Methyu 17:2 - Kriol Baibul

² Im feis bin go shainiwan jis laik det san, en det klos blanga im bin go brabli shaini en waitwan jis laiga lait.

Methyu 17:2 Iomraidhean Croise

Ola Saam 104:2

Yu lait jidan raidaran langa yu. Yubin spredimat det skai wulijim tent,

Brabli Gudwan Song 6:10

Hu tharran deya? Im luk laik det braitwan sta weya kamat ailibala. Im brabli purdiwan en braitwan jis laik det san en mun weya dei shain.

Methyu 17:1

Bambai na wanwiktaim Jisas bin deigim im thribala wekinmen neim Pida, Jeims en Jon. Deibin go ontop langa wan haibala hil, en deya na deibin jidan miselp, en detlot thribala wekinmen bin lukinatbat Jisas tjeinj.

Methyu 17:3

Afta na detlot thribala wekinmen bin luk dubala men bin jandap wansaid langa Jisas. Det dubala men bin neim Mosis en Ilaija. Dubala bin brom longtaim, en dubala bin jandap deya toktok garram Jisas.

Methyu 28:3

Det einjul bin luk braitwan jis laik laitining, en ola klos blanga im bin brabli waitwan.

Mak Bin Dalim Ola Stori Blanga Jisas 9:3

Det klos blanga im bin go brabli shainiwan en brabli waitwan. Nobodi kaan meigim klos brabli waitwan lagijat langa dijan kantri.

Luk Bin Dalim Ola Stori Blanga Jisas Langa Wan Jintail Men 9:29

Wal wen Jisas bin preiprei, im feis bin tjeinj, en det klos blanga im bin go brabli shainiwan en brabli waitwan,

Jon Bin Dalim Det Gudnyus Blanga Jisas Det San Blanga God 1:14

Yumob sabi na? Det Wed bin meigim miselp jis laik wi, en imbin kaman en jidan langa melabat, en imbin brabli kainbala langa melabat, en imbin shoum melabat det trubalawei, en melabat bin luk imbin brabli haibala, en imbin brabli haibala dumaji imbin det ronwan San blanga God.

Jon Bin Dalim Det Gudnyus Blanga Jisas Det San Blanga God 17:24

“Dedi, yubin gibit detlot wekinmen langa mi, en ai wandim olabat garra jidan garram mi weya ai garra jidan wulijim dei garra luk det brabli shainiwan lait blanga mi. Bifo yubin meigim dijan wel, yubin laigim mi, en yubin gibit mi det lait.

Romans 12:2

Wal yumob kaan larram miselp kipgon bulurrumbat det wei blanga dijan wel. Nomo. Yumob garra tjeinjim yumob main en larram God tenimran yumob, en wen im tenimran yumob, im gibit yumob det pawa blanga sabi wanim im wandim yumob blanga dum. Yu si? Wen yumob tjeinjim yumob main en larram God tenimran yumob, yumob sabi ol detlot ting weya gudbala en meigim God gudbinji en nomo garram enijing rong.

Rebaleishan 10:1

Brom deya langa main drim aibin luk najawan strongbala einjul bin kamdan brom hebin. Imbin werrimon waitwan klos jis laiga klaud, en imbin abum reinbo raidaran langa im hed, en im feis bin jis laiga san. Im leig dubala bin jandap jis laiga longwan faiya,

Rebaleishan 20:11

Brom deya aibin luk bigbala waitwan tjeya, en aibin luk det sambodi hubin jidan langa det tjeya, en ola graun en skai bin ranawei na, binij olagija.