Methyu 16:14 - Kriol Baibul

¹⁴ Wal detlot wekinmen bin tok, “Sambala pipul reken yu Jon Beptis, en sambala pipul reken yu det speshalwan mesinja blanga God hubin jidan longtaim neim Ilaija o maitbi Jeramaiya, en sambala pipul reken yu najawan speshalwan mesinja.”

Methyu 16:14 Iomraidhean Croise

Jeramaiya 1:1

Wal dijan buk dalim wi wanim Jeramaiya bin tok. Imbin det san blanga Hilkaiya, en im na bin det serramonimen langa det taun gulum Einathoth langa det kantri blanga Benjamin.

Melakai 4:5

“Wal bifo det dei wen ola pipul garra bradin detmatj, ai garra jandim Ilaija, det speshalwan mesinja langa yumob.

Methyu 14:2

en imbin tok, “Im na Jon Beptis, bat imbin gidap laibala igin.”

Methyu 16:15

Wal Jisas bin askim olabat, “Wotabat yumob? Hu yumob reken mi?”

Methyu 17:10

En deibin askim im, “Wotfo ola lowamen tok det speshalwan mesinja blanga God neim Ilaija garra kaman lida langa yu?”

Methyu 3:1

Longtaim det speshalwan mesinja blanga God neim Aisaiya bin tok langa oltestaman, “Sambodi deya im jinginatbat langa bush kantri. Im dalimbat ola pipul blanga meigim det roud redibala blanga det Boswan, en im dalimbat olabat blanga streitinimat det wei blanga im blanga kaman langa olabat.” Lagijat na Aisaiya bin tok longtaim. Wal bambai na det sambodi bin kaman. Imbin neim Jon Beptis, en imbin oldei werrim detlot klos weya deibin meigim garram kemul heya, en imbin oldei werrim lethawan belt, en blanga im daga imbin oldei dagadagat grashopa en shugabeig. Wal Jon bin go langa det bush kantri deya langa Judiya, en imbin dalimbat ola pipul, “Yumob garra tenim miselp brom det nogudbalawei, dumaji im gulijap taim blanga det bos blanga wi garra kaman.”

Mak Bin Dalim Ola Stori Blanga Jisas 6:15

Bat najalot pipul bin tok, “Nomo. Im det speshalwan mesinja blanga God hubin jidan longtaim neim Ilaija.” En najalot pipul bin tok, “Nomo. Im speshalwan mesinja jis laik ol detlot najalot mesinja hubin wokaran iya bifo.”

Mak Bin Dalim Ola Stori Blanga Jisas 8:28

Wal detlot wekinmen bin tok, “Sambala pipul reken yu Jon Beptis, en sambala pipul reken yu det speshalwan mesinja blanga God hubin jidan longtaim neim Ilaija, en sambala pipul reken yu najawan speshal mesinja.”

Luk Bin Dalim Ola Stori Blanga Jisas Langa Wan Jintail Men 9:8

En najalot pipul bin tok, “Nomo. Det speshalwan mesinja blanga God hubin jidan longtaim neim Ilaija bin kambek.” En najalot pipul bin tok, “Nomo. Najawan mesinja hubin wokaran iya longtaim bin gidap laibala.”

Jon Bin Dalim Det Gudnyus Blanga Jisas Det San Blanga God 1:21

Wal detlot serramonimen bin askim im, “Wal hu yu? Yu det speshalwan mesinja neim Ilaija?” En Jon bin tok, “Nomo. Mi nomo Ilaija.” Wal detlot serramonimen bin askim im igin, “Wal hu yu? Yu det brabli speshalwan mesinja weya God bin pramis langa Mosis blanga jandim langa wi?” En Jon bin tok, “Nomo. Mi nomo det brabli speshalwan mesinja.”

Jon Bin Dalim Det Gudnyus Blanga Jisas Det San Blanga God 7:12

Wal nobodi bin gibit streit ensa langa detlot serramonimen, dumaji detlot pipul bin bradin blanga detlot serramonimen. Bat loda pipul deya bin dalimbat miselp snikinwei blanga Jisas. Sambala bin tok, “Im gudbala men.” En sambala bin tok, “Nomo. Im nomo gudbala men, dumaji im trikimbat ola pipul en deigidaweibat olabat.”

Jon Bin Dalim Det Gudnyus Blanga Jisas Det San Blanga God 9:17

Bambai na detlot serramonimen bin askim det men hubin oldei jidan blainwan, “Yubin tok det men bin meigim yu luk gudwei. Wal hu yu reken im?” Wal det men hubin oldei jidan blainwan bin tok, “Im speshalwan mesinja blanga God.”