Methyu 17:5 - Kriol Baibul

⁵ Wal wen Pida bin stil toktok, wan bigwan klaud bin kamat langa olabat, en det shedo bin gaburrumap olabat, en deibin irrim God bin tok brom det klaud, “Dijan main San, en mi laigim im brabli, en yumob garra lisin langa im.”

Methyu 17:5 Iomraidhean Croise

Job Wotfo Gudbala Pipul Abum Trabul? 38:1

Wal brom det saiklon YAWEI det trubala God bin tok langa Job,

Ola Saam 81:7

Wen yumob bin abumbat trabul, yumob bin jingat langa mi en aibin seibum yumob. Aibin ensim yumob brom main haiding pleis deya langa det stom klaud. Aibin testimbat yumob deya langa det springwoda langa Meriba.

Eksadas 19:19

en det hon bin jingat brabli adbala. Wal Mosis bin tok langa God, en God bin ensim im garram thanda.

Aisaiya 42:1

Wal YAWEI det trubala God bin kipgon tok, “Wal iya na det wekinmen blanga main. Aibin meigim im brabli strongbala. Oni im na aibin pikimat, en mi brabli gudbinji langa im. Aibin gibit im main spirit, en im garra gibit feyago langa ebribodi langa ebri kantri.

Aisaiya 42:21

Wal YAWEI oldei dum ebrijing gudbalawei, en im wandim im lowa blanga jidan brabli gudwan blanga ola pipul.

Methyu 12:18

Imbin tok, “God bin tok, ‘Iya na main wekinmen weya aibin pikimat. Ai laigim im, en mi gudbinji langa im, en aibin gibit im main Spirit, en im garra dalimbat ola pipul ebriweya blanga det raitwei blanga gibit feyago langa olabat.

Methyu 17:6

Wal wen detlot wekinmen bin irrim det wed brom det klaud, deibin brabli bradin, en deibin tjakam miselp feisdan langa graun.

Methyu 3:17

en God bin tok brom hebin, “Dijan na main ronwan san. Mi laigim im nomo lilbit, en mi brabli gudbinji blanga im.”

Mak Bin Dalim Ola Stori Blanga Jisas 1:11

en God bin tok brom top, “Yu na main ronwan san. Mi laigim yu, en mi brabli gudbinji langa yu.”

Mak Bin Dalim Ola Stori Blanga Jisas 9:7

Afta na wan bigwan klaud bin kamat langa olabat, en det shedo bin gaburrumap olabat, en deibin irrim God tok brom det klaud, “Dijan main san, en mi laigim im brabli. Wal yumob garra lisin langa im.”

Luk Bin Dalim Ola Stori Blanga Jisas Langa Wan Jintail Men 3:22

en det Holi Spirit bin kamdan langa im jis laiga bard, en God bin tok brom hebin, “Yu na main ronwan san. Mi laigim yu, en mi brabli gudbinji blanga yu.” Wal Jon bin oldei dalimbat ola pipul blanga libum detlot nogudbalawei blanga olabat, en imbin dalimof det gabman bos neim Herod du. Imbin dalimof im streidat, dumaji Herod bin merrit langa Herodiyas det waif blanga im ronwan braja Filip, en imbin oldei dumbat olkain nogudbala ting du. En wen Jon bin dalimof im, Herod bin dum brabli nogudbala ting. Imbin pudum Jon langa jeil.

Jon Bin Dalim Det Gudnyus Blanga Jisas Det San Blanga God 3:16

“God bin laigim ebribodi detmatj, en imbin jandim im ronwan san blanga dai blanga olabat, wulijim ebribodi hu bilib langa im garra abum det olagijawan laif en nomo dai. En mi na det San blanga im.

Jon Bin Dalim Det Gudnyus Blanga Jisas Det San Blanga God 3:35

Yumob sabi? Det Dedi laigim im San detmatj, en imbin meigim im San jidan bos blanga ebrijing,

Jon Bin Dalim Det Gudnyus Blanga Jisas Det San Blanga God 5:37

“Wal main Dedi jidan witnis blanga mi du, en imbin dalimbat yumob blanga mi. En ai sabi det wed weya im dalimbat yumob im trubala. Bat yumob nomo bin irrim main Dedi tok, en yumob nomo bin luk im du,

Eks Hau Det Gudnyus Blanga Jisas Krais Bin Spredat Ebriweya 1:9

Wal streidawei wen Jisas bin binij toktok langa olabat, deibin luk imbin gowap langa top. God bin deigidawei im, en garram olabat ron ai deibin luk imbin gowap, raidap klaud bin gaburrumap im.

Eks Hau Det Gudnyus Blanga Jisas Krais Bin Spredat Ebriweya 7:37

En Mosis bin dalim ola pipul. ‘God garra jandim speshalwan mesinja langa yumob jis laik weya imbin jandim mi langa yumob, en det mesinja garra jidan ronwan kantrimen blanga yumob.’

Ifishans 1:6

Wal wi garra preisim God en gibit im theingks, dumaji imbin abum det brabli kainbala filing blanga wi, en imbin shoum wi det filing blanga im wen imbin gibit wi ola ebrijing friwan thru Jisas Krais det brabliwan San blanga im, dumaji wen Jisas Krais bin weistim im blad, imbin meigim wi fri, en God bin larramgo wi fri brom ol detlot nogudbala ting weya wibin oldei dumbat. Trubala ai dalim yumob. God im brabli kainbala,

Dyudaranami 18:15

en im na garra jandim wanbala speshalwan mesinja brom yumob ronwan kantrimen en im garra jidan jis laik mi, en yumob garra teiknodis langa im.

Dyudaranami 18:19

Det speshalwan mesinja im garra tok blanga mi, en if enibodi nomo teiknodis langa im wal ai garra panishim im.

Dyudaranami 5:22

Wal Mosis bin kipgon tok, “Dislot na ola lowa weya YAWEI bin dalim langa yumob wen yumob bin majurrumap miselp langa det bigwan hil. Wen imbin tok brom det faiya en brom det bigwan klaud, imbin gibit yumob oni dislot lowa na. Brom deya imbin raidimdan ol dislot lowa langa dubala fletwan ston en imbin gibit langa mi.”

Kaloshans 1:13

en imbin seibum wi brom det pawa blanga det dakbalawei, en imbin bringimap wi blanga jidan garram im brabli ronwan San,

Hibrus 5:9

en afta wen imbin sabi det wei thru det trabul, God bin meigim im jidan det wei weya im garra seibum ol detlot pipul hu duwit langa im.

Rebaleishan 1:7

Yu luk! Im kamdan garram ola klaud, en ebribodi garra luk im garram olabat ron ai. Detlot pipul hubin jalk im garra luk im garram olabat ron ai du. En pipul langa ebri kantri garra krai blanga im brabli. Im trubala dijan stori.

Rebaleishan 14:14

Brom deya aibin luk wanbala waitwan klaud bin kamat na, en sambodi bin jidan ontop langa det klaud. Det sambodi bin luk jis laiga men garram speshalwan goldinwan het langa im hed en shapwan krukidwan naif langa im bingga.