Methyu 2:2 - Kriol Baibul

² en deibin askim ola pipul, “Weya det beibi bin bon hu garra jidan king blanga ola Juwish pipul? Melabat bin kaman brom longwei blanga weship im, dumaji melabat bin luk det sta blanga im bin kamat sanraiswei.”

Methyu 2:2 Iomraidhean Croise

Ola Saam 2:6

Im dalim olabat, “Mi na, bin pikimat main king blanga ol yumob pipul. Aibin meigim im bos ontop langa det hil gulum Saiyan. Im jidan bos ontop langa main seikridwan hil.”

Ola Saam 45:11

Yu brabli purdiwan, en tharran na garra meigim det king wandim yu brabli. Im blanga yu bos na, en yu garra duwit langa im.

Aisaiya 60:3

Ola king en ola pipul brom detlot najalot kantri garra luk det lait, en olabat garra kaman langa yumob.”

Jeramaiya 23:5

“Wal det taim im kaminap na, wen ai garra pikimat wanbala gudbala king brom detlot biginini blanga Deibid. Det king garra jidan brabli klebawan bos, en im garra dum ebrijing raitwei en gibit ebribodi feyago langa dijan kantri.

Jeramaiya 30:9

En olabat garra wek blanga mi na, olabat God, en blanga wanbala king brom Deibid femili.

Sekaraiya 9:9

YAWEI bin kipgon tok, “Yumob pipul blanga Jerusalem! Jingat brabli gudbinjiwei yumob pipul blanga Saiyan! Luk yumob king im kaminap langa yumob. Im strongbala en imbin bidim ol im enami olabat. Im kaman langa yumob raidimbat dongki, ontop langa yangwan dongki, nomo praudbalawei.

Nambas 24:17

Tudei na ai gin luk det taim weya garra kaman bambai, en ai gin luk detlot Isreil pipul. Wanbala king jis laiga braitwan sta garra bon brom detlot Isreil pipul. Jis laik det brabli braitwan sta, im garra kaman brom Isreil. Im garra kilim detlot lida brom Moweb, en im garra bidim ola pipul blanga Seth.

Methyu 2:3

Wal wen King Herod bin irrim det nyus, imbin brabli nogudbinji, en loda pipul deya langa det taun bin nogudbinji du.

Methyu 21:5

Imbin tok, “Olabat! Yumob garra jingat langa ola pipul deya langa det taun gulum Saiyan. Yumob garra tok, ‘Yumob luk! Det king blanga yumob im kaminap na. Imbin meigim miselp lobala, en im raidimbat lilwan dongki.’ ”

Methyu 27:11

Wal wen detlot haibala serramonimen en boswan olmen bin deigim Jisas langa det gabman bos neim Pailat, det gabman bos bin askim Jisas, “Yu det king blanga ola Juwish pipul, indit?” En Jisas bin tok, “Wal hu yu reken mi?”

Luk Bin Dalim Ola Stori Blanga Jisas Langa Wan Jintail Men 19:38

Deibin tok, “Melabat askim God blanga jidan kainbala langa dijan king hu kaman langa im neim. God im brabli haibala, en ebribodi garra jidan gudbalawei langa hebin.”

Luk Bin Dalim Ola Stori Blanga Jisas Langa Wan Jintail Men 2:11

Tudei na det beibi bin bon deya langa det pleis weya King Deibid bin bon longtaim. Det beibi na garra deigidawei ola nogudbala ting brom yumob. Im neim Jisas Krais, en im na det Bos blanga yumob.

Luk Bin Dalim Ola Stori Blanga Jisas Langa Wan Jintail Men 23:3

Wal Pailat bin tok langa Jisas na, “Yu king blanga ol dislot Juwish pipul?” En Jisas bin tok, “Wal hu yu reken mi?”

Luk Bin Dalim Ola Stori Blanga Jisas Langa Wan Jintail Men 23:38

Wal sambodi bin pudum lilwan sainbod garram neim ontop langa det kros, en det sainbod bin tok, “Dijan im king blanga ola Juwish pipul.”

Jon Bin Dalim Det Gudnyus Blanga Jisas Det San Blanga God 1:49

Wal Nathenyul bin tok, “Titja, yu na det San blanga God! Yu na det King blanga ola Juwish pipul!”

Jon Bin Dalim Det Gudnyus Blanga Jisas Det San Blanga God 12:13

en deibin go blanga midim im langa roud, en deibin jinginatbat, “Melabat preisimbat God, en melabat askim im blanga album dijan iya king blanga ola Isreil pipul en blanga meigim im brabli gudbinji, dumaji God na bin jandim im.”

Jon Bin Dalim Det Gudnyus Blanga Jisas Det San Blanga God 18:37

Wal Pailat bin tok, “Ai sabi na yu king.” Wal Jisas bin tok, “Trubala tharran weya yubin tok mi king. Bat ai nomo bin kaman langa dijan wel blanga jidan king. Aibin kaman blanga dalimbat pipul blanga det trubala wed. En enibodi hu bulurrum det trubala wed oldei lisin langa mi.”

Jon Bin Dalim Det Gudnyus Blanga Jisas Det San Blanga God 19:19

Wal Pailat bin meigim sainbod blanga det kros blanga Jisas, en det wed weya imbin raidimdan langa det sainbod bin tok, “Jisas brom Nesareth det King blanga ola Juwish pipul.” En detlot solja bin heingimap det sainbod ontop langa det kros blanga Jisas.

Jon Bin Dalim Det Gudnyus Blanga Jisas Det San Blanga God 20:28

Wal Tamas bin tok, “Yu na main Bos en main God!”

Jon Bin Dalim Det Gudnyus Blanga Jisas Det San Blanga God 5:23

En imbin gibit mi det rait, dumaji im wandim ebribodi garra rispek langa mi seimwei laik dei rispek langa im. En enibodi hu nomo rispek langa mi, wal im nomo rispek langa main Dedi hubin jandim mi.

Jon Bin Dalim Det Gudnyus Blanga Jisas Det San Blanga God 9:38

Wal det men hubin oldei jidan blainwan bin tok, “Bos, ai bilib langa yu.” En imbin nildan lida langa Jisas blanga weship im.

Hibrus 1:6

En wi sabi det San blanga God im haibala langa ola einjul, dumaji wen God bin redi blanga jandim im langa dijan graun, imbin tok, “Ol main einjul olabat garra weship im.”

Rebaleishan 22:16

Jisas bin tok, “Mi na Jisas, en aibin jandim main einjul blanga dalim dislot wed langa ola Kristjan pipul. Mi na femili blanga det speshalwan men neim King Deibid. Im main ful rileishan, en dei gulum mi det Braitwan Moningsta.”