Methyu 19:17 - Kriol Baibul

¹⁷ Wal Jisas bin tok, “Wotfo yu askim mi lagijat? Oni God im gudwan. En if yu wandi jidan gudwei, wal yu garra bilib langa God lowa en duwit.”

Methyu 19:17 Iomraidhean Croise

Niyamaiya 9:29

En yubin gibit olabat woning blanga bulurrum yu lowa igin, bat deibin gibit yu bekboun igin. Dei nomo bin teiknodis langa yu lowa. Langa yu lowa yubin dalim olabat wanim dei garra du blanga jidan laibala, bat dei nomo bin dum. Deibin tenim olabat selp en gibit bekboun langa yu.

Ola Saam 119:68

Yu brabli gudwan YAWEI en yu brabli kainbalawan du. Yu lenim mi detlot lowa blanga yu.

Ola Saam 52:1

Yu brabli nogudbala men! Wotfo yu tok praudbalawei blanga detlot nogudbala ting yubin dum langa God pipul olabat?

Isikiyel 20:21

“Bat detlot pipul bin gibit mi bekboun du. Deibin breigim main lowa en dei nomo bin kipum main wed, en deibin rabishim det Sebathdei. If dei bina bulurrum main lowa dei bina jidan gudbalawei. Aibin gulijap binijimap olabat deya langa det deset kantri, dumaji aibin brabli wail.

Labidakas 18:5

Wal yumob garra kipgon bulurrumbat det lowa weya aibin gibit yumob en if yumob dumbat lagijat oldei, im meigim yumob laif jidan gudwei. Mi na YAWEI det trubala God.

Romans 10:5

Wal yumob jinggabat wanim Mosis bin dalim wi blanga det lowa en hau God meigim pipul jidan raitwei langa im. Imbin tok, “If enibodi duwit langa ol detlot lowa brabliwei, wal God garra meigim im jidan laibala olagijawan.” Bat God kaan meigim enibodi jidan laibala olagijawan brom bulurrumbat detlot lowa, dumaji nobodi oldei bulurrumbat detlot lowa brabliwei.

Jeims 1:17

God kaan temtimbat yumob, dumaji ola gudbala ting kaman brom hebin, en nomo eni nogudbala ting kaan kaman brom God. Wal yumob jinggabat na. God bin meigim det san en mun blanga gibit wi lait. Bat wen dubala godan, im go dakbala na. Bat God im nomo lagijat. Im gibit wi lait olataim. Oni wanwei im oldei jidan. En im kaan tenim miselp en meigim miselp dakbala. Im kaan tenim miselp en meigim miselp nogudbala. Im jidan gudwei olagijawan.

Fes Jon 4:16

Yumob sabi na? Wi sabi God im laigim wi detmatj. Brabliwei wi sabi im laigim wi, dumaji ebrijing weya God oldei dumbat, im dumbat dumaji im laigim wi. En ebribodi hu laigim God en im braja en sista olabat jidan joinap garram God, en God jidan joinap garram im du.

Fes Semyul 2:2

“Wal nomo enibodi holiwan. Oni YAWEI im holiwan. En nomo enibodi haibala seimwei laik im, en nobodi kaan lukaftumbat wi seimwei laik im du.