Methyu 20:21 - Kriol Baibul

²¹ en Jisas bin tok, “Wanim yu wandim?” Wal det olgamen bin tok, “Yu garra meigim pramis langa mi. Bambai wen yu jidan king, yu garra larram main san dubala jidan bos garram yu, en yu garra larram wanbala jidan raidensaid langa yu en wanbala lefthensaid langa yu.”

Methyu 20:21 Iomraidhean Croise

Fes Kings 2:19

Brom deya Bethsheba bin go blanga tok langa det king blanga Edanaija. Det king bin jandap en imbin pudumdan im hed raitdan langa graun lida langa im mami. En afta imbin jidan langa im speshalwan tjeya en deibin bringimap najawan tjeya blanga im mami, en imbin jidan raidensaid langa im.

Fes Kings 3:5

Wen imbin naitaim YAWEI bin kaman langa im langa drim en imbin askim im, “Wanim yu wandim mi blanga gibit langa yu?”

Esta 5:3

Det king bin askim Esta, “Wanim yu wandim Esta? Enijing yu wandim ai gin gibit yu. Yu gin askim mi blanga main kantri haf en ai gin gibit langa yu haf.”

Ola Saam 110:1

YAWEI det trubala God bin dalim main Bos, “Jidan iya langa main raidensaid en ai garra bidim ola enami blanga yu en meigim olabat jidan lobala langa yu.”

Ola Saam 45:9

Ola doda blanga ola king jidan deya garram ola najalot gel, en det gel weya yu garra merrit im jandap langa det raidensaid blanga yu speshalwan tjeya, en im werrimbat olkain ting weya deibin meigimbat garram brabli gudwan gol.

Jeramaiya 45:5

Yu reken ai garra dum speshalwan ting blanga yu? Yu nomo lagijat. Ai garra bringimap brabli nogudbala ting langa ola pipul langa ebri kantri, bat yu Baruk, nomeda wujei yu go ai garra maindimbat yu en yu garra jidan laibala.” Lagijat na YAWEI bin tok.

Methyu 18:1

Afta na detlot wekinmen blanga Jisas bin kaman langa im, en deibin askim im, “Wen yu kambek en jidan bos, wujan garra jidan mowa haibala langa melabat?”

Methyu 19:28

Wal Jisas bin tok, “Trubala ai dalim yumob. Wen det taim garra kaman weya ai garra meigim ebrijing nyuwan, ai garra jidan bos langa brabli speshalwan tjeya, en yumob twelbala men hubin bulurrum mi garra jidan langa twelbala speshalwan tjeya du, en yumob garra jidan bos blanga detlot twelbala klen blanga ola Isreil pipul.

Methyu 20:22

Wal Jisas bin tok langa det olgamen san dubala na, “Yunbala nomo sabi wanim yunbala askimbat mi. Yunbala reken yunbala gin go thru langa det trabul weya ai garra go thru?” En dubala bin tok, “Yuwai.”

Methyu 20:32

Wal wen Jisas bin irrim dubala, imbin stap, en imbin askim dubala, “Wanim yunbala wandim mi blanga dum blanga yunbala?”

Mak Bin Dalim Ola Stori Blanga Jisas 10:51

en Jisas bin askim im, “Wanim yu wandim mi garra dum blanga yu?” En det blain men bin tok, “Titja, ai wandi luk.”

Mak Bin Dalim Ola Stori Blanga Jisas 16:19

Wal wen Jisas bin binij toktok langa im wekinmen olabat, God bin deigidawei im langa hebin, en deya na im jidan raidensaid langa God.

Luk Bin Dalim Ola Stori Blanga Jisas Langa Wan Jintail Men 18:41

Imbin tok, “Wanim yu wandim ai garra dum blanga yu?” En det blainwan men bin tok, “Bos, ai wandi luk.”

Luk Bin Dalim Ola Stori Blanga Jisas Langa Wan Jintail Men 19:11

Wal detlot pipul bin irrim Jisas wen imbin tok lagijat langa det shotwan men, en deibin reken God garra meigim im jidan king dregli, dumaji imbin gulijap langa Jerusalem. Wal Jisas bin dalim olabat dijan stori.

Luk Bin Dalim Ola Stori Blanga Jisas Langa Wan Jintail Men 22:24

Brom deya detlot speshalwan mishanri bin stat agamin blanga hu mowa haibala langa olabat en hu garra jidan bos langa olabat.

Jon Bin Dalim Det Gudnyus Blanga Jisas Det San Blanga God 15:7

“Wal if yumob kipgon jidan joinap garram mi, en if main wed kipgon jidan insaid langa yumob, wal yumob gin askim mi blanga enijing yumob wandim, en ai garra gibit yumob detlot enijing.

Eks Hau Det Gudnyus Blanga Jisas Krais Bin Spredat Ebriweya 1:6

Wal naja taim wen detlot speshalwan mishanri bin ol midap garram Jisas, deibin askim im, “Bos, tudei na yu garra meigim wi jidan bos blanga wi ron kantri Isreil, indit?”

Romans 12:10

En yumob garra laigim miselp brabliwei dumaji yumob ol baba gija na. En yumob garra shoum rispek langa yumob baba olabat du.

Romans 8:34

Wal hu garra panishim detlot pipul weya God bin pikimat? Nobodi, dumaji Jisas Krais bin dai olredi, en afta God bin meigim im gidap laibala brom dedbala, en im jidan deya langa det raidensaid langa God, en im oldei askimbat God blanga detlot pipul olataim.

Kaloshans 3:1

Yu si? Yumob garra oldei jinggabat en wandim detlot gudbala ting deya langa hebin, dumaji yumob bin gidap laibala garram Jisas Krais, en im jidan deya na raidensaid langa God.