Methyu 20:19 - Kriol Baibul

¹⁹ Afta dei garra gibit mi langa najalot pipul, en dei garra mokim mi, en dei garra spit langa mi, en dei garra beldim mi garram wip, en afta dei garra neilimap mi langa kros en kilim mi ded. Bat thrideistaim ai garra gidap brom det greib en jidan laibala.”

Methyu 20:19 Iomraidhean Croise

Job Wotfo Gudbala Pipul Abum Trabul? 30:8

Ebribodi oldei andimwei detlot yangmen brom det kantri, dumaji dei jidan laik dongki en dei nomo sabi enijing.”

Ola Saam 35:16

Laik wen dei mokim kripulwan pipul, wal lagijat na deibin mokimbat mi. Deibin baidim miselp tang langa mi, dumaji deibin gitwail nomo lilbit langa mi.

Aisaiya 26:19

“Detlot pipul hu bulurrum yu God garra jidan laibala, en olabat bodi garra gidap laibala igin. Detlot dedbala pipul langa greibyad garra gidap en sing gudbinjiwei. YAWEI yu na det lait weya gibit laif, wulijim det dyu weya im wetim det graun ailibala. Yu gibit laif langa ola dedbala pipul.”

Aisaiya 53:3

Nomo enibodi bin laigim im, en melabat bin gibit bekboun langa im. Imbin abum loda trabul en pein langa im laif. Nobodi nomo bin wandim luk langa im. Melabat nomo bin rispek langa im, en melabat bin tok, ‘Im nomo enijing. Im najing.’

Hoseiya 6:2

Nomo longtaim na im garra bringimbek wi holot langa im, en wi garra jidan garram im.

Methyu 12:40

Det mesinja bin jidan langa det fish binji thribala dei en thribala nait. Wal mi na det Speshalwan Men weya God bin jandim, en ai garra jidan thribala dei en thribala nait insaid langa graun seimwei laik Jona bin jidan insaid langa det fish binji.

Methyu 16:21

Brom det taim na Jisas bin stat dalimbat im wekinmen olabat streidat blanga imselp weya im garra dai, “Ai garra go langa Jerusalem, en ai garra abum loda trabul brom ola boswan olmen en ola haibala serramonimen en ola lowamen, en dei garra kilim mi ded. Bat thrideistaim ai garra gidap laibala.”

Methyu 17:23

en dei garra gibit mi langa detlot men hu garra kilim mi ded. Bat thrideistaim ai garra gidap laibala brom dedbala.” Wal wen im wekinmen olabat bin irrim im tok im garra dai, deibin ol nogudbinji brabli.

Methyu 27:26

Wal streidawei Pailat bin larramgo Barebas fri, dumaji ola pipul bin wandim im, en ola wekinmen blanga Pailat bin beldim Jisas brabliwei, en afta Pailat bin hendimoba im langa ola solja blanga neilimap im langa det kros.

Methyu 27:63

en deibin tok, “Bos, melabat bin jinggabat wanim det laiyinbala Jisas bin tok wen imbin laibala. Imbin tok im garra gidap laibala thrideistaim.

Mak Bin Dalim Ola Stori Blanga Jisas 14:65

Wal sambala pipul bin spit langa Jisas feis na, en afta deibin taiyimap reig langa im dubala ai, en deibin hitimbat im, en deibin tok, “If yu God, wal yu dalim melabat hu hitimbat yu?” En detlot blijiman bin grebum im na, en deibin beldimbat im.

Mak Bin Dalim Ola Stori Blanga Jisas 15:1

Ailibala neksdei na detlot haibala serramonimen bin majurrumap ola lowamen en ola kaunsala, en deibin meigim plen blanga kilim Jisas, en deibin taiyimap im, en deibin deigim im en hendimoba im langa det gabman bos neim Pailat.

Mak Bin Dalim Ola Stori Blanga Jisas 15:15

Wal Pailat bin lafta duwit langa detlot pipul blanga meigim olabat sedisfaid. Imbin larramgo Barebas fri, en imbin hendimoba Jisas langa detlot solja blanga beldimbat im en blanga neilimap im langa kros.

Luk Bin Dalim Ola Stori Blanga Jisas Langa Wan Jintail Men 18:32

Dei garra gibit mi langa detlot najalot pipul, en dei garra mokimbat mi, en dei garra tok nogudbalawei langa mi, en dei garra spit langa mi,

Luk Bin Dalim Ola Stori Blanga Jisas Langa Wan Jintail Men 23:11

Afta na Herod en ola solja blanga im bin meigim fan langa Jisas, en deibin meigim im werrimon det purdiwan klos weya king bin oldei werrimon, en deibin tisimbat im brabli nogudbalawei, en afta Herod bin jandimbek Jisas langa Pailat.

Luk Bin Dalim Ola Stori Blanga Jisas Langa Wan Jintail Men 24:46

en Jisas bin dalim olabat, “Dijan na wanim im tok langa oltestaman. Im tok det Boswan gulum Masaiya garra dai, en im garra gidap laibala thrideistaim.

Eks Hau Det Gudnyus Blanga Jisas Krais Bin Spredat Ebriweya 2:23

Longtaim God bin meigim im ron plen blanga sambodi garra hendimoba Jisas langa yumob, en wen yumob bin larram detlot najalot nogudbala men neilimap im langa det kros, yumob na bin kilim im ded.

Eks Hau Det Gudnyus Blanga Jisas Krais Bin Spredat Ebriweya 21:11

En imbin go streit langa Pol, en imbin deigimat det belt brom Pol, en imbin taiyimap miselp fut en bingga, en imbin tok, “Det Holi Spirit bin dalim mi, detlot Juwish pipul langa Jerusalem garra taiyimap det boswan blanga dijan belt lagijat na, en dei garra hendimoba im langa detlot Jintail pipul.”

Eks Hau Det Gudnyus Blanga Jisas Krais Bin Spredat Ebriweya 4:27

“Wal trubala det dubala gabman bos neim Herod en Panshas Pailat bin midap iya langa Jerusalem garram ola Juwish pipul en ola Jintail pipul blanga kilim Jisas. Im na det brabliwan wekinmen weya yubin pikimat, en yubin meigim im det Masaiya.