Methyu 18:19 - Kriol Baibul

^19-20 “Ai dalim yumob. If dubala pipul agri gija wen dei prei blanga enijing, main Dedi langa hebin garra ensim det preya blanga dubala. Dumaji wen dubala o thribala majurrap blanga prei garram main neim, mi oldei deya garram olabat.” Lagijat na Jisas bin tok.

Methyu 18:19 Iomraidhean Croise

Methyu 21:22

If yu bilib brabliwei langa God, wen yu prei en askim im blanga enijing, im garra gibit yu.”

Methyu 5:24

en if yubin dum enijing blanga meigim im nogudbinji, wal yu garra libum det ofring, en yu garra gobek langa det sambodi en sei sori langa im, en afta yu gin gobek en gibit det ofring langa God.

Methyu 7:7

“Wal yumob jinggabat na. Yu garra askim God blanga ebrijing, en yu garra gedim detlot ting, dumaji enibodi hu askim God blanga enijing garra gedim det ting. En yu garra lukabat det wei blanga God, en yu garra faindim det wei blanga im, dumaji enibodi hu lukabat det wei blanga im garra faindim det wei. Im jis laik yu garra nok langa det dowa blanga im, en det dowa garra opin blanga yu, dumaji God garra opinimap det dowa blanga enibodi hu nok langa det dowa.

Mak Bin Dalim Ola Stori Blanga Jisas 11:24

Yumob irrim mi na. Wen yumob prei en askim God blanga enijing, yumob garra bilib brabliwei imbin dum det ting blanga yumob olredi, en yumob gin abum det ting na.

Jon Bin Dalim Det Gudnyus Blanga Jisas Det San Blanga God 15:16

“Wal yumob nomo bin pikimat mi. Aibin pikimat yumob. En aibin pikimat yumob blanga go en dum detlot gudbala ting weya main Dedi wandim yumob blanga dum, en ol detlot enijing weya yumob dum garra jidan olagijawan. En wen yumob dum detlot gudbala ting, main Dedi garra gibit yumob enijing weya yumob askim im langa main neim.

Jon Bin Dalim Det Gudnyus Blanga Jisas Det San Blanga God 15:7

“Wal if yumob kipgon jidan joinap garram mi, en if main wed kipgon jidan insaid langa yumob, wal yumob gin askim mi blanga enijing yumob wandim, en ai garra gibit yumob detlot enijing.

Jon Bin Dalim Det Gudnyus Blanga Jisas Det San Blanga God 16:23

“Wal wen det taim garra kaman, yumob kaan askim mi enijing. Yumob garra askim main Dedi. En im garra gibit yumob. Trubala ai dalim yumob. Main Dedi garra gibit yumob enijing yumob askim im langa main neim.

Eks Hau Det Gudnyus Blanga Jisas Krais Bin Spredat Ebriweya 1:14

Wal ol detlot men na bin oldei majurrap garram Meri det mami blanga Jisas en garram im braja olabat en garram detlot najalot gel hubin bulurrum Jisas. Olabat na bin oldei majurrumap miselp ebridei blanga prei.

Eks Hau Det Gudnyus Blanga Jisas Krais Bin Spredat Ebriweya 12:5

en seimtaim ola bilibamob bin prei langa God brabli adbala blanga Pida.

Eks Hau Det Gudnyus Blanga Jisas Krais Bin Spredat Ebriweya 16:10

Wal streidawei wen Pol bin abum det drim, im en im wekinmen olabat bin meigim miselp redi blanga go langa Mesadoniya, dumaji deibin sabi God bin wandim olabat blanga go deya en dalimbat det gudnyus langa ola pipul deya.

Eks Hau Det Gudnyus Blanga Jisas Krais Bin Spredat Ebriweya 6:4

en melabat garra kipgon abumbat preya en dalimbat det gudnyus.”

Falipiyans 1:19

En mi gudbinji du, dumaji ai sabi yumob oldei prei blanga mi, en ai sabi det Spirit blanga Jisas Krais garra album mi, en ai sabi det preya blanga yumob en det Holi Spirit garra meigim mi fri brom dijan trabul weya mi jidan iya langa dijan jeil.

Fes Jon 3:22

en im oldei gibit wi ol detlot enijing weya wi askim im, dumaji wi oldei duwit langa im wanim im dalim wi blanga dum, en wi oldei dum detlot ting weya meigim im gudbinji.