Methyu 2:22 - Kriol Baibul

²² Bat Josef bin lilbit bradin blanga go deya langa Judiya, dumaji imbin irrim det san blanga King Herod neim Akaleiyas bin jidan king blanga det kantri na. Wal God bin gibit najawan drim langa Josef, dumaji Josef bin bradin, en langa det drim wan einjul bin kamat langa Josef, en det einjul bin tok, “Yumob gobek langa det kantri gulum Gelali. Deya na yumob garra jidan.” Wal wen Josef bin irrim det einjul tok lagijat, imbin deigim im femili langa Gelali,

Methyu 2:22 Iomraidhean Croise

Ola Saam 121:8

Wen yu gowei YAWEI garra wotjimbat yu, en wen yu kambek im garra lukaftum yu, tudei na, en tumorro en olagijawan.

Ola Saam 48:14

Dijan God im jidan wi God olagijawan. Im garra lidimbat wi raidap dis wel binij.

Ola Saam 73:24

Yu shoumbat mi wujei blanga go garram yu wed, en bambai yu garra welkam mi deya weya yu jidan garram yu pawa en shainiwan lait.

Aisaiya 30:21

En if yumob tenim langa lefthensaid roud o raidensaid roud, yumob garra irrim sambodi tok, ‘Dijan na det roud yumob garra bulurrum.’

Methyu 1:20

Wal wen Josef bin jinggabat lagijat, God bin gibit im drim, en langa det drim wan einjul bin kamat langa im, en det einjul bin tok, “Josef! Grengrensan blanga Deibid! Yu nomo libum det yanggel. Yu garra gajim im blanga yu waif, dumaji det Holi Spirit bin gibit im det beibi.

Methyu 2:1

Wal det taim na wen Jisas bin bon langa Bethlahem, deya langa Judiya, det king blanga det kantri bin neim Herod. Deibin abum sambala klebabalamen langa det najawan kantri sanraiswei hubin oldei lukinatbat ola sta, en deibin luk wanbala speshalwan sta bin kamat. Deibin sabi det sta bin kamat blanga shoum ola pipul Jisas bin bon. Wal detlot klebabalamen bin go langa Jerusalem,

Methyu 2:19

Bambai na King Herod bin dai, en afta God bin gibit drim langa Josef deya langa Ijip, en langa det drim wan einjul bin kamat langa im.

Methyu 2:21

Wal streidawei Josef bin gidap, en imbin gajim det lilboi en im mami, en deibin gobek langa det kantri blanga ola Isreil pipul.

Methyu 3:13

Bambai na Jisas bin kaman brom Gelali, en imbin go langa Jon Beptis, dumaji Jon garra beptaisim im langa det Jodan Riba.

Luk Bin Dalim Ola Stori Blanga Jisas Langa Wan Jintail Men 2:39

Wal deibin binij dumbat ol detlot serramoni blanga det lilboi weya det lowa blanga God bin tok dei garra dum, en afta Josef en Meri en det lilboi bin gobek langa Nesareth deya langa Gelali, en deya na deibin jidan langa olabat ron kemp.

Jon Bin Dalim Det Gudnyus Blanga Jisas Det San Blanga God 7:52

Wal detlot najalot serramonimen bin dalim Nikadimas, “Wanim yu? Yu kantrimen blanga det men? Maitbi yu nomo sabi wanim det oltestaman im tok. Yu lafta gobek langa det wed blanga titjimbat miselp, dumaji nomo eni speshalwan mesinja blanga God garra kaman brom det kantri Gelali.”

Fes Semyul 16:2

Wal Semyul bin tok, “Ai kaan go deya, dumaji King Sol garra irrim mi go deya blanga meigim sambodi king, en im garra kilim mi ded.” Wal YAWEI bin tok, “Yu garra deigim gabigabi garram yu, en yu garra dalim ola pipul yubin go deya blanga abum sekrifais serramoni blanga mi,