Methyu 18:14 - Kriol Baibul

¹⁴ En im lagijat du langa yumob Dedi langa hebin. Im nomo wandim enibodi garra gowei brom im.

Methyu 18:14 Iomraidhean Croise

Aisaiya 40:11

YAWEI im oldei lukaftumbat im pipul olabat, jis laik det stakmen wen im oldei lukaftumbat detlot ship blanga im. Im oldei garrimap detlot lilwan ship langa im bingga, en im oldei lidimbat detlot mamiwan ship gudwei.

Sekaraiya 13:7

Wal YAWEI det boswan God bin tok, “Jandap men garram det bigbala naif. Fait langa det stakmen. Kilim det men hu jandap wansaid langa mi. Kilim det boswan blanga ola ship, en ola ship garra ol ranawei ebriweya. Ai garra panishim detlot lilwan ship.

Methyu 18:13

En wen im faindim det ship, im garra gudbinji brabliwei. Im gudbinji blanga detlot 99 ship hu nomo bin los. Bat im brabli gudbinji blanga det wanbala ship weya imbin faindim im.

Methyu 18:15

“Wen eni fren blanga yu dum nogudbala ting langa yu, wal yu garra go en tok langa im blanga det ting. Oni yunbala miselp garra tok gija. En if im lisin langa yu, wal yubin winimbek yu fren.

Methyu 5:16

En im lagijat na langa yu laif du. Yu garra jidan gudbalawei, en wen ola pipul luk langa yu, dei garra luk ola gudbala ting weya yu oldei dumbat, en dei garra gibit theingks langa wi Dedi langa hebin.”

Methyu 6:32

Ol detlot pipul hu nomo bilib langa God oldei jinggabat blanga ol detkain ting na. Bat wi Dedi langa hebin sabi wanim yu wandim. Im sabi yu garra abum daga en dringk en klos blanga jidan laibala langa dijan kantri.

Methyu 6:9

“Wen yu prei, yu garra tok lagijat. ‘Dedi langa hebin, yu neim im brabli haibala, en melabat nomo wandim enibodi garra yusum yu neim nogudbalawei.

Luk Bin Dalim Ola Stori Blanga Jisas Langa Wan Jintail Men 12:32

“Main fren olabat, yumob nomo wandi bradin, dumaji yumob Dedi langa top bin gudbinji blanga yumob, en im garra larram yumob jidan garram im.

Jon Bin Dalim Det Gudnyus Blanga Jisas Det San Blanga God 17:12

“Wal wen aibin iya garram main wekinmen olabat, aibin lukaftumbat olabat garram det pawa blanga det neim blanga yu weya yubin gibit mi. Aibin maindimbat olabat, en ai nomo bin lujim enibodi. Oni det wanbala men weya bin lafta lujim miselp blanga meigim det wed blanga yu hepin trubala.

Jon Bin Dalim Det Gudnyus Blanga Jisas Det San Blanga God 21:15

Afta wen detlot wekinmen blanga Jisas bin dagat det damba en fish, Jisas bin askim Saiman Pida, “Saiman, yu na det san blanga det olmen neim Jon. Wal yu dalim mi na. Yu laigim mi mowa langa ol detlot najalot wekinmen?” En Pida bin tok, “Yuwai, Bos. Yu sabi mi laigim yu.” Wal Jisas bin dalim im, “Wal yu lukaftumbat ola lilwan ship main.”

Sekan Timathi 2:10

Wal nomeda mi abumbat olkain trabul, bat stil mi oldei kipgon en nomo gibap, dumaji mi wandi album ol detlot pipul weya God bin pikimat olabat, en mi wandim olabat garra bilib brabliwei langa Jisas Krais wulijim God garra seibum olabat en meigim olabat jidan garram im deya langa det brabli shainiwan lait olagijawan.

Hibrus 12:13

en yumob garra libum biyain ola enijing weya oldei meigim detlot wikwan bilibamob tenawei, dumaji yumob garra meigim olabat jandap strongbalawei.

Sekan Pida 3:9

en nomeda sambala pipul reken im kaan dum wanim imbin pramis blanga dum, bat stil im garra dum. Bat im kaan dum streidawei. Im gibit yumob taim, dumaji im nomo wandi binijimap ebribodi. Im wandim ebribodi garra tenawei brom olabat nogudbalawei en kaman langa im.