Methyu 20:8 - Kriol Baibul

⁸ “Afta na wen imbin nokoftaim, det fama bin dalim det boswan wekinmen blanga im, ‘Yu jingat langa ol detlot wekinmen en peiyim olabat. Detlot wekinmen hubin kaman iya leitbala, yu garra peiyim olabat basdam, en detlot wekinmen hubin kaman iya ailibala, yu garra peiyim olabat biyain.’

Methyu 20:8 Iomraidhean Croise

Jenasis 15:2

Wal Eibram bin tok, “YAWEI, yu na det boswan God. Bat wotfo yu gibit langa mi ol dislot ebrijing? Yu kaan gibit mi, dumaji ai nomo garram biginini blanga teikoba main ebrijing. Yu nomo bin gibit mi biginini. Bat ai garram wan wekinmen hu jidan jis laiga prisana neim Eliyeisa brom det taun gulum Dameskas. Maitbi im na garra teikoba main ebrijing, indit?”

Jenasis 43:19

Wal wen det hedmen bin opinim det dowa blanga gowin langa det haus, deibin dalim im.

Labidakas 19:13

“Wal nomo stilimbat enijing o trikimbat pipul. Nomo kipum det weijis brom enibodi hubin wek blanga yumob. Yumob garra peiyim im det seimdei.

Methyu 20:7

En detlot men bin tok, ‘Nobodi bin askim melabat blanga wek.’ En det fama bin tok, ‘Wal yumob go en wek langa main gadin.’ En olabat bin go en wek langa im gadin.

Methyu 20:9

“Wal detlot men hubin stat wek gulijap nokoftaim bin gedim wanbala bigwan mani,

Methyu 25:19

“Bambai longtaim na det boswan blanga detlot thribala wekinmen bin kambek, en imbin askim olabat wanim deibin dum garram detlot mani weya imbin gibit olabat.

Methyu 25:31

Wal Jisas bin kipgon tok langa im wekinmen olabat, “Yumob sabi na? Det stori im dalim yumob hau ai garra gibit det prais langa ola pipul wen ai garra kambek. En wen ai garra kambek blanga jidan bos, ai garra kambek garram det shainiwan lait main garram main einjul olabat, en ai garra jidan langa det speshalwan tjeya weya oni king lau jidan,

Luk Bin Dalim Ola Stori Blanga Jisas Langa Wan Jintail Men 10:7

en yumob garra jidan langa det wan haus. Yumob kaan go eniwei. Oni deya na langa det wanbala haus yumob garra dagadagat daga. Det men im garra lukaftum yumob blanga dagasaid dumaji yumob dumbat wek blanga God.

Luk Bin Dalim Ola Stori Blanga Jisas Langa Wan Jintail Men 12:42

Wal Jisas bin tok, “Wujan wekinmen langa dijan najawan stori im gudwan en klebabala? Yumob jinggabat na. Wen det bos blanga det haus gowei, im pikimat wanbala wekinmen blanga lukaftum ola najalot wekinmen en wekingel,

Luk Bin Dalim Ola Stori Blanga Jisas Langa Wan Jintail Men 8:3

En najawan gel hubin bulurrum Jisas bin neim Jowena. Imbin merrit langa wan men neim Tjusa hubin wekinmen blanga det gabman bos neim Herod. En najawan gel hubin bulurrum Jisas bin neim Susena. Detlot thribala gel en detlot najalot gel bin oldei lukaftumbat Jisas en im wekinmen garram olabat ron enijing.

Sekan Karinthiyans 5:10

en im garra jadjim ebribodi, en im garra peiyimbek ebribodi blanga ola nogudbala ting weya deibin dumbat langa dijan laif, en im garra peiyimbek ebribodi blanga ola gudbala ting weya deibin dumbat langa dijan laif du.

Dyudaranami 24:15

Ebridei bifo det sangodan yumob garra peiyim im blanga det wek. Im wandim det mani, dumaji imbin weidabat blanga gajim. If yumob nomo gibit langa im, wal im garra jingat adbala langa YAWEI, en yumob garra jidan gilti blanga tharran.

Hibrus 9:28

En lagijat gin Jisas bin dai wantaim blanga deigidawei ola nogudbala ting blanga ola pipul, en wen im garra kambek det sekantaim, im kaan kaman blanga deigidawei ola nogudbala ting. Im garra kambek blanga seibum ol detlot pipul hu weidabat blanga im.

Fes Pida 4:10

En weya God bin gibit yumob detlot speshalwan pawa, yumob garra yusum blanga album yumob braja en sista olabat. Yumob garra yusum ol detlot speshalwan pawa brabliwei.

Ruth 2:6

Wal det sekanwan men bin tok, “Im det gel brom det najawan kantri gulum Moweb. Imbin kaman langa yunmi kantri garram det olgamen Neiyomi,