Methyu 18:13 - Kriol Baibul

¹³ En wen im faindim det ship, im garra gudbinji brabliwei. Im gudbinji blanga detlot 99 ship hu nomo bin los. Bat im brabli gudbinji blanga det wanbala ship weya imbin faindim im.

Methyu 18:13 Iomraidhean Croise

Ola Saam 147:11

Bat im jidan gudbinji langa detlot pipul hu gibit im rispek, en hu trastim langa im olagijawan filing blanga laigimbat olataim.

Aisaiya 53:11

Afta det wekinmen abum ol detlot pein langa im laif, im garra jidan gudbinjiwei. Nomeda im nomo bin dum enijing rong, bat im garra deigim det panishmen blanga ola nogudbalawei blanga ola pipul, wulijim im garra larramgo olabat fri brom olabat nogudbalawei en olabat garra jidan nomo giltiwan.

Aisaiya 62:5

Yumob pipul garra teikoba det kantri, jis laik det yangboi weya im gajim det yanggel blanga jidan im waif. YAWEI garra brabli gudbinji blanga yumob, jis laik det men weya im gudbinji blanga im nyuwan waif.

Isikiyel 34:4

Yumob nomo bin maindimbat detlot ship weya jidan wikwan, en yumob nomo bin lukaftumbat detlot sikwan ship, en yumob nomo bin taiyimap olabat sowa garram bendij wen olabat ardimbat, najing. Yumob nomo go en lukaran blanga detlot ship hubin git bush. Yumob brabli krulbala langa main shipmob.

Maika 7:18

“YAWEI, yu na det trubala God, en nobodi jidan laik yu. Wal yu larramgo fri ol detlot pipul blanga yu hu stil jidan laibala. Yu larramgo olabat fri brom ol detlot nogudbala ting weya deibin dumbat, dumaji yu kaan wail olagijawan. Im meigim yu gudbinji wen yu shoum melabat yu kipgon laigimbat melabat.

Sefanaiya 3:17

YAWEI, yumob God, im jidan garram yumob. En im na garram det pawa blanga bidim ol yumob enami olabat. En im garra gudbinji garram yumob brabliwei. Im laigim yumob detmatj en im gudbinji blanga jidan garram yumob. Im garra sing adbala, dumaji im brabli gudbinji garram yumob.’ ”

Methyu 18:12

En wanim yumob reken det stakmen hu garram 100 ship garra dum wen wanbala ship gowei? Im garra libum detlot 99 ship fidabat langa pedik, en im garra go en lukabat det wanbala hubin los raidap im faindim im.

Methyu 18:14

En im lagijat du langa yumob Dedi langa hebin. Im nomo wandim enibodi garra gowei brom im.

Fes Karinthiyans 13:6

En wen yu laigim pipul, yu nomo gudbinji wen dei dum nogudbala ting. Yu garra gudbinji wen dei bulurrum det trubalawei.

Jeims 2:13

en wen God garra abum det laswan kotkeis garram ebribodi, im kaan kain langa enibodi hu nomo bin kain langa najalot pipul. Bat det sambodi hubin kain langa ebribodi, wal im garra go fri.