Biblia Todo Logo
Bìoball air-loidhne

- Sanasan -




Methyu 20:23 - Kriol Baibul

23 Wal Jisas bin tok, “Trubala yunbala garra go thru langa trabul jis laik ai garra go thru langa trabul. Bat ai nomo garram det rait blanga dalim yunbala blanga jidan langa main raidensaid en lefthensaid. Oni main Dedi garram det rait blanga pikimat hu garra jidan langa det dubala pleis.”

Faic an caibideil Dèan lethbhreac




Methyu 20:23
12 Iomraidhean Croise  

Wal Jisas bin tok, “God bin meigim yumob sabi im na det brabli haibalawan Bos, bat detlot najalot pipul kaan sabi.


Wal wen detlot najalot tenbala wekinmen bin irrim wanim det dubala wekinmen bin askim Jisas, olabat bin brabli wail langa det dubala braja gija.


Afta ai garra tok langa detlot gudbala pipul langa main raidensaid, ‘Yumob kaman na, dumaji God im gudbinji langa yumob. Yumob garra gedim samting gudwan weya God bin meigim redi blanga yumob longtaim wen imbin meigim ola kantri.


Bat ai nomo garram det rait blanga dalim yunbala blanga jidan langa main raidensaid en lefthensaid. Oni God garram det rait blanga pikimat hu garra jidan langa det dubala pleis.”


en imbin kadimof det hed blanga Jeims det braja blanga det mishanri neim Jon.


En wi garra gedim ol detlot gudbala ting weya God garram blanga im femili olabat, dumaji wi jidan biginini blanga God. En wi garra gedim ol detlot gudbala ting mijamet garram Jisas Krais, dumaji wen wi go thru langa det trabul jis laik weya imbin abum, wal wi garra jidan mijamet garram im deya langa det brabli shainiwan lait blanga im.


Yu si? God nomo bin shoum olabat det plen blanga im, dumaji “God bin meigim im ronwan plen blanga detlot pipul hu laigim im. Bat nobodi bin luk det plen, en nobodi bin irrim eni wed blanga det plen, en nobodi kaan sabi enijing blanga det plen.” Lagijat na im tok langa oltestaman.


Yu si? Yumob garra abum trabul seimwei laik melabat abum trabul. En melabat sabi yumob garra go thru langa det trabul en nomo slekap, dumaji mi sabi God garra album yumob seimwei laik im oldei album mi.


Wal nomeda mi abum trabul en pein weya mi jidan iya langa jeil, bat stil mi gudbinji, dumaji aibin dalimbat det gudnyus blanga album yumob, en blanga tharran na dijan trabul bin kaman langa mi. Dijan trabul weya mi abum langa main bodi im jis laik det trabul weya Jisas Krais bin abum. Imbin gibit mi dijan trabul, en ai garra go thru langa dijan trabul blanga album ola pipul blanga God. Olabat na det tjetj blanga God, en dei jidan jis laiga bodi blanga Jisas Krais.


Yu si? Deibin lukabat det mobedawan kantri deya langa hebin, en God im nomo sheim wen dei gulum im God, dumaji imbin meigim det brabliwan taun redi blanga olabat.


Wal mi na, Jon, mi braja blanga yumob. Wi ol meit gija langa olkain trabul weya kaman langa wi, dumaji wi bilib langa Jisas Krais. Nomeda trabul kaman langa wi, bat stil wi garra go thru langa detlot trabul en nomo slekap, dumaji Jisas Krais im Bos blanga wi. Wal mi jidan prisana iya langa dijan lilwan ailin gulum Petmos. Deibin pudum mi iya, dumaji aibin oldei tokabat God wed en dalimbat ola pipul det gudnyus blanga Jisas Krais.


Lean sinn:

Sanasan


Sanasan