Methyu 17:26 - Kriol Baibul

²⁶ Wal Pida bin tok, “Im meigim ola najalot pipul pei.” Wal Jisas bin tok, “Trubala yubin tok. Ola ron kantrimen blanga det king kaan pei det teks mani. En God im jis laiga king blanga yunmi, en yunmi kaan pei eni teks mani langa im.

Methyu 17:26 Iomraidhean Croise

Methyu 17:25

Wal Pida bin tok, “Yuwai, im oldei pei.” Afta na wen Pida bin gowin langa det haus weya Jisas bin jidan, Jisas bin askim Pida, “Saiman, wanim yu reken? Hu oldei pei det teks mani langa det king langa eni kantri? Det king oldei meigim im ron pipul pei o im meigim ola najalot pipul pei?”

Methyu 17:27

Bat wi nomo wandi meigim detlot men hubin tok langa yu apset. Wal yu go langa det Leik Gelali en tjakam lain, en yu garra pulumap wanbala fish garram naf mani insaid langa im mawus blanga pei det teks mani blanga yunmi, en yu garra deigim det mani en pei yunmi teks.” Lagijat na Jisas bin tok.

Luk Bin Dalim Ola Stori Blanga Jisas Langa Wan Jintail Men 16:8

“Wal wen det nogudwan wekinmen bin dum lagijat, det bos blanga im bin tok gudwei langa im, dumaji imbin reken imbin hendulum det mani klebabalawei. En loda pipul iya langa dijan kantri olabat klebabala langa manisaid. Bat loda pipul hu bulurrum God nomo klebabala langa manisaid.”

Luk Bin Dalim Ola Stori Blanga Jisas Langa Wan Jintail Men 9:50

Wal Jisas bin dalim olabat, “Yumob nomo wandi stapam im, dumaji if enibodi nomo tok nogudbalawei blanga mi, wal im langa wi said.”

Fes Thesaloniyans 5:22

Bat if det wed im nogudwan, wal yumob kaan teiknodis en duwit langa det wed.

Fes Semyul 17:25

en deibin ol tok miselp, “Yu luk det bigwan men deya? Im oldei askimbat wi blanga fait langa im. King Sol bin tok im garra gibit loda enijing langa det men hu garra kilim det Filastain men ded, en im garra gibit im doda langa im blanga merrit du, en im kaan meigim det femili blanga det men pei eni teks mani.”