Methyu 16:18 - Kriol Baibul

¹⁸ Trubala ai dalim yu, Pida. Yu jidan jis laiga rok, en ai garra bildimap main tjetj langa det rok na, en nomo enijing kaan binijimap main tjetj. Seitin kaan binijimap main pipul olabat. En nomeda olabat dai, bat stil dei kaan binij.

Methyu 16:18 Iomraidhean Croise

Jenasis 22:17

Ai garra kipum det pramis blanga yunmi, en yu garra abum bigismob biginini. Jis laik detlot sta en detlot sengraun weya jidan wansaid langa det solwoda, yu garra abum detmatj biginini na. En ola biginini blanga yu garra bidim ola enami blanga olabat,

Sekan Semyul 18:4

Wal King Deibid bin tok, “Wal gowan. Ai garra dum wanim yumob reken im gudbala blanga mi blanga dum.” Afta na King Deibid bin dalim Jowab, Ebishai en Itai, “Yumob garra jinggabat mi en nomo ardim main boi Ebsalom.” Lagijat na King Deibid bin tok langa detlot thribala boswan solja, en ol detlot najalot solja bin irrim im gibit det wed langa olabat. Afta na King Deibid bin jandap wansaid langa det geit blanga det taun, en imbin luk ol detlot solja blanga im gopas langa im blanga go langa det fait, en imbin luk ebri grup gopas.

Job Wotfo Gudbala Pipul Abum Trabul? 38:17

Yubin luk tharran geit weya ola dedbala pipul oldei go thru?

Ola Saam 107:18

Olabat nomo bin wandi dagat daga en deibin gulijap dai.

Ola Saam 127:5

Wal det men im hepiwan weya im garram loda san, dumaji im enami olabat kaan bidim im wen im midap langa olabat.

Ola Saam 129:2

En detlot Isreil pipul bin sing, “Brom wen wibin yang wi enami olabat bin oldei gibitbat wi adtaim, bat dei nomo bin bidim wi, najing.

Ola Saam 69:12

Olabat tokabat mi ebriweya langa roud, en drangginwan pipul meigimap song blanga mi.

Ola Saam 9:13

YAWEI, yu sori langa mi. Yu luk mi ardimbat brom main enamimob olabat. YAWEI yu seibum mi, bambai mi dai,

Prabebs 24:7

Det silibala men nomo garram det streitbala main, en wanim im tok, tharran na nomo album enibodi.

Aisaiya 28:16

YAWEI det boswan God im tok, ‘Aibin pikimat wanbala brabli gudwan ston, en aibin meigim det ston det meinwan ston blanga det haus blanga mi, deya langa det taun gulum Saiyan. En ai garra meigim enibodi gudbinji hu oldei trastimbat mi.

Aisaiya 28:6

Im garra gibit feyago langa detlot pipul blanga im en im garra meigim olabat strongbala wulijim dei garra bidim detlot enami wen dei trai teikoba olabat taun.”

Aisaiya 38:10

“Aibin reken ai garra dai na langa main gudbala yiya, en jidan prisana olagijawan langa det greibyad garram ola dedbala pipul.

Aisaiya 54:17

Detlot spiya olabat meigimbat blanga kilim yumob, dei kaan ardim yumob, najing. En if enibodi tok nogudbalawei langa yumob, detlot wed kaan ardim yumob, najing. Main wekinmenmob langa Jerusalem ai garra kipgon lukaftumbat yumob wulijim yumob garra kipgon winwinbat.” Lagijat na YAWEI bin tok.

Jona 2:6

Aibin godangodan raitdan raidap aibin gajimap det graun, en deya na ai bina dai olagijawan. Bat najing. Ai nomo bin dai, dumaji yu, main God, yubin bringimbek mi laibala brom det solwoda.

Methyu 10:2

Wal iya na ola neim blanga detlot 12 wekinmen weya Jisas bin meigim olabat speshalwan mishanri blanga im. Olabat neim Saiman Pida en im braja Endru, en det dubala san neim Jeims en Jon blanga det olmen neim Sebadi,

Methyu 11:23

“En ol detlot pipul du langa det taun gulum Kapeniyam, olabat reken dei garra go langa hebin. Bat najing. God garra tjakamdan olabat langa helfaiya. If ola nogudbala pipul langa det taun gulum Sadam bina luk ol detlot klebabala ting weya aibin dum langa Kapeniyam, dei bina tenim miselp brom det nogudbalawei blanga olabat, en God nomo bina binijimap det dubala taun.

Methyu 18:17

En if im stil kaan lisin langa yu, wal yu garra go en dalim ola pipul langa tjetj. En if im stil kaan lisin, wal yu garra tridim im jis laik im nomo yu kantrimen o jis laik im nogudbala men.

Methyu 4:18

Brom deya Jisas bin go wokabat wansaid langa Leik Gelali, en deya na imbin luk dubala braja gija neim Saiman Pida en Endru. Dubala bin gajimbat fish garram fishnet, dumaji dubala bin fishamen.

Methyu 7:24

“Wal yumob irrim mi na. If enibodi kaman langa mi, en im lisin langa main wed, en im duwit langa det wed, wal im jis laik det men hubin bildimap im haus langa gudwan rokibala pleis brabli gudwei.

Jon Bin Dalim Det Gudnyus Blanga Jisas Det San Blanga God 1:42

Wal afta na Endru bin deigim im braja langa Jisas, en wen Jisas bin luk im, imbin dalim im, “Yu neim Saiman det san blanga wan olmen neim Jon. Bat brom tudei ai garra gulum yu neim Sifas.” Wal Jisas bin gulum im Sifas garram det langgus blanga dubala. Bat garram det Grik langgus im Pida. En det dubala neim min rok.

Eks Hau Det Gudnyus Blanga Jisas Krais Bin Spredat Ebriweya 2:47

en deibin oldei gibit theingks langa God. Wal ola pipul langa det taun bin rispek langa detlot bilibamob, en ebridei God bin meigim mowa en mowa pipul joinin langa olabat.

Eks Hau Det Gudnyus Blanga Jisas Krais Bin Spredat Ebriweya 20:28

“Wal ol yumob tjetj lidamob garra wotjim miselp, en yumob garra wotjim ol detlot bilibamob du, dumaji det Holi Spirit bin meigim yumob jidan bos blanga olabat. Yumob garra lukaftumbat olabat brabliwei, dumaji God san bin weistim im blad blanga meigim olabat jidan blanga im,

Eks Hau Det Gudnyus Blanga Jisas Krais Bin Spredat Ebriweya 8:1

En det men neim Sol bin gudbinji weya deibin kilim im ded. Wal streidawei afta wen Stibin bin dai, ol detlot bilibamob deya langa Jerusalem bin stat abumbat brabli adtaim, dumaji Sol bin trai en stapam olabat blanga kipgon bulurrumbat Jisas. Imbin oldei go langa ebri haus blanga lukabat enibodi hubin bulurrum Jisas, en wen imbin faindim enibodi, imbin oldei grebum im en pudum im langa jeil. Lagijat na imbin oldei dum, dumaji imbin wandi stapam det tjetj langa Jerusalem. Wal ol detlot bilibamob bin ranawei ebriweya langa det dubala kantri gulum Judiya en Sameriya. Bat detlot speshalwan mishanri bin stap deya gin langa Jerusalem, en sambala men hubin bilib langa God bin kaman en gaburrumap det bodi blanga Stibin, en deibin ol krai blanga im detmatj.

Fes Karinthiyans 15:55

Wal det deth nomo garram eni pawa blanga bidim wi na. Det deth nomo garram eni pawa blanga kilim wi na.

Galeishans 2:9

Wal ola pipul bin reken det thribala men neim Jeims en Pida en Jon bin jidan boswan haibala lida. Wen det thribala men bin sabi det trubala God bin gibit mi det speshalwan wek, wal deibin sheikhen langa minbala Banabas blanga shoum ebribodi melabat ol wanbala, en melabat bin ol agri gija blanga minbala garra wek garram ola Jintail pipul en olabat garra wek garram ola Juwish pipul.

Ifishans 3:10

Imbin dum lagijat, dumaji imbin wandi yusum det tjetj blanga im blanga shoum ola einjul en olkain spirit im sabi olkain ting.

Ifishans 5:32

en det wed im garram speshalwan mining. Im tok blanga Jisas Krais en ola bilibamob,

Kaloshans 1:18

Wal ol wi Kristjan pipul jidan jis laiga bodi, en Jisas Krais na det hedpat blanga det bodi. Im na det laif blanga wi, en wi det tjetj blanga im. En im na det feswan hubin gidap laibala olagijawan brom dedbala. Imbin gidap feswan lagijat wulijim im garra jidan haibala langa ebrijing, dumaji God bin insaid langa im, en dubala jidan wanbala, en God bin gudbinji im San jidan wulijim im.

Fes Timathi 3:15

en aibin wandi dalim yu hau ola pipul blanga God femili garra jidan. Ol detlot pipul hu bilib langa det laibalawan God, olabat na det femili blanga God, en olabat na det tjetj, en det tjetj garra bulurrum det trubala wed. En wen enibodi trai en tenimran det wed, det tjetj garra streitinimat olabat.

Fes Timathi 3:5

en im garra meigim im biginini olabat lisin langa im en rispek langa im brabliwei du, dumaji if im kaan lukaftumbat im femili olabat, wal hau im garra lukaftumbat ola pipul blanga God deya langa det tjetj?

Hibrus 12:28

Wal nomo enijing kaan meigim God sheik, en wi garra gibit theingks langa im, dumaji im garra meigim wi jidan garram im. Wal wi garra gibit theingks langa God, en wi garra weship im hau im wandim wi blanga weship im,

Rebaleishan 11:15

Brom deya det namba 7 einjul bin blowim im longwan wisul na, en sambala bin jingat adbala langa top, “Det wanbala bin jidan bos blanga ola kantri basdam. Bat najing na. God im Bos blanga melabat, en im jidan Bos blanga ola kantri na, en Jisas Krais jidan Bos blanga ola kantri olagija du.”

Rebaleishan 21:14

Det wol blanga det taun bin abum 12 strongbala ston langa graunwei, en detlot ston bin abum neim blanga detlot 12 speshalwan mishanri blanga Jisas.