Methyu 19:5 - Kriol Baibul

⁵ en imbin tok, ‘Dumaji aibin meigim dubala lagijat, wal men garra libum im mami en dedi en go en jidan garram im waif, en wen dubala merrit, dubala jidan wanbala na.’

Methyu 19:5 Iomraidhean Croise

Jenasis 34:3

Wal imbin wandim det gel blanga im waif, dumaji imbin laigim im brabli. Det gel bin brabli purdibala, en Shekam bin trai blanga meigim det gel blanga laigimbat im du.

Sekan Semyul 1:26

“Wal main braja Jonathan, aibin laigim yu detmatj, en mi brabli nogudbinji blanga yu na. Yu nomo bin laigim mi seimwei laik ol detlot gel laigim mi. Nomo. Brabliwei yubin laigim mi mowa den ol detlot gel hubin laigim mi.

Fes Kings 11:2

Wal YAWEI det trubala God bin dalim ol detlot Isreil pipul nomo blanga merrit langa najalot pipul, dumaji dei bulurrumbat detlot najalot drimin, en dei mait meigim olabat nomo jidan trubala langa im. Bat King Salaman nomo bin teiknodis langa YAWEI en imbin merrit 700 doda blanga ol detlot king en najalot 300 gel du. En deibin meigim im gibit bekboun langa God,

Ola Saam 45:10

Main gel, yu lisin langa wanim ai garra tok. Yu nomo teiknodis langa yu pipulmob en yu femilimob.

Ola Saam 63:8

Mi holdim yu adbala, en yu bingga kipum mi seifwan.

Melakai 2:15

Wal God bin meigim yumob bodi en spirit, indit? En wen yumob bin meigim det pramis wal imbin meigim yumob en yumob waif olabat jidan wanbala na, dumaji yumob bin merrit gija mijamet. En imbin meigim yumob blanga jidan wanbala garram yumob Isreil waif wulijim yumob gin abum biginini olabat hu garra bulurrum God du. Yumob jinggabat blanga dijan, en yumob nomo breigim det pramis weya yumob bin meigim garram yumob waif wen yumob bin yangbala men.

Methyu 19:6

Yumob sabi? Wen dubala merrit, dubala nomo dubala na. Dubala wanbala. En if God bin joinimap dubala, wal nobodi kaan kadimat dubala.”

Romans 12:9

Wal yumob garra laigim pipul trubalawei. En yumob garra heidim ola nogudbala ting en kipgon jidan garram ola gudbala ting.

Fes Karinthiyans 6:16

Wi kaan yusum wi bodi nogudbalawei lagijat, dumaji if wi joinimap miselp langa detkain nogudbala gel, wal wi meigim miselp jidan wanbala garram det bodi blanga det gel. Wi sabi tharran, dumaji langa oltestaman im tok, “Wen dubala merrit, dubala jidan wanbala na.”

Fes Karinthiyans 7:2

Bat if im merrit, wal im garra abum im ronwan waif, en ola wuman garra abum olabat ronwan hasbin du, dumaji olkain nogudbala ting garra temtimbat olabat.

Fes Karinthiyans 7:4

Det bodi im blanga im hasbin du. En det bodi blanga det men nomo blanga im ronselp. Det bodi im blanga im waif du.

Ifishans 5:31

Wal im tok langa oltestaman blanga tharran deya. Im tok, “Blanga tharran na ebri men oldei libum im mami en dedi en merrit langa im waif, en afta dubala jidan wanbala.” Lagijat na im tok langa oltestaman,

Dyudaranami 10:20

Yumob garra rispek brabliwei langa YAWEI en weship oni langa im. Yumob garra jidan trubala langa im en wen yumob meigim pramis langa enibodi, askim oni YAWEI imselp blanga jidan witnis blanga yumob.

Dyudaranami 11:22

“Yumob garra teiknodis en duwit langa detlot lowa trubalawei weya aibin gibit langa yumob. En yumob garra laigim YAWEI det trubala God blanga wi, en duwit langa ebrijing weya im dalim yumob blanga dum. En yumob garra jidan trubala langa im.

Dyudaranami 4:4

Bat ol yumob hubin jidan trubala langa YAWEI, yumob stil jidan laibala tudei.

Fes Semyul 18:1

Wal afta wen King Sol en Deibid bin binij toktok, det san blanga King Sol neim Jonathan bin abum gudbala filing blanga Deibid, en imbin laigim Deibid brabliwei.

Fes Semyul 25:43

Wal longtaim bifo Deibid bin merrit langa Ebigeil, imbin merrit langa Mikal det doda blanga King Sol. Bat King Sol bin gibit im doda blanga merrit langa najawan men neim Palti. Det men bin san blanga wan olmen neim Layish deya langa det taun gulum Gelim. Afta tharran Deibid bin merrit langa det gel neim Ahinowam brom det taun gulum Jesriyel, en Ebigeil bin jidan det namba thri waif blanga Deibid.