Methyu 17:13 - Kriol Baibul

¹³ Wal wen Jisas bin tok lagijat, detlot wekinmen blanga im bin sabi imbin toktok blanga Jon Beptis.

Methyu 17:13 Iomraidhean Croise

Methyu 11:14

En langa oltestaman im tok det speshalwan mesinja neim Ilaija garra kaman lida langa det boswan. En if yumob ridim det oltestaman brabli gudwei, wal yumob garra sabi Jon Beptis na det mesinja.

Methyu 17:12

En ai dalim yumob. Det mesinja bin kaman olredi. Bat ola pipul nomo bin sabi im, en deibin tridim im nogudbalawei, en deibin dumbat enijing langa im weya deibin wandi dum. En dei garra tridim mi nogudbalawei lagijat gin.”

Methyu 17:14

Wal wen Jisas en detlot thribala wekinmen blanga im bin kambek langa detlot najalot wekinmen, deibin luk bigmob pipul deya langa olabat. Wan men bin kaman langa Jisas, en imbin baudan lida langa im,

Methyu 3:1

Longtaim det speshalwan mesinja blanga God neim Aisaiya bin tok langa oltestaman, “Sambodi deya im jinginatbat langa bush kantri. Im dalimbat ola pipul blanga meigim det roud redibala blanga det Boswan, en im dalimbat olabat blanga streitinimat det wei blanga im blanga kaman langa olabat.” Lagijat na Aisaiya bin tok longtaim. Wal bambai na det sambodi bin kaman. Imbin neim Jon Beptis, en imbin oldei werrim detlot klos weya deibin meigim garram kemul heya, en imbin oldei werrim lethawan belt, en blanga im daga imbin oldei dagadagat grashopa en shugabeig. Wal Jon bin go langa det bush kantri deya langa Judiya, en imbin dalimbat ola pipul, “Yumob garra tenim miselp brom det nogudbalawei, dumaji im gulijap taim blanga det bos blanga wi garra kaman.”