Methyu 16:6 - Kriol Baibul

⁶ en Jisas bin dalim olabat, “Yumob garra wotjim miselp blanga detlot serramonimen gulum Ferasi en Sedyusi, en yumob garra meiksho det raising blanga olabat kaan deigidawei yumob.”

Methyu 16:6 Iomraidhean Croise

Labidakas 2:11

“Wal nomo eni sid daga ofring yu gibit langa mi, im kaan abum eni raising. Wal yu kaan yusumbat eni raising o shugabeig langa eni ofring wen yu gibit langa mi.

Methyu 16:1

Brom deya wen Jisas bin godan brom det bout, sambala serramonimen gulum Ferasi en Sedyusi bin kaman langa im, en deibin stat askimbat im loda kwestjan, en deibin askim im blanga dum klebabala ting blanga shoum olabat imbin gedim im pawa brom God, dumaji deibin wandi testim im.

Methyu 16:11

Wal wotfo yumob kaan sabi? Mi nomo dalimbat yumob blanga daga. Mi dalimbat yumob blanga wotjim miselp blanga det nogudbalawei weya detlot serramonimen oldei dumbat!”

Methyu 16:12

Wal detlot wekinmen bin sabi na wanim Jisas bin dalimbat olabat. Deibin sabi wen imbin tok raising, im nomo bin toktok blanga det raising weya yu pudum langa flauwa. Imbin toktok blanga ol detlot nogudbala wed weya detlot serramonimen bin oldei titjimbat ola pipul.

Methyu 16:5

Afta na Jisas bin libum detlot serramonimen, en imbin gowin langa det bout garram im wekinmen olabat, en deibin go najasaid langa Leik Gelali. Detlot wekinmen blanga Jisas nomo bin jinggabat blanga bringimap daga,

Methyu 16:7

Wal detlot wekinmen bin tok miselp na, “Im dalimbat wi blanga raising dumaji wi nomo bin bringimap eni daga.” Lagijat na deibin jinggabat, dumaji deibin reken Jisas bin dalimbat olabat blanga det raising weya yu pudum langa flauwa blanga meigim im raisap. Bat Jisas bin dalim olabat blanga wotjim miselp blanga det nogudbalawei weya detlot serramonimen oldei dumbat.

Methyu 3:7

Bambai na Jon Beptis bin luk loda serramonimen gulum Ferasi en Sedyusi bin kaman langa im blanga beptais, en imbin dalim olabat, “Yumob kaninbala! Hubin dalim yumob blanga ranawei brom God wen im garra panishimbat yumob?

Mak Bin Dalim Ola Stori Blanga Jisas 8:15

en Jisas bin dalim olabat, “Yumob garra wotjim miselp blanga detlot serramonimen gulum Ferasi en blanga King Herod. Yumob garra meiksho det raising blanga olabat kaan deigidawei yumob.”

Luk Bin Dalim Ola Stori Blanga Jisas Langa Wan Jintail Men 12:1

Wal bigismob pipul bin majurrumap miselp langa Jisas na. Detmatj pipul bin deya, en deibin oldei bambumbat miselp, en det namba blanga olabat bin thausen en thausen. Wal Jisas bin tok basdam langa im wekinmen olabat, “Yumob garra wotjim miselp blanga det wei blanga detlot serramonimen gulum Ferasi, dumaji olabat tufeis. Dei oldei dum gudwan ekshan atsaidwei blanga gaburrumap ola nogudwan ting weya dei oldei dumbat.

Luk Bin Dalim Ola Stori Blanga Jisas Langa Wan Jintail Men 12:15

Wal Jisas bin tok langa ola pipul na, “Yumob garra wotjim miselp. Yumob kaan jidan gridi blanga olkain ting, dumaji nomeda haumatj ting yumob gajim, bat stil detlot ting kaan meigim yumob sedisfaid.”

Jon Bin Dalim Det Gudnyus Blanga Jisas Det San Blanga God 4:33

Wal detlot wekinmen blanga im bin toktok miselp na, “Enibodi bin bajimap daga blanga im?”

Galeishans 5:9

Wal yumob jinggabat na. Wen yu pudum lilbit raising langa flauwa, im meigim det daga raisap holbit. En im lagijat du langa yumob laif. If yumob lisin langa det sambodi hubin stapam yumob, wal yumob laif garra go nogud holbit.