Methyu 16:17 - Kriol Baibul

¹⁷ Wal Jisas bin tok, “Yubin tok trubala wed, Saiman. En ai sabi yu san blanga det olmen neim Jon. Bat nomo eni men bin dalim yu det trubala wed. Main Dedi langa hebin bin dalim yu. En yu garra gudbinji, dumaji imbin dalim yu.

Methyu 16:17 Iomraidhean Croise

Aisaiya 54:13

“Ai garra titjimbat ol yumob bigininimob, en ai garra meigim olabat jidan brabli gudwei en hepiwan.

Luk Bin Dalim Ola Stori Blanga Jisas Langa Wan Jintail Men 22:32

“Wal aibin prei blanga yu, Saiman, wulijim yu garra bilib brabliwei en nomo slekbek. Bat ai sabi yu garra slekbek. Bat afta yu garra kambek langa mi. En wen yu kambek, yu garra album yu braja olabat bilib brabliwei du.”

Jon Bin Dalim Det Gudnyus Blanga Jisas Det San Blanga God 1:42

Wal afta na Endru bin deigim im braja langa Jisas, en wen Jisas bin luk im, imbin dalim im, “Yu neim Saiman det san blanga wan olmen neim Jon. Bat brom tudei ai garra gulum yu neim Sifas.” Wal Jisas bin gulum im Sifas garram det langgus blanga dubala. Bat garram det Grik langgus im Pida. En det dubala neim min rok.

Jon Bin Dalim Det Gudnyus Blanga Jisas Det San Blanga God 6:45

“Wal yumob jinggabat det wed weya detlot speshalwan mesinja blanga God bin raidimdan langa oltestaman. Det wed im tok, ‘God imselp garra lenimbat ola pipul.’ En ol detlot pipul hu lisin langa main Dedi en gajimap det wed blanga im garra kaman langa mi,

Fes Karinthiyans 15:50

Wal main braja en sista olabat, streidat ai garra dalim yumob. Wi kaan go langa hebin garram dijan bodi weya wi garram, dumaji diskain bodi garra binij. Dei kaan jidan olagijawan.

Galeishans 1:16

en imbin jinggabat blanga shoum mi det San blanga im wulijim ai garra go en dalimbat det gudnyus blanga Jisas Krais langa ola Jintail pipul. Wal wen God bin shoum mi det San blanga im, ai nomo bin go langa enibodi blanga lenim mi det gudnyus,

Ifishans 2:8

Wal God bin seibum yumob wen yumob bin bilib langa Jisas Krais dumaji imbin abum det brabli kainbala filing blanga yumob. Im nomo bin seibum yumob dumaji yumob bin gudbala, en im nomo bin seibum yumob dumaji yumob bin dum gudbala ting. Imbin seibum yumob dumaji imbin wandi seibum yumob imselp, en dumaji imbin seibum yumob lagijat, wal nobodi kaan reken miselp na.

Ifishans 3:5

God nomo bin dalim enibodi blanga det plen bifo. Bat tudei garram im Holi Spirit imbin shoum det plen langa detlot speshalwan mishanri en speshalwan mesinja weya imbin pikimat.

Ifishans 6:12

Yumob garra yusum ol detlot ting blanga God jis laiga solja weya im yusum ola ting blanga fait. Bat wi nomo fait langa pipul. Wi oldei fait langa ola dibuldibul en langa ola nogudwan spirit en langa ol detkain ting weya kamat brom dakbala en meigim miselp bos.

Hibrus 2:14

Wal pipul olabat jidan femili blanga im, en blanga tharran na imbin meigim miselp seim laik olabat, dumaji imbin wandi dai blanga bidim det boswan dibuldibul hu garram det pawa blanga meigim pipul dai.

Fes Pida 5:1

Wal ol yumob hu jidan tjetj lida, yumob irrim mi na, dumaji mi tjetj lida du, en aibin luk garram main ron ai det trabul weya Jisas Krais bin abum, en ai sabi ai garra jidan garram det brabli shainiwan lait blanga im wen im garra kambek.

Fes Jon 4:15

En if enibodi jandap en tok Jisas na det San blanga God, wal im jidan joinap garram God, en God jidan joinap garram im du.

Fes Jon 5:20

En wi sabi det San blanga God bin kaman, en imbin meigim wi sabi wulijim wi garra sabi det trubala God. En wi jidan joinap garram det trubala God. Yumob sabi na? Wi jidan joinap garram Jisas Krais det San blanga God. Im na det trubala God. En im det olagijawan laif du.