Methyu 19:29 - Kriol Baibul

²⁹ Detlot pipul hubin libum olabat kemp o braja o sista o dedi o mami o biginini o kantri blanga bulurrum mi, olabat garra gedim detmatj mowa igin, en God garra gibit olabat det olagijawan laif.

Methyu 19:29 Iomraidhean Croise

Aklisiyestis 3:6

en det rait taim blanga lukabat enijing, en det rait taim nomo blanga lukabat enijing, en det rait taim blanga seibum ebrijing, en det rait taim blanga tjakidawei ebrijing,

Methyu 10:22

en ebribodi garra heidim yumob dumaji yumob laigim mi. Bat if yumob nomo gibap wen ol detkain ting garra hepin langa yumob, wal God garra seibum yumob.

Methyu 13:23

Sambala pipul dei jis laik detlot sid weya bin buldan langa det gudwan graun. Dei irrim det wed, en dei bilib langa det wed, en det wed im wek langa olabat laif na. Blendibala daga bin kamat brom detlot sid weya bin buldan langa det gudwan graun. Det wed meigim olabat jidan strongbala mowa en mowa ebridei.”

Methyu 13:8

Sambala sid bin buldan langa gudwan graun, en deibin gro gudwei, en deibin abum loda daga. Sambala bin abum lilbit daga, en sambala bin abum bigmob daga, en sambala bin abum detmatj.

Methyu 16:25

Wen enibodi jinggabat im ronselp blanga seibum im ron laif, wal wen im dai, im garra dai olagija. Bat wen enibodi lujim im laif blanga mi en blanga det gudnyus, wal nomeda im dai, bat stil God garra meigim im jidan laibala olagija.

Methyu 19:16

Wal wan yangmen bin kaman langa Jisas, en imbin askim im, “Titja, wanim gudwan enijing ai garra dum blanga jidan olagija?”

Methyu 25:34

Afta ai garra tok langa detlot gudbala pipul langa main raidensaid, ‘Yumob kaman na, dumaji God im gudbinji langa yumob. Yumob garra gedim samting gudwan weya God bin meigim redi blanga yumob longtaim wen imbin meigim ola kantri.

Methyu 25:46

“Brom deya ai garra jandimwei ol detlot nogudbala pipul langa det pleis weya God garra panishimbat olabat olagijawan, en ai garra jandim ol detlot gudbala pipul langa det pleis weya God garra gibit olabat det olagijawan laif.” Lagijat na Jisas bin tok.

Methyu 5:11

“If pipul tok nogudbalawei langa yumob, en dei meigim trabul blanga yumob, en dei tokabat yumob, dumaji yumob bulurrum mi, wal yumob garra gudbinji, dumaji ola grengrenfathamob blanga detlot pipul bin dumbat lagijat du langa ol detlot speshalwan mesinja blanga God.

Methyu 6:33

Wal yu garra jinggabat God basdam en bulurrum imwei, en im na garra gibit yu ol detlot ting weya yu wandim.

Luk Bin Dalim Ola Stori Blanga Jisas Langa Wan Jintail Men 14:26

en imbin tok, “If yumob kaman langa mi, en yumob wandi jidan main wekinmen, wal yumob garra laigim mi mowa langa yumob dedi en yumob mami en yumob waif en yumob biginini en yumob braja en yumob sista en yumob ronselp.

Luk Bin Dalim Ola Stori Blanga Jisas Langa Wan Jintail Men 5:11

Wal olabat bin lidimap det bout dubala ontop langa beingk, en detlot thribala fishamen bin libum ola ebrijing blanga olabat, en deibin bulurrum Jisas.

Luk Bin Dalim Ola Stori Blanga Jisas Langa Wan Jintail Men 6:22

“Yumob garra gudbinji nomeda pipul heidim yu en andimwei yu en mokimbat yu en tok nogudbalawei langa yu dumaji yu bilib langa mi.

Jon Bin Dalim Det Gudnyus Blanga Jisas Det San Blanga God 15:19

If yumob bina jidan blanga dijan wel, wal ola pipul langa dijan wel bina laigim yumob jis laiga ronwan femili. Bat aibin pikimat yumob brom dijan wel, en yumob nomo jidan blanga dijan wel na, en blanga tharran na loda pipul langa dijan wel nomo laigim yumob.

Jon Bin Dalim Det Gudnyus Blanga Jisas Det San Blanga God 4:36

“Wal yumob jinggabat det najawan wed weya detlot fama oldei tok, dumaji det wed im trubala. Dei oldei tok, ‘Wan men oldei plentimbat sid, en najawan men oldei gajimbat det kukwan daga.’

Eks Hau Det Gudnyus Blanga Jisas Krais Bin Spredat Ebriweya 9:16

en ai garra shoum im ola trabul weya im garra abum wen im garra bulurrum mi.”

Fes Karinthiyans 2:9

Yu si? God nomo bin shoum olabat det plen blanga im, dumaji “God bin meigim im ronwan plen blanga detlot pipul hu laigim im. Bat nobodi bin luk det plen, en nobodi bin irrim eni wed blanga det plen, en nobodi kaan sabi enijing blanga det plen.” Lagijat na im tok langa oltestaman.

Sekan Karinthiyans 5:16

Wal basdam wen wi nomo bin bilib langa Jisas Krais, wibin oldei jinggabat im eniwei. Bat wi nomo jinggabat im nogudbalawei na, dumaji wi bilib langa im na, en wi sabi hu im. En seimwei wi kaan jinggabat enibodi eniwei.

Falipiyans 3:8

Nomo oni det lowa en serramoni, bat ai reken ol detlot najalot ting weya aibin oldei dumbat olabat nomo enijing na, dumaji ai wandi sabi Jisas Krais main Bos brabliwei. Wal blanga Jisas Krais na aibin libum ol detlot ting, en ai reken ol detlot ting oni rabish, en aibin tjakidawei ol detlot rabish blanga gedim Jisas Krais en joinap garram im brabliwei.

Fes Pida 4:14

Yumob sabi? If enibodi tok nogudbalawei langa yumob, dumaji yumob bulurrum Jisas Krais, wal yumob garra gudbinji, dumaji det Holi Spirit blanga God jidan insaid langa yumob, en im na det brabli haibalawan Spirit.

Thed Jon 1:7

Wal ai dalim yu. Yu garra kipgon albumbat detlot braja blanga yunmi, en wen olabat redi blanga gowei langa najawan pleis blanga spredimat det gudnyus blanga Jisas Krais, yu garra jandimwei olabat gudbalawei wulijim yu garra meigim God gudbinji, dumaji dei dumbat det wek blanga Jisas Krais, en dei nomo askimbat detlot pipul hu nomo bilib langa im blanga albumbat olabat.