai garra kipgon dumbat main wek raidap mi binij, dumaji im nomo rait blanga kilim speshalwan mesinja blanga God eniweya. Oni langa Jerusalem dei gin kilim speshalwan mesinja ded.”

Luk Bin Dalim Ola Stori Blanga Jisas Langa Wan Jintail Men 24:19

Wal Jisas bin tok, “Wanim bin hepin deya?” En dubala bin tok, “Det men neim Jisas brom Nesareth bin speshalwan mesinja blanga God, en ola pipul bin reken imbin oldei tok brabli strongbalawei garram pawa, en imbin dumbat ebrijing garram pawa du, en God bin brabli gudbinji langa im.

Luk Bin Dalim Ola Stori Blanga Jisas Langa Wan Jintail Men 7:16

Wal ebribodi bin ol hatjamp, en seimtaim deibin preisimbat God. Deibin tok, “Brabli haiwan mesinja brom God bin kamat iya langa wi! God bin kaman blanga seibum ola pipul blanga im!”

Luk Bin Dalim Ola Stori Blanga Jisas Langa Wan Jintail Men 7:39

Wal det serramonimen bin luk wanim det gel bin dum langa Jisas, en imbin tok miselp, “If dijan men im trubala det speshalwan mesinja brom God, wal im bina sabi wotkain det gel weya im tatjimbat im. Im bina sabi det gel im brabli nogudbala.”

Jon Bin Dalim Det Gudnyus Blanga Jisas Det San Blanga God 1:21

Wal detlot serramonimen bin askim im, “Wal hu yu? Yu det speshalwan mesinja neim Ilaija?” En Jon bin tok, “Nomo. Mi nomo Ilaija.” Wal detlot serramonimen bin askim im igin, “Wal hu yu? Yu det brabli speshalwan mesinja weya God bin pramis langa Mosis blanga jandim langa wi?” En Jon bin tok, “Nomo. Mi nomo det brabli speshalwan mesinja.”

Jon Bin Dalim Det Gudnyus Blanga Jisas Det San Blanga God 4:19

Wal det gel bin tok, “Bos, ai sabi na hu yu. Yu speshalwan mesinja brom God.

Jon Bin Dalim Det Gudnyus Blanga Jisas Det San Blanga God 6:14

Wal wen detlot pipul bin luk det speshalwan klebabala ting weya Jisas bin dum, deibin tok, “Trubala dijan na det speshalwan mesinja weya God bin tok im garra jandim langa dijan kantri.”

Jon Bin Dalim Det Gudnyus Blanga Jisas Det San Blanga God 7:40

Wal wen detlot pipul bin irrim Jisas tok lagijat blanga det woda, sambala pipul deya bin tok, “Dijan men na det speshalwan mesinja blanga God weya garra kaman.”

Jon Bin Dalim Det Gudnyus Blanga Jisas Det San Blanga God 9:17

Bambai na detlot serramonimen bin askim det men hubin oldei jidan blainwan, “Yubin tok det men bin meigim yu luk gudwei. Wal hu yu reken im?” Wal det men hubin oldei jidan blainwan bin tok, “Im speshalwan mesinja blanga God.”

Eks Hau Det Gudnyus Blanga Jisas Krais Bin Spredat Ebriweya 7:37

En Mosis bin dalim ola pipul. ‘God garra jandim speshalwan mesinja langa yumob jis laik weya imbin jandim mi langa yumob, en det mesinja garra jidan ronwan kantrimen blanga yumob.’