Methyu 18:22 - Kriol Baibul

²² Wal Jisas bin tok, “Nomo. Yu kaan larramgo im oni sebenbala taim. Yu garra larramgo im 500 taim en mowa igin, dumaji God oldei kipgon larramgo yu fri.

Methyu 18:22 Iomraidhean Croise

Jenasis 4:24

Wal if enibodi bina kilim Kein, sebenbala pipul bina dai blanga peibek. Bat if enibodi kilim mi ded blanga peibek, wal 77 pipul garra dai.”

Aisaiya 55:7

Yumob tjakidawei detlot nogudbalawei blanga yumob, en stap jinggabat ola nogudbalawei. Kambek langa YAWEI det trubala God blanga wi. Im garra fil sori blanga yumob, en im garra larramgo yumob fri brom ola nogudbalawei blanga yumob.

Maika 7:19

Wal yu garra jidan kainbalawei langa melabat igin, en yu garra bastimap ol detlot nogudbala ting weya melabat bin dumbat, en yu garra tjakidawei ol detlot nogudbala ting longwei rait insaid langa solwoda.

Methyu 18:23

Im jis laik det king hubin wandi gedimbek detlot mani weya imbin lendim langa im wekinmen.

Mak Bin Dalim Ola Stori Blanga Jisas 11:25

En if enibodi bin dum enijing langa yumob blanga meigim yumob abum bedfiling langa im, wal wen yumob prei, yumob garra libum det ting en larramgo im fri. If yumob dum lagijat, wal yumob Dedi langa hebin garra larramgo yumob du brom ola nogudbala ting weya yumob bin dumbat.” Lagijat na Jisas bin tok.

Romans 12:21

Yumob sabi na? Yumob kaan larram ola nogudbala ting bidim yumob. Nomo. Yumob garra bidim ola nogudbala ting garram ola gudbala ting.

Ifishans 4:26

En if wi temperap, wal wi nomo wandi larram det ting meigim wi duwit,

Ifishans 4:31

Wal wi kaan kipgon heidimbat enibodi, en wi kaan temperap en gitwail langa enibodi, en wi kaan jinginatbat nogudbalawei langa enibodi, en wi kaan tokabat enibodi nogudbalawei, en wi kaan tok blanga enikain nogudbala ting garra hepin langa enibodi.

Kaloshans 3:13

Yumob garra jis larramgo enibodi wen im tok nogudbalawei langa yu. Yumob garra larramgo im fri brom det ting jis laik Jisas Krais det Bos blanga wi bin larramgo wi fri.

Fes Timathi 2:8

Wal wen yu abum sebis, ai wandim ola men hu sabi God garra prei. Ai nomo wandim detlot men hu oldei agamin en abumbat ad filing langa najalot pipul blanga prei. Oni detlot men hu bulurrum God brabliwei garra prei. En wen dei prei, dei garra lidimap olabat bingga.