Methyu 16:11 - Kriol Baibul

¹¹ Wal wotfo yumob kaan sabi? Mi nomo dalimbat yumob blanga daga. Mi dalimbat yumob blanga wotjim miselp blanga det nogudbalawei weya detlot serramonimen oldei dumbat!”

Methyu 16:11 Iomraidhean Croise

Methyu 16:1

Brom deya wen Jisas bin godan brom det bout, sambala serramonimen gulum Ferasi en Sedyusi bin kaman langa im, en deibin stat askimbat im loda kwestjan, en deibin askim im blanga dum klebabala ting blanga shoum olabat imbin gedim im pawa brom God, dumaji deibin wandi testim im.

Methyu 16:12

Wal detlot wekinmen bin sabi na wanim Jisas bin dalimbat olabat. Deibin sabi wen imbin tok raising, im nomo bin toktok blanga det raising weya yu pudum langa flauwa. Imbin toktok blanga ol detlot nogudbala wed weya detlot serramonimen bin oldei titjimbat ola pipul.

Methyu 16:6

en Jisas bin dalim olabat, “Yumob garra wotjim miselp blanga detlot serramonimen gulum Ferasi en Sedyusi, en yumob garra meiksho det raising blanga olabat kaan deigidawei yumob.”

Methyu 3:7

Bambai na Jon Beptis bin luk loda serramonimen gulum Ferasi en Sedyusi bin kaman langa im blanga beptais, en imbin dalim olabat, “Yumob kaninbala! Hubin dalim yumob blanga ranawei brom God wen im garra panishimbat yumob?

Mak Bin Dalim Ola Stori Blanga Jisas 4:40

En Jisas bin tok langa im wekinmen olabat na, “Wotfo yumob bradin? Maitbi yumob nomo bilib langa mi?”

Mak Bin Dalim Ola Stori Blanga Jisas 8:15

en Jisas bin dalim olabat, “Yumob garra wotjim miselp blanga detlot serramonimen gulum Ferasi en blanga King Herod. Yumob garra meiksho det raising blanga olabat kaan deigidawei yumob.”

Mak Bin Dalim Ola Stori Blanga Jisas 8:21

En Jisas bin tok, “Wal wotfo yumob kaan andasten wanim mi tok wen mi dalim yumob blanga wotjim miselp blanga det raising blanga detlot serramonimen?” Lagijat na Jisas bin tok.

Luk Bin Dalim Ola Stori Blanga Jisas Langa Wan Jintail Men 12:1

Wal bigismob pipul bin majurrumap miselp langa Jisas na. Detmatj pipul bin deya, en deibin oldei bambumbat miselp, en det namba blanga olabat bin thausen en thausen. Wal Jisas bin tok basdam langa im wekinmen olabat, “Yumob garra wotjim miselp blanga det wei blanga detlot serramonimen gulum Ferasi, dumaji olabat tufeis. Dei oldei dum gudwan ekshan atsaidwei blanga gaburrumap ola nogudwan ting weya dei oldei dumbat.

Luk Bin Dalim Ola Stori Blanga Jisas Langa Wan Jintail Men 12:56

“Yumob granggibala! Yumob gin luk dijan kantri en det skai en sabi wanim det win en rein garra dum. Wal wotfo yumob kaan irrim wanim God bin tok en sabi wanim im garra dum?

Jon Bin Dalim Det Gudnyus Blanga Jisas Det San Blanga God 8:43

Bat yumob kaan sabi wanim mi dalimbat yumob, dumaji yumob nomo wandi irrim detlot wed weya mi toktok.