Methyu 2:13 - Kriol Baibul

¹³ Afta na wen detlot klebabalamen bin gowei, God bin gibit drim langa Josef, en langa det drim wan einjul bin kamat langa im, en det einjul bin tok, “King Herod garra lukabat det lilboi blanga kilim im ded. Wal yu gidap na, en yu gajim det lilboi en im mami, en yu deigim dubala langa Ijip. Deya na yumob garra jidan raidap ai dalim yumob blanga kambek.” Lagijat na det einjul bin tok.

Methyu 2:13 Iomraidhean Croise

Fes Kings 11:17

Bat Heided en sambala Idamait wekinmen blanga im dedi bin ranawei langa Ijip. Det taim na Heided bin lilwan.

Fes Kings 3:5

Wen imbin naitaim YAWEI bin kaman langa im langa drim en imbin askim im, “Wanim yu wandim mi blanga gibit langa yu?”

Job Wotfo Gudbala Pipul Abum Trabul? 33:15

Maitbi God tok langa wi naitaim garram nogudwan drim weya bradinim wi blanga gibit wi woning.

Job Wotfo Gudbala Pipul Abum Trabul? 33:17

God dumbat lagijat blanga meigim wi gibit bekboun langa det nogudbalawei, en det praudbalawei.

Eksadas 1:22

Bambai na det king bin gibit oda langa ola pipul langa det kantri. Imbin tok, “Wen eni Isreil gel abum boiwan beibi, yumob garra tjakam det beibi langa det Nail Riba en larram im dai deya. Bat yumob garra larram ola gelwan beibi jidan laibala.”

Methyu 1:20

Wal wen Josef bin jinggabat lagijat, God bin gibit im drim, en langa det drim wan einjul bin kamat langa im, en det einjul bin tok, “Josef! Grengrensan blanga Deibid! Yu nomo libum det yanggel. Yu garra gajim im blanga yu waif, dumaji det Holi Spirit bin gibit im det beibi.

Methyu 10:23

“Bambai wen dei garra meigim trabul langa yumob langa eni taun, yumob garra ranawei langa najawan taun. Trubala ai dalim yumob. Mi na det Speshalwan Men hu garra kambek bifo yumob binij yumob wek langa ola taun langa dijan kantri blanga ola Isreil pipul.

Methyu 2:12

Brom deya God bin gibit woning langa detlot klebabalamen langa drim. Imbin tok, “Yumob nomo gobek langa King Herod.” En deibin lisin langa God, en deibin gobek langa olabat ron kantri najawei.

Methyu 2:14

Wal streidawei Josef bin gidap, en imbin gajim det lilboi en im mami, en deibin gowei naitaim langa Ijip,

Methyu 2:16

Bambai na King Herod bin irrim nyus weya detlot klebabalamen hubin kaman brom det kantri sanraiswei bin gobek najawei langa olabat ron kantri. Imbin gitwail brabliwei, dumaji dei nomo bin kambek langa im. Wal det king bin jinggabat wotaim detlot klebabalamen bin luk det sta, en imbin dalim ola wekinmen blanga im blanga go langa Bethlahem en langa ola kemp wansaid langa det taun, en kilim ded ola lilwan boiwan beibi hubin bon afta wen det sta bin kamat. Brom deya detlot wekinmen bin go, en deibin kilim ded ol detlot lilboi brom beibiwan raidap langa 2 yiya ol.

Methyu 2:22

Bat Josef bin lilbit bradin blanga go deya langa Judiya, dumaji imbin irrim det san blanga King Herod neim Akaleiyas bin jidan king blanga det kantri na. Wal God bin gibit najawan drim langa Josef, dumaji Josef bin bradin, en langa det drim wan einjul bin kamat langa Josef, en det einjul bin tok, “Yumob gobek langa det kantri gulum Gelali. Deya na yumob garra jidan.” Wal wen Josef bin irrim det einjul tok lagijat, imbin deigim im femili langa Gelali,

Eks Hau Det Gudnyus Blanga Jisas Krais Bin Spredat Ebriweya 10:22

Wal detlot thribala men bin tok, “Det bos blanga melabat neim Koniliyas bin jandim melabat. Im gudbala men, en im bulurrum det wei blanga God du, en ola Juwish pipul rispek im brabliwei. Wal wan einjul brom God bin dalim im blanga askim yu blanga kaman langa im haus, dumaji dei garra irrim det wed weya yu garra tok langa olabat.”

Eks Hau Det Gudnyus Blanga Jisas Krais Bin Spredat Ebriweya 10:7

Wal afta wen det einjul bin gowei, Koniliyas bin jingat langa dubala wekinmen blanga im en langa wanbala solja. Det solja bin bilib langa God du, en imbin ofsaida blanga Koniliyas,

Eks Hau Det Gudnyus Blanga Jisas Krais Bin Spredat Ebriweya 12:11

Wal wen det einjul bin gowei, Pida bin sabi na wanim bin hepin langa im, en imbin tok miselp, “Ai sabi na trubala dijan ting bin hepin langa mi. Det Bos bin jandim im einjul blanga seibum mi brom det king en brom ol detlot Juwish pipul hubin reken ai garra dai.”

Eks Hau Det Gudnyus Blanga Jisas Krais Bin Spredat Ebriweya 12:7

Wal wen Pida bin silip, wan einjul bin kamat langa im, en det lait bin shain ebriweya langa det rum, en det einjul bin holdim Pida langa im sholda, en imbin weikimap im, “Kwikbala yu gidap!” En streidawei det dubala tjein bin kamat brom Pida bingga,

Eks Hau Det Gudnyus Blanga Jisas Krais Bin Spredat Ebriweya 16:36

Wal det boswan blanga det jeil bin dalim Pol. Imbin tok, “Detlot boswan bin gibit oda langa mi blanga larramgo yu en Sailas. Yunbala go na, dumaji yunbala fri.”

Eks Hau Det Gudnyus Blanga Jisas Krais Bin Spredat Ebriweya 5:19

Bambai na wen imbin midulnait, God bin jandim wanbala einjul langa det jeil, en det einjul bin opinim ola geit, en imbin deigimat detlot speshalwan mishanri atsaid brom det jeil, en imbin dalim olabat,

Eks Hau Det Gudnyus Blanga Jisas Krais Bin Spredat Ebriweya 7:19

Imbin trikim ola Isreil pipul, en imbin oldei tridimbat olabat nogudbalawei, en imbin oldei meigim olabat libum olabat beibi eniwei weya dei garra dai.

Joshuwa 3:13

en wen detlot serramonimen hu garrimap det Seikridwan Boks pudum olabat fut insaid langa det woda, det woda garra stap streidawei en hipimap miselp wansaid.” Lagijat na Joshuwa bin tok.

Joshuwa 3:17

Detlot serramonimen garram det Seikridwan Boks blanga YAWEI bin jandap langa drai graun rait langa midul langa det riba, en deibin jandap deya raidap ola Isreil pipul bin krosim det riba ontop langa det drai graun.

Joshuwa 4:10

Longtaim Mosis bin dalim Joshuwa wanim blanga dum langa det riba, en YAWEI bin dalim im seimwei igin, en wen Joshuwa bin dalim ola pipul, deibin duwit langa im, en detlot serramonimen bin jandap deya garram det Seikridwan Boks deya langa midul langa det riba raidap ol detlot pipul bin krosim det riba kwikbala,

Joshuwa 4:18

En ol detlot serramonimen bin kamat brom det riba, en streidawei wen deibin pudum olabat fut langa beingk, ol detlot woda bin randan igin seimwei weya imbin jidan bifo, en brom deya detlot serramonimen bin go lida langa ola pipul garram det Seikridwan Boks. Wal det dei na YAWEI bin meigim Joshuwa brabli haibala langa ola Isreil pipul. Ola pipul bin oldei rispek Mosis, en seimwei lagijat igin deibin oldei rispek Joshuwa.

Rebaleishan 12:14

Bat sambodi bin gibit det wuman dubala bigwan igulok wing, en imbin flaiwei. Imbin flaiwei, en imbin go langa det pleis langa det bush kantri weya God bin meigim ebrijing redi blanga im. Deya na longwei brom det dregan God garra maindimbat det wuman fo fobala yiya.

Rebaleishan 12:4

Wal garram im teil det dregan bin pulumatbat sambala sta brom skai, en imbin tjakamdan olabat langa dijan kantri. Afta na det dregan bin jandap lida langa det wuman hubin stat blanga abum det beibi, dumaji det dregan bin wandi dagat det beibi streidawei wen im garra bon.

Rebaleishan 12:6

Brom deya det wuman bin ranawei na. Imbin go langa wan pleis langa bush kantri weya God bin meigim ebrijing redi blanga im. Deya na God garra maindimbat im fo 4 yiya, blanga 1,260 dei.